ابغي اغير تخصصي من تسويق الي ادارة خدمات صحية هل يوافقون لي
مرحبا الاخوان الأفاضل ، لو تكرمتم أنا ودي اعرف بخصوص وضعي أنا مبتعثة لماستر تسويق ودي اغير التخصص الي ادارة خدمات صحية ودي اعرف اذا الملحقية او الوزارة يرضوا يغيروه لي او لا ومن الاخر أنا ماعندي الاربنا ونعم بالله لا عندي واسطة ولا هم يحزنون وما ودي اقدم علي جامعة واحصل علي قبول فيها وبعدها ارفعه للملحقية وبعدها يجي رفض ترى تفسيتيي تعبت من الرفض والتلاعب من بعض مشرفي الملحقية وشكرا لكم *
رد: ابغي اغير تخصصي من تسويق الي ادارة خدمات صحية هل يوافقون لي
اتوقع لو بغيت تغير التخصص تسأل المشرف اول بعدها تجيب قبول من جامعه على تخصصك و ترفع الطلب حتى تكون حجتك قويه ولا تتوهق في تخصص ما تلقى له قبول ولا تقدر ترجع لتخصصك الاول .
و تلاعب المشرفين ما اعتقد احد يتلاعب مع البوابه الالكترونيه كل شي مسجل بالتاريخ و الوقت و التغيير عن طريق اللجنه ليس عن طريق المشرف , المشرف فقط يتاكد هل هو ممكن التحويل او لا و ايضا رده مسجل في البوابه و السبب للرفض في حاله الرفض لا قدر الله .
رد: ابغي اغير تخصصي من تسويق الي ادارة خدمات صحية هل يوافقون لي
انا راح ادرس هالتخصص بحول الله
لكن اختي انتي وش تخصصك يعني هل يكون امتداد له او مختلف اقصد البكالوريس
رد: ابغي اغير تخصصي من تسويق الي ادارة خدمات صحية هل يوافقون لي
اخوي عبدالرحمن دحيم مشكور علي الرد والتوضيح والله يوفقك وبخصوص بعض التلاعب كان قبل وجود البوابة الالكترونية . وانا راح ارفع طلب استفسار ومشكور يعطيك العافية.
رد: ابغي اغير تخصصي من تسويق الي ادارة خدمات صحية هل يوافقون لي
تخصص البكالوريوس دراسات اسلامية وبعثتي علي ماستر تسويق والتسويق كمان مو امتداد للتخصص السابق
رد: ابغي اغير تخصصي من تسويق الي ادارة خدمات صحية هل يوافقون لي
اخوي مودرن الله يوفقك أنا تخصصي شريعة ومبتعثة لتسويق وانا ما ابغاه لان هذا التخصص فيه تكدس ما أقابل مبتعثة معها بكالريوس ادبي الا وتلاقيها مبتعثةتسويق أنا ودي ادرس شي مختلف له مستقبل وما عليه تكدس فاخترت هذا التخصص ومشكور .
رد: ابغي اغير تخصصي من تسويق الي ادارة خدمات صحية هل يوافقون لي
عفوا ودي أضيف ، أنا ما ودي اقدم علي جامعة واحصل علي قبول منها وبعدها احصل علي رفض من الملحقية وقتها راح اضطر اغير الولاية ولا اقدر اقدم علي تخصص ثاني في نفس الجامعة ياليت اللي يعرف يشير علي ايش اسوي *ومشكوورين
رد: ابغي اغير تخصصي من تسويق الي ادارة خدمات صحية هل يوافقون لي
شوفي بقول لك على مشرفي قلت له ابغى اغير تخصصي قالي لاي تخصص قلت ابغى تربوي بالتعليم لانه انا متخرجه تربوي قالي خلاص جيبي قبول وتطلبين تغيير تخصص وترفقين القبول والاسباب مثل انه طموحك وامتداد لتخصصك ومن الكلام المنمق الحلو ويقول تصير جلسه خلال اسبوعين وتجي ياموافقه او رفض وغالبا يوافقون
وبقولك على اختي بعد ببريطانيا طالعه ماستر تجاره الكترونيه وغيرت تخصصها بنفس الطريقه للفيجوال ارت للتصميم المهم وافقو له لانه امتداد لتخصصها
والله يوفقك
رد: ابغي اغير تخصصي من تسويق الي ادارة خدمات صحية هل يوافقون لي
بعد ماتوصلين ان شاء الله يغيرون الملحقية بدون تعقيدات. تخصص ادارة الخدمات الصحية يعتبر اعلى من التسويق فبمجرد حصولك على قبول قبل بدأ الدراسة في التسويق بيغيرون لك ان شاء الله شرط ان تكون مدة البرنامج متوافقة مع مدة بعثتك. اي بمعنى اخر ان لايترتب على التغيير المطالبة بزيادة مدة البعثة. وفي حالة الاحتياج ان لاتزيد عن 6 أشهر.
الأهم في هذا الموضوع هو معادلة الشهادة بعد التخرج. وهذا شيء مهم:
3. في حالة اختلاف التخصص في المرحلة المراد دراستها عن المرحلة السابقة فيتطلب دراسة مقررات تكميلية (عدد ونوع تلك المقررات التكميلية يختلف حسب مدى الاختلاف في التخصص)
الجامعات الموصى بها
بالتوفيق
رد: ابغي اغير تخصصي من تسويق الي ادارة خدمات صحية هل يوافقون لي
المشكله اختلاف التخصص يعني معادلة الدرجه دبلوم عالي في السعوديه