ياليت تساعدوني أبغى العلم الاكيد أنا في هم وغم

تحية طيبة لجميع الأخوان والأخوات ....

أنا بإذن الله طالع أدرس لغة على حسابي الخاص ومع زوجتي وطفلين
جبت قبول من جامعة سنترال أوف فلوريدا بأورلاندو وسفرتي ب 11 فبرااير والكلاس يبدأ ب 16 فبراير
معي فيزا على نفس المعهد
وحجزت طيران وسكن وضبطت كل أموري هناك واخذت إجازه من الدوام
دخلت موقع وزارة التعليم العالي وتفاجأت أن جميع معاهد وجامعات فلوريداً مغلقة للتكدس !!!!

سألت المكتب اللي جاب لي قبول بالرياض وش الحل ؟؟
قال عندك حلين :

الأول / أنك تقدم فيزا من جديد !!!! وتدفع لي أجيب لك قبول جديد من معهد بغير ولاية فلوريدا .
الثاني / أنك أجيب لك قبول معهد بولاية ثانية وتروح للمعهد وتقول لهم خاطبوا معهد جامعة سنترال اوف فلوريدا عشان يحولون
فيزتك إلى معهدهم وكذا أمورك تمام !! (( هل صحيح كلامه وهل فيها مشاكل مع الهجرة الأمريكية أو أنها شغله نظامية ؟؟))

واليوم شفت أحد الزملاء ويدرس بأورلاندو وهو بالرياض الحين وسالته عن الموضوع
قالي موضوع أنك تجي بفيزا على معهد وتروح معهد ثاني ترى ممنوع وممكن يمسكونك ويسفرونك !!!
طيب قلت له وش أسوي قال أنا سبق ودرست بكالفيورنيا وبعد دراستي بفترة أوقفوا جميع جامعات ومعاهد كاليفورنيا للتكدس
ولكن كان يجي طلاب أكثر من قبل !!
وقال قرار وقف التكدس خاص بالطلاب اللي داخل أمريكا الملحقين بالبعثة الذين يرغبون بتغيير ولاياتهم وينتقلون إلى معاهد وجامعات فلوريدا
والكلام ماينطبق عليك لإنك جاي على حسابك وبالتالي مالك علاقة بوزارة التعليم العالي

أتمنى ياشباب ويابنات اللي عنده خبر وعلم أكيد عن هالموضوع يرد علي
والله إني في هم وغم مايعلمه إلا الله وتحطمت كثير ، شاكر ومقدر لكم إهتمامكم وخدمتكم للجميع .

دام انك على حسابك وش عليك من المعاهد المقفله ،،، انت في البداية بتدرس على حسابك من حساب وزارة التعليم العالي ،،،، يعني رووح و انت مرتاح واذا درست المستوى الاول في معهدك الحالي دور لك على معهد ثاني في ولاية اخرى ،،،، ما في اي مشلكه اخوي تطمئن بس مسأله انك تغير الفيزا او تطلع غيرها صعبه مره ولا تحد نفسك في مو قف صعب
و الله يوفقك

يعني مااقدر أقدم طلب ضم للبعثة إلا بعد ما أنقل وهذا الشئ راح يأخر موضوع ضمي خصوصاً أن المبلغ اللي معي يادوم 3 إلى 4 شهور

إخوي اذا انت ناوي ان تدرس لغه و من ثم تعود للسعوديه فما عندك مشكله ولا يعنيك منع الملحقيه في شىء ،

اما اذا ناوي تستمرفي امريكا و تنظم للبعثه فما عندك الآن الا حل وحيد اختصارا للوقت وهو انك تذهب لمعهدك هذا و تدرس فيه فصل من 2- 4 أ شهر تقريبا و من ثم تعمل ترانسفير لمعهد آخر و بهذه الطريقه تكون ماشي على الطريقه النظاميه

ارجو من الله لك التوفيق .

^^
بالضبظ نفس كلام الاخ