نويت اتزوج مبتعثه باذن الله ........ كل شى تقولونه يهمني اخواني واخواتي ""

والله يا ليتك ما فتحت الموضوع هههههههههههههههههه
وانا اسف بس استغربت من الموضوع

خذها نصيحه تزوج من السعوديه وتعال معها والحقها في البعثه و ولا تنسى ترسل لي كيلوين قهوه وانت جاي

انا اعتذر يا اخي اذا فهمت غلط ’’’

بس من الحماس ’’’وزلة كتابة,,

اعتذر وان شاء الله نسمع قريب عن الخبر الحلو’’

موفق

اقتباس:

---

المشاركة الأصلية كتبت بواسطة مايو1984

لا القاعة عليك .. و لكن الصبابات و المغاتير على الملحقية.

تستهبل!! وش دخلهم فيك .. يمكن بس يجيك الملحق يسلم لا أكثر ..

بس اسمع و أنا أخوك .. ترا الزواج مو لعب ، تخق عليها عشانها مملوحة و كيوت و كذا و خلصنا .. ترانا مو أمريكان يعني تعيش مع البنت و خلاص .. لا يا حبيبي حنا سعوديين لما تتزوج بنت يعني تراك ترتبط بعائلتها كاملة ، احرص على خوال عيــالك .. و اسأل عن وضع البيت و البيئة الي عايشة فيه ..
لا تقول مالي دخل في أهلها أهم شي البنت .. يا حبيبي بكرة أنت بترتبط باخوانها بعلاقتكم و خوال عيالك إذا طلعوا داجين رايحين فيها راح يأثر عليك و على بيتك ..
بعدين ترا القاعات رخيصة بأمريكا ..
بعدين يا اخوي سوه بالسعودية زواج خفيف و سريع و جبها وشهر العسل هنا ..


بالنسبة للشكل .. ركز على المملوحة لا يهمك الجمال الصارخ .. بتقول لي ليه المملوحة .. المملوحة سلمك الله تبقى مملوحة حتى لو تعجز :rolleyes:
غير كذا ان ضحتك ودك تخمها .. و ان بكيتك و دك تلمها .. يعني شكلها في كل الحالتين يطلع يهبل
.. بعدين الجميلة مصيرك تتعود على شكلها المملوحة الفرفوشة و الله تجدد حياتك ..

شف لك وححدة فرفوشة تجدد حياتك مو وحدة لما تسافر ساككته طول الطريق ولما تسولف معها ثقيلة طينة ( و عشان اكون حقاني هذولا الشباب اكثر من البنات في هالحالة يعني نادر تلاقي لك بنت ما تبي تسعد زوجها ، بس هو لا مسوي في امها و مستأسد )

المهم مبروك

حط رقم حسابك نحول لك العانيات

---

اخوي مايو حبيب قلبي انت بس افهمني وربي القضيه مو قضيه مصاريفه والله لا يحوجني لمخلوق في شى وقلت هاذي رابع مره يمكن اقصد في القاعه اني اكلم الملحقيه يعرفو مكان مناسب لزواج سعودي وسعوديه يعني قاعه منفصله ولا اي شى منفصل حريم ورجال فقط لا اكثر











اتمنى ما احد يعلق على القاعه خلاص كم مره اوضح فكرتي من ها الكلام

هههههههههههههههههه اسف و الله بس عدل موضوعك عشان ما احد ينشب لك ..

حبيبي القاعات اعتبرها من عندي بتجيك لستة قاعات .. بس انت عزّم .. و توكل على الله و أبد أنا أسـأعدك

و ترا العرب في كل مكان تلاقي عندهم القاعات .. بمواقفها و تقدر تكلم شرطة يرسلون لك مرور ينظم حركة المرور

لو تروح لبقالة عربية و تسـألهم علطول يدبرون لك .. واحد من الشباب سوا كذا


ربي يوفقك

[QUOTE=Bnt;1061694603]عليكم اسلوب بالرد بايخ
الرجال جاي يسألكم و انتم تقولون تستهبل و مدري ايش ؟
من جد اخلاق مافي و المشكلة مبتعثين يعني فاضحينا فاضحينا
استغفر الله بس




بالنسبة للموضوع
والله اذكر في مبتعث تزوج مبتعثة بامريكا و حفل الزفاف القسم الرجالي موجود باليوتيوب
حتى الملحق حضر الزواج د. العيسى بحد زااااتو
يعني يمديك بس لازم تستفسر عن الاجراءات و اكيد تاخذ موافقة الداخلية و الخ الخ الخ

بالتوفيق اخوي


جزاك الله الف خير اختي صراحه فرحت لمن شفت ها الفيديو الله يعطيك العافيه ويخصر الي الي اتمناه في قلبي وعادي يااختي ردود الاخوان على عيني وراسي انا الضاهر كان علي اوضح سالفه القاعه لا اكثر

اخوي ورب الكون مااقصد اتريق عليك او شي واكرر اسفي اذا اني زودتها بس حبيت اقدم لك النصيحه في قالب فكاهي .

اقتباس:

---

المشاركة الأصلية كتبت بواسطة Strange Eve

اخوي ورب الكون مااقصد اتريق عليك او شي واكرر اسفي اذا اني زودتها بس حبيت اقدم لك النصيحه في قالب فكاهي .

---

مقبوول وانا امنت بالله انه ما كان قصدك تتريقي جزاك الله خير

مدري وش اقولك .. فكرتك حلوه والله يوفقك دامك بتكمل نص دينك .. على كل حال بالعكس في بنات مستورات والله يحفظهم ,, انا مثلك كان ودي اخذ مبتعثه بس ياخي انا خجول خخخخخخخ ولا قدرت اكلم اي وحده بموضوع زواج وكذا فيوم رجعت السعودية قلت للاهل يدورون .. وللحين ادور وحده تبي تكمل دراسه برى .. صعبه شوي ..

يَ على قد حالك .. فكرتك حلوة إنك تبتعث لأمريكا ولا وصلت هناك وبلشت دراسة تشوف لك مبتعثة تدرس معك،
أعجبتك خُلقاَ وخَلقاً وشفت إنكم مناسبين لبعض " قلبها براسك ع رواق من جميع النواحي امسك حبة حبة " شفت كل شي تمام توكل على الله..
أنا أدعمك على هذي الفكرة .. أنا مثلك أشوف من الحلو تشوف البنت هنا فيس تو فيس تعرفها زين .. تعرف كيف تفكر شخصيتها كل شي عنها ..
( يعني ما تاخذها إلا بقناعة وهي ماتوافق عليك إلا بقناعة )
يعني زواج ناجح بإذن الله .. غير كذا تدرسون مع بعض .. طوال سنين دراستكم بأمريكا " تعتبر فترة عسل طويلة " تلفون أمريكا تهيصون مع بعض فله
ودي لو الكل يشوف نصيبه شباب وبنات .. لكن الله يهدي البعض يوم يشوف موضوعك يحطك كافر وأنت جاي أمريكا عشان تقزز بالسعوديات وتشوف لك زوجة
ويخلي من الحبة قبة .. دايم ينظرون للجزء الفارغ من الكأس ويتركون المملتئ منه ، لأنهم عقول فارغة..
ما أشوف فيها شي علاقة زمالة بين السعودي والسعودية بحدود الدين والأدب والدراسة ومع مرور الوقت حبيتها اطلبها بـ الحلال طبعاً وفالك التوفيق

على كده لازم تعمل زواجك في ولاية فرجينيا علشان الملحقية تنسقلك قاعة واعتقد ان الملحقية لها تخفيض لدى الفنادق وقاعات الفنادق ، مع اني اشوف انك لو عملت زواجك في كالفورنيا احلى بكثير لان الجــو هناك رووعه وخاصة ( سان دييغو ) . واي استشاره في الموضوع هذا نخدمك بأذن الله تعالى ، نسئل الله لنا ولك الاجر .
بالتوفيق ان شــاء الله .