الأعضاء الإشتراك و التسجيل

الملتقيات
ADs

تقرير نظرة السعودية لنظيرها السعودي

تقرير نظرة السعودية لنظيرها السعودي


NOTICE

تنبيه: هذا الموضوع قديم. تم طرحه قبل 2173 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مَعَتْلٍي شَانَهْ ~
    مَعَتْلٍي شَانَهْ ~

    محظور

    مَعَتْلٍي شَانَهْ ~ الولايات المتحدة الأمريكية

    مَعَتْلٍي شَانَهْ ~ , ذكر. محظور. من السعودية , مبتعث فى الولايات المتحدة الأمريكية , تخصصى Madicine , بجامعة ..
    • ..
    • Madicine
    • ذكر
    • .., CA
    • السعودية
    • Sep 2011
    المزيدl

    January 4th, 2012, 09:46 AM

    السلام عليكم

    هالموضوع راح أطرحه لآخر مرة وهالمرة ابي اوضح فيها شغلات وحلول للمشكلة
    أرجوكم هالموضوع ماهو استفسار أو للنقاش ، لا انحرف النقاش عن مساره راح يُحذف
    لا جيتوا بتناقشون ناقشوا بهداوة واحترام كل واحد يمثل نفسه ويمثل أهله

    مواقف طريفة عجيبة وتناقضية تحصل بين السعودي والسعودية ( على فكرة تحصل مع أشقائنا الخليجيين مثلاً : إماراتي وإماراتية ، كويتي وكويتية إلخ )
    يوم أقول سعودي وسعودية لا تتحسسون من الكلمة ، أقولها لأن الموضوع يخصنا

    أرجوكم ..// أول شي نحمد الله على البعثة والله إنها نعمة وليست نُقمة
    أرجوكم شباب وبنات استغلوا هالفرصة في تطوير الجانب التعليمي والجانب الشخصي والفكري أيضاً هذي فرصة عظيمة

    غير كذا لازم تنتبهون لتصرفاتكم قدام الأجانب عشان ننقل صورة حسنة
    شوفوا الجاليات التركية بالمعهد أو الجامعة تلقاهم بـ قروب شباب وبنات
    شوفوا الجاليات الإيرانية قروب مع بعض بنات وشباب
    شوفوا الجاليات الفرنسية ، الإيطالية ، الشرق أسيويين
    إلا نحن شباب وبنات الخليج بس خل أقول احنا السعوديين

    بالمعهد أو الجامعة في طلاب وطالبات من أكثر من 10 جنسيات
    ألوان وأشكال ..
    كل واحد وحده يمثلون وطنهم
    فهم يوم يشوفون سلوكنا مع بعض صدقوني والله يضحكون علينا ويتكلمون علينا
    ويتعرفون ع أمريكان وينشرونها ... وخلاص رسخت الصورة السيئة عنا وكذا تقعد تنتشر وتنتشر
    وإذا رجع بلده ينشرها وخلاص السعودية وأبنائا وبناتها تبقى سمعتهم بالحظيظ

    المشكلة إننا احنا مو هم احنا نشوه صورتنا بنفسنا هذا المضحك المبكي !
    أكيد كل واحد / وحده منا جوه أسألوه الأجانب بالجامعة : ليه أنتو ماتتكلمون مع بعض ؟
    كثير مر عليّ السؤال هذا

    مواقف في قمة التناقض /
    1- مرة شفت سعودية جديدة قلت خليني أقولها أنا كويتي بشوف ردة فعلها ، سألتني من وين قلت لها الكويت تضحك معي وتهرج وعادي
    2- وحده تهرج معي وتضحك وعادي بعدين سألتني من وين ؟ قلت لها السعودية كتمت " بسم الله الرحمن الرحيم " وقامت من عندي بدون أي كلمة !

    عشاني " سعودي " بس للأسف فينا عنصرية مع بعض وهذا واحنا عيال بلد وحده ..// والسبب " على كلامهم البنات " إن السعودي دايماً نيته مو كويسة
    وطبعاً كل كلامهم البنات عن الشباب تستند من " القيل والقال " مو عن تجربة !

    نبي نخش بالزبدة
    الرجال سواسية من جميع الجنسيات والأشكال والألوان حتى الي عايش مع بنات طول عمره وشبعان بنات
    عنده مشاعر وأحاسيس وغريزة يحس يشتهي !
    عن الرسول صلى الله عليه وسلم قال " أشد فتنة على الرجال النساء "
    الرجال بالفطرة الي خلقها الله عليها يحب النساء

    بجميع الدول فيه " الطالح والصالح " هذا اللي نبي نوصله
    ولا تخلون كلام الناس يأثر عليكم " رضى الناس غاية لا تدرك " لو اطبق أوامر وكلام الناس حرفياً ما رضوا عنك يعني استريحوا بالله

    حلو الواحد يكون له شخصيّة له كلمة مايكون كنترول بيد الناس
    لا تمشي مع ذاك ولا تمشي مع ذيك وهذا داشر " حكم على مظهره " مايدري إنه أحسن منه بالصلاة وبخُلقه

    البنت العاقلة / تعامل الرجال " كلهم بجميع أجناسهم " على إنهم غرباء وليسوا محارم لها ، تعامل الكل سواسية
    مو تعامل السعودي إنه غريب ومو محرم عليها ، وتعامل الأجنبي إنه محرم لها ! كلهم غرباء اثنينهم

    الولد العاقل / يعامل كل بنت " بجميع أجناسهم " على أنهم أخواته

    خليتوا الناس تضحك علينا
    أنتوا ماشفتوا الخبر السامج على جريدة العربيّة ؟
    تقرير أو موضوع عن علاقة السعودية بالسعودي بالغربة وخذلك مهزلة وشوف التعليقات كيف !

    تخيلوا احنا قروب مع بعض بينا كل احترام وأخوّة
    كيف بتكون نظرة الأجانب لنا ؟
    أكيد بيحبونا ويجون يتعرفون علينا ويقولون لا والله السعوديين والسعوديات ناس راقية وما شفت أحسن منهم
    عني أنا أعامل الكل سواسية سواء بنات أو شباب حتى السعوديات جاتني أكثر من موقف بايخ معهم مع ذلك أعاملهم بكل احترام وطيبة
    لأن كل واحد يمثل نفسه

    ياليت تخلون هالحديث بين عيونكم يقول الرسول صلى الله عليه وسلم " وقابل السيئة بالحسنة "

    هالموضوع ما أفكر فيه ولا كتبته إلا عشاني غيران والله على بناتنا وأخواتنا وبلدنا السعودية
    احنا مو ناقصنا شي ماشاء الله يوم بعد يوم نسمع خبر براءة اختراع لـ سعودي او سعودية

    أتمنى إننا نصحح نظرتنا تجاه بعض .. ونبني الثقة بيننا .. عمرنا ماراح نتطور إذا مافيه ثقة بيننا ونحش في بعض ونضحك الناس علينا
    سلام عليكم ..
  2. هي وانا اخوك الفكره انك سعودي تخوف
    انت كشاب سعودي قاعده معروفه عنك انك لعاب مغزلجي ماتسولف لله

    يعني كلنا شفنا مواقف انا سلمت على سعوديه ماترد السلام
    جا كوري حلو قامو يسولفون ويضحكون

    ماهمني تسولف وتضحك مع مين بس مكتوب على جبهتي انتبه مثلا
    لكن للامانه مو الجميع
    7 "
  3. كلامك صحيح تقريباً ،،
    لكن لا تهتم بسعوديه أو غيرها ،،
    مثال بسيط ،،
    أعرف سعودي سيحصل على الزماله في جراحة المخ والأعصاب جميع الجنسيات بتخصصه منبهرين بدراسته وحرصه ومعدله الممتاز وحب الدكاتره له ويعرفون انه من السعوديه ،، هذا اللي يرفع الراس ،، وليس بنات وعيال يروحون مع بعض ويجون مع بعض ،،
    واعرف سعودي الآن على وشك إنهاء درجة الدكتوراه في الهندسه المدنيه ،، كل الجنسيات تشوفه انسان عظيم وكبير وأن السعوديه والسعوديون عظيمون مثله وأصبحوا يحترمون السعوديون بسبب الطلاب الي يرفعون الراس بدرجاتهم العلميه وحرصه على دراسته ودرجاته العاليه ،،
    الأجانب ما راح يقول والله السعوديين ممتازين لأن البنات والشباب مع بعض ورايحين مع بعض وجايين مع بعض لأن هالشيء جانبي ،، لكن راح يقولون السعوديون عظيمين وممتازين لأنهم جايين امريكا وحريصين ومجتهدين وبيتخرجون بدرجات علميه كبيره ،،
    شكراً
    7 "
  4. المشاركة الأصلية كتبت بواسطة Plato
    كلامك صحيح تقريباً ،،
    لكن لا تهتم بسعوديه أو غيرها ،،
    مثال بسيط ،،
    أعرف سعودي سيحصل على الزماله في جراحة المخ والأعصاب جميع الجنسيات بتخصصه منبهرين بدراسته وحرصه ومعدله الممتاز وحب الدكاتره له ويعرفون انه من السعوديه ،، هذا اللي يرفع الراس ،، وليس بنات وعيال يروحون مع بعض ويجون مع بعض ،،
    واعرف سعودي الآن على وشك إنهاء درجة الدكتوراه في الهندسه المدنيه ،، كل الجنسيات تشوفه انسان عظيم وكبير وأن السعوديه والسعوديون عظيمون مثله وأصبحوا يحترمون السعوديون بسبب الطلاب الي يرفعون الراس بدرجاتهم العلميه وحرصه على دراسته ودرجاته العاليه ،،
    الأجانب ما راح يقول والله السعوديين ممتازين لأن البنات والشباب مع بعض ورايحين مع بعض وجايين مع بعض لأن هالشيء جانبي ،، لكن راح يقولون السعوديون عظيمين وممتازين لأنهم جايين امريكا وحريصين ومجتهدين وبيتخرجون بدرجات علميه كبيره ،،
    شكراً
    صحيح تقريباً !
    بلاتو أنت شخصيتك " نرجسية " على قولة واحد تهاوش معك بإحدى المواضيع ههههههههه
    أرجوك لا تخرج عن مسار الموضوع وتفتح باب مغلق !
    أنا ذكرت بالموضوع ما قصدي تصير بينا صداقة تعبت والله وأنا اكتب الموضوع آخر شي هذا الي خرجت أنت فيه !
    أنا ماتكلمت عن الجانب الدراسي .. الجانب الدراسي الحمدلله كلنا متفوقين أو أغلبنا وأكيد الجانب الدراسي هو الي يرفع الراس
    لكن الموضوع مو محتكر على الدراسة وبس ... الموضوع أيضاً " سلوكيـــات "
    وأنا ماطلبت تخرج معي وتهرج معي طلبت إنها تعامل الرجال كلهم سواسية على إنهم غرباء عليها سواء سعودي أو أجنبي !
    وصلت المعلومة ؟
    7 "
  5. انا معك ودي ان السعوديين والسعوديات يكونو قروب واحد وعلى قلب واحد وتجمعهم المحبه والاخوه لاكن

    اولاً هذا لن يحدث حتى يغير البعض مافي داخله . اقصد النيه لازم اولاً ( البعض ) يصفي النيه ويعاملها كـ اخته او العكس كـ اخو

    لاكن للاسف انتم تعرفون في فئه ما ينفع معها هالوضع وهم اقليه
    7 "
  6. وليش تكلمون بعض وهذا كله
    واذا سالك احد تقدر تقوله تعاليم ديننا تكرم المرأه لدرجة انها ماتسترسل وتتكلم وتصادق الا اهلها فقط


    بس هذا يحتاج ان الشباب مايصادقون لاسعوديات ولاغيرهم
    ويجي يدرس بكل احتشام واذا اجبرته دراسته على الاختلاط فلا يتعدى الدراسه
    والبنات ماتسترسل بالكلام وتضحك وتصادق لاسعوديين ولا غيره
    تجي تدرس بكل احتشام واذا اجبرت على الاختلاط بسبب دراستها فلايتعدى حدود الدراسه وباحتشام




    احيي فيك روحك الوطنيه والله يوفقك لمافيه خير لدينك ودنياك
    7 "
  7. وجهة تنظر تحترم لصاحبها وتشكر عليها .. وكلامك جميل إذا ركزنا ع أن البنت السعودية تعامل غير السعودي بطريقة تختلف عن السعودي ؟؟
    بحيث تدعو لستغراب الجميع ؟؟
    إذا كنت تنادي بمعاملة الجميع ع أنهم أغراب ويكون التعامل السعودي وغيره في حدود الأدب والحــاجة والتعاون المحدود
    .. قد أوافقك ..
    لكن : جروب ووو أختلف معك فيهااا لأن اللي يحكمنا قبل كل شيء دين ..
    والفرنسي والايطالي ووو يختلفون عن ما تربينا عليه ..


    مع صعوبة التطبيق .. في الجميع ف الشق الأول والشق الثاني ..
    تحياتي ..
    7 "
  8. المشاركة الأصلية كتبت بواسطة محمدالسليمان
    وليش تكلمون بعض وهذا كله
    واذا سالك احد تقدر تقوله تعاليم ديننا تكرم المرأه لدرجة انها ماتسترسل وتتكلم وتصادق الا اهلها فقط


    بس هذا يحتاج ان الشباب مايصادقون لاسعوديات ولاغيرهم
    ويجي يدرس بكل احتشام واذا اجبرته دراسته على الاختلاط فلا يتعدى الدراسه
    والبنات ماتسترسل بالكلام وتضحك وتصادق لاسعوديين ولا غيره
    تجي تدرس بكل احتشام واذا اجبرت على الاختلاط بسبب دراستها فلايتعدى حدود الدراسه وباحتشام




    احيي فيك روحك الوطنيه والله يوفقك لمافيه خير لدينك ودنياك

    والله رد بطل
    كفو عليك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.