الأعضاء الإشتراك و التسجيل

الملتقيات
ADs

تقرير نظرة السعودية لنظيرها السعودي

تقرير نظرة السعودية لنظيرها السعودي


NOTICE

تنبيه: هذا الموضوع قديم. تم طرحه قبل 2205 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. مادري وش اقول !!!
    لكن اللهم يا سامع النداء ويارافع السماء بغير عمد
    ان تستر على بنات المسلمين وتقيهن من كل شر ومن عيون الحاسدين والحاقدين.
    وانصحهن لا سعودي ولا خليجي ولا آخر !! خليكي مع بنات حواء ومدرساتك ومدرسينك
    والمعرفه والسلام ولاحتكاك مع الشباب اياً كانت جنسيته له عواقب وخيمة.
    وشكرا ياصاحب الموضوع ولو انني ( شطحت شوي ) ولكن من الغيرة واقسم بالله انها من الغيرة فقط
    فقد رأيت بنات في عمر الزهور دخلاً معي المعهد يوم امس وتخبرون اول يوم تصوير اوراق واقسام ورايحين وجايين
    وهن داجات ومستحيات والله اعلم بحالتهن وانا رجل وعندي شوية لغة يعني على الاقل اصرف حالي طفشت في هذا اليوم من الحوسة الي تخبرونها
    فتذكرت اين المحرم الذي ابتعث معهن اليس من الواجب ان يكون في هذا اليوم متواجد مع اخته او بنته لن اقول زوجته لانهن لسن متزوجات
    على الاقل يكون لها دافع معنوي او اذا بغت شيء تكلمه وهو بدوره يكلم احد الذين يستطيعون خدمته؟؟.
    تحيااااااااااااااااااااااااااااااتي وآآآآآآآآآآآآآآآآآآآآآآآآآآآآآآآآآآسف على الاطالة.
    7 "
  2. الأجانب عارفين عادتنا وتقاليدنا .. أكثر من انفسنا نحن كالسعودين درست بالسابق في اكثر من معهد المدرسة حينما تريد ان نتشارك بالمعلومه على شكل قروبات لاتضع السعودية الا مع بنت مثلها وهذا يدل على فهمهم لعادتنا وتقليدنا .. واذ الأجنبي راح يفهم ان عادتي وتقاليدي تخلف فـ هذا فخر لي ان البنت السعودية عفيفه ومكرمه .. الشي الأخر البنت السعودية حينما تحتاج معلومه وتسئل طالب اجنبي من جنسية اخرى ولا تسئل السعودي من حقها صرأحة ولا ألومها نهائي .. لانها لاتريد ان يفتح عليها باب .. والمقصد هنا ( الكلام) طبعأ انا لا أريد ان أوضح اكثر لان المجتمع الصالح من الشباب هناك والله قليل وان اخجل ان اقول هذا الكلام لكن الله يهدي الجميع على العموم اتمنى وجهة نظري وصلتها بالشكل المطلوب ولا اظن ان اكبر همك او طموحك تكوين قروبات بيننا كسعودين شباب وبنات طموحك انه اكبر ان شاء الله .. وهو التخرج


    تحياتي
    7 "
  3. كثرت مواضيعكم من هالشاكله وكأن البنات هالسنه هي اول سنه يطلعوو لامريكا

    يبوي شفيها لو راحو يدرسون اهاليهم وراضين وش دخلنا حنا

    من وجهه نظري انظر للمبتعثه نظره عاديه كأنها برازيليه او ايطاليه او تركيه ماتفرق عنهم

    اللله يوفقنا واياهم
    7 "
  4. يعني والله حالتنا حالة
    كلمنا السعوديين قالوا عنا داجات ما كلمناهم قالوا عنا نسوي تفرقة في التعامل !!!!
    اقول مو ملاحظين ان السعوديين مالهم حل ؟! في الحالتين احنا مذمومين ؟!


    بعدين بعيد عن القروشة هذي كلها
    انا عاجبتني شغلة ماااااااااااااااااااااااااارة خطيرة
    بغض النظر عن ان فيه ناس يبغون يفرضون نظرتهم للدين وللسعوديين على بنات خلق الله
    اعجبتني الغيرة المفاجئة على حرمات الله
    وكلام من نوعية احنا مأمورين بغض البصر واللذي منه
    مع احتراااااااااامي للجميع
    لكن انا ما شفت احد يستانس بـ جية زميلته في الدراسة مثل السعودي ,, لدرجة انه يقوم يحضنها ويبوسها
    ( قوة اهتمام بـ التحصيل العلمي زي كذا ما شفت )
    لا والزمالة البريئة بينهم وبين البنات مااااااااااااااارة حلوة ,, ما فيها طبطة على الكتف ولا احتضان وقت
    ما تكون زعلانة ولا اي شيء من هذا كله

    اسمحوا لي
    تصرفات بعض شبابنا ( البعض وليس الكل ) مخجلة لي كـ بنت فما بالك بـ بنت مسلمة سعودية


    كون ان البنات يفرقوا في التعامل بين الاجنبي والسعودي هذي ما الومهم فيها
    يعني الاجنبي بمجرد ما يعرف ان اللي قدامه سعودية حتى لو كانت ماهي محجبة تلاقيه يتعامل معاها
    بـ تهذيب شديد ويحاول انه ما يتجاوز حدود الادب
    بعكس السعودي اللي لو اللي قدامه متغطية من راسها الى رجولها وتضطر انها تسألة عن معنى كلمة
    ما عرفتها تلاقيه يقزها من فوق لـ تحت يا يحاول يشبكها يا يفكر بـ سالفة يطلعها عليها



    صح ان فيه ناس يرفعوا الراس وقمة في التهذيب
    بس البطالين كثيـــــــــــــــــــــــــــــــــــــــــــــــ ـــــــــــــــــــــر
    7 "
  5. الشاب المحترم بائن من تصرفاته وسلوكه ومعاملته الرسميه مع البنات ككل ويعرف حدود الحلال والحرام ويركز على دراسته اكثر من أي شي ثاني أما صاحب الخرابيط مبين اللي جاي وحاط في باله يكون علاقات ومايحز في خاطري الا اذا قالو تقوية لغه مع الجنس الاخر اتقوا الله يجعل لكم
    مخرجا انت مسلم وكمسلم ينبغي عليك أن تضع خطوط فاصله بينك وبين أي بنت لاتربطك بها علاقه جائزه مثلا ماترضى أختك أو زوجتك تشوفها
    جالسه مع رجل غريب عنها انت كذلك لايحل لك خلو صورتنا وأحكامنا واضحه أمام العالم لاتخلون العالم تشوف في الاسلام تناقضات الاسلام بريء منها و وضع أحكام واضحه خلونا نطبق من باب الخوف من الله انت أو انتي لاستشعروا عظمة انه كيف اجلس أو أتكلم أو أخرج مع رجل أو امرأه. لاتمت لي بصله الله يثبتكم ويهدي الجميع
    7 "
  6. و الله ثقافتنا و فقهنا .. مركز على البنت بشكل كبير

    تبون الجد يا شباب و لا تزعلون مني ..

    أتوقع الحكومة السعودية لو بغت تحسن صورتها عند الأجانب .. يرسلون 70 في المية بنات بكالوريس و ماجستير و دكتوراه و 30 في المية ذكور لمرحلة الدكتوراه.

    الشباب بصراحة فالينها فلـّة .. عكس البنت شادة و مركزة و مهذبة .. السعودي بصراحة مهايطي نوعـًا ما ..

    و بعض الرجال اسم انه محرم جاي عالة على زوجته و اخته و امه و هي اعقل منه

    و البنات السعوديات اكثر محافظة من الشباب

    بس جد قليل السعوديات الي سمعتهم سيئة يعني اتوقع 10 في المية كحد اعلى رايحات فيها اخلاقيا من كل المبتعثات ... و المبتعثين اتوقع ياصلون 70 الى 80 في المية رايحين فيها ..
    و ان شاء الله ما فيه احد من الي يقرا كلامي من هالنوعية و كل الي هنا فيهم الخير

    طبعا ما اعمم
    7 "
4 من 5 صفحة 4 من 5 ... 345
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.