مساعدة نويت اتزوج مبتعثه باذن الله ........ كل شى تقولونه يهمني اخواني واخواتي ""

انا ضحكتني سالفة القاعه اللي تاخذها لكم الملحقيه.
عموما اخوي الله يوفقك وانا اقترح اذا بغيت تتزوج وحده انو تتفق انت ومحرمها على وقت معين ترجعون فيه السعوديه مثلا اول اجازه يعطونك الملحقيه وتملكون وتتزوجون في السعوديه وبالتوفيق.

الله عليك وربي دخت من موضوع الى موضوع
الا ما تبي ةالمبتعثين يعطونك عنيه احسك رااايح امريكا ( تدور احد يصرف على عرسك ) هههههه عجب عجاب

اخوي ابو فجر ادري انك فهمتني غلط ما عليه لاكن الي قصدي من القاعه انه مكان مناسب لزواج سعودي وسعوديه يعني مو قاعه مفتوحه مخلوطه ببعض والقضيه مو قضيه صرف الله يصلحك ويهديك قوول امين ما تنلام فهمتني غلط وانا كان المفروض اوضح هذا الشى اتمنى اني وضحته وحالتي الماديه الحمدالله كويسه مو ناقصني شى جزاك الله خير على مشاركتك لانك خليتني اوضح فيها معنى القاعه

طيب ليش مآفكرت انك تتزوج في السعوديه وتآخذهآ معك ؟؟

ثم اذا جيت امريكا تحاول تلحقها ببعثه الدرآسه وتدرس انت ويآهآ ؟؟

< وجهة نظر فقط ليس إلآ ..


موفق اخوي ..

اخوي حمد شكرا على مشاركتك واحترم وجهه نضرك صراحه وادري حلو كلامك لاكن لي ضروفي الخاصه اني افكر اتزوج في امريكا وارتاح كلن وضروفه يا اخوي ياليتك تقدر تفهمني بس محا تقدر ادري بالعكس نفس كلام ابوي يقول تزوج هنا وخلاص وانا اقول له نشوف بعدين .....واعتقد مافيه فرق اذا تزوجت في امريكا ولا في السعوديه ولا في المريخ كله واحد اسمه زواج

لا القاعة عليك .. و لكن الصبابات و المغاتير على الملحقية.

تستهبل!! وش دخلهم فيك .. يمكن بس يجيك الملحق يسلم لا أكثر ..

بس اسمع و أنا أخوك .. ترا الزواج مو لعب ، تخق عليها عشانها مملوحة و كيوت و كذا و خلصنا .. ترانا مو أمريكان يعني تعيش مع البنت و خلاص .. لا يا حبيبي حنا سعوديين لما تتزوج بنت يعني تراك ترتبط بعائلتها كاملة ، احرص على خوال عيــالك .. و اسأل عن وضع البيت و البيئة الي عايشة فيه ..
لا تقول مالي دخل في أهلها أهم شي البنت .. يا حبيبي بكرة أنت بترتبط باخوانها بعلاقتكم و خوال عيالك إذا طلعوا داجين رايحين فيها راح يأثر عليك و على بيتك ..
بعدين ترا القاعات رخيصة بأمريكا ..
بعدين يا اخوي سوه بالسعودية زواج خفيف و سريع و جبها وشهر العسل هنا ..


بالنسبة للشكل .. ركز على المملوحة لا يهمك الجمال الصارخ .. بتقول لي ليه المملوحة .. المملوحة سلمك الله تبقى مملوحة حتى لو تعجز
غير كذا ان ضحتك ودك تخمها .. و ان بكيتك و دك تلمها .. يعني شكلها في كل الحالتين يطلع يهبل
.. بعدين الجميلة مصيرك تتعود على شكلها المملوحة الفرفوشة و الله تجدد حياتك ..

شف لك وححدة فرفوشة تجدد حياتك مو وحدة لما تسافر ساككته طول الطريق ولما تسولف معها ثقيلة طينة ( و عشان اكون حقاني هذولا الشباب اكثر من البنات في هالحالة يعني نادر تلاقي لك بنت ما تبي تسعد زوجها ، بس هو لا مسوي في امها و مستأسد )

المهم مبروك

حط رقم حسابك نحول لك العانيات

لا يا اختي ما تضحك ولا شى واعقتد وضحت سالفه القاعه للاخ ابو فجر اني اكلم الملحقيه يشوفو ليا قاعه مناسبه للزواج تفصل حريم ورجال فقط هاذا قصدي وما تضحك ولا شى


الله يوفقك انتي وزوجك محل ما كنتو وجيتو ويحفظ لكم عيالكم ويارب يكبرو وتفتخرو فيهم

عليكم اسلوب بالرد بايخ
الرجال جاي يسألكم و انتم تقولون تستهبل و مدري ايش ؟
من جد اخلاق مافي و المشكلة مبتعثين يعني فاضحينا فاضحينا
استغفر الله بس




بالنسبة للموضوع
والله اذكر في مبتعث تزوج مبتعثة بامريكا و حفل الزفاف القسم الرجالي موجود باليوتيوب
حتى الملحق حضر الزواج د. العيسى بحد زااااتو
يعني يمديك بس لازم تستفسر عن الاجراءات و اكيد تاخذ موافقة الداخلية و الخ الخ الخ

بالتوفيق اخوي

زواج مبتعث و مبتعثة