الأعضاء الإشتراك و التسجيل

الملتقيات
ADs

مساعدة <؛77> ميزانيتي 200000 الف ومحتار مشووره ياخوان <77>

مساعدة <؛77> ميزانيتي 200000 الف ومحتار مشووره ياخوان <77>


NOTICE

تنبيه: هذا الموضوع قديم. تم طرحه قبل 2168 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. 200 الف ريال تكفيك لمدة سنتين
    وعلى فرض انك راح تصرف كل شهر 10000 ريال كل شهر مصاريف معهد وسكن ومصاريف شخصيه
    لكن السؤال هل راح تطلع تدرس ماستر والا بكالورويوس ؟؟ ممكن تطلع على تخصص ما يسوى فما راح تكون فيه فايده كبيره
    هل شركتك اللي انت فيها شركة كبيره والا عادية؟؟ هل فيها دروات وزيادات سنوية هل مرتاح فيها والا بس شغلة طقطقه وتبي تاخذلك خبره وبعدها تطلع لشركه افضل ؟؟؟ يعني لو قلت لي انك بسابك وماسك وظيفه حلوه راح يكون الراي مختلف
    هل بتروح لحالك والا معاك مرافق واولاد ؟؟؟ عشان تعرف ميزانيتك

    كل هالاسئله اتوقع لو تسالها لواحد يعز عليك وتتناقش معاه على رواقه يكون افضل
    عموما ممكن هالرابط يفيدك
    http://www.mbt3th.us/vb/forum60/thre...ml#post2897722

    وبما انك طلعت لامريكا فما راح تحتاجه كثير لكن لو حبيت تقراه
    7 "
  2. ماشاء الله تبارك الله اهنييك صراحه ع الهمه والطموح والاجتهاد ،

    بالنسبه لموضوعك محد يقدر يدرسه صح الا انت ، ومحد راح يتحمل عواقبه كمان الان انت ، يعني القرار الاول والاخير لك،

    ولا تنسى انت منت لحالك متتزوج وعندك عيال (الله يحفظهم ) يعني الكل بيتحمل عواقب قرارك .

    يعني لا تسممع كلام كل واحد يقول لك عندك 200000 وااو تكفيك وراح تلتحق بأذن الله وتخلص لغه ، طيب وش اللي يضمن لك انك تلتحق*
    ولو ما التحقت وش بيصير ؟ وترا اغلبهم هنا لو ان الملحقيه مطبقه الشروط صح بحذافيرها انك تخلص لغه وثلاثين ساعه ماكان شفت ولا

    واحد يقولك تعال امريكا وادرس لغه ، لان اصلا ماراح يكون فيه مبتعثبن على حساب الدوله الا اللي مخلص لغه وهذول نااااس قليل

    من عدد كبير مخلصين لغه وبدأو ف الدراسه الجامعيه ، والاغلب مازالو يدرسو لغه اللي له سنه واللي سنتين واللي باقي ماكمل سنه

    واللي التمسته في موضوعك انك جاي عشان لغه فقط !! يعني مو بكالوريوس او ماستر او دكتوراه ، ع بالك ان امريكا راح تفتح راسك

    وتحط فيه اللغه زي اعتقاد الكل وهذا غلط مرا ، غير جو اللغه في امريكا ماراح تحصل شي لانك مجبر تستخدمها في كل شي ،

    وهذا الشي تقدر تعيشه وانت بين اهلك وعيالك وزوجتك ، وبأذن الله راح تتعلم اكثر من اللي راح يدرس برا بكثير اذا جديت في الموضوع واجتهدت وراح تاخذ التوفل باذن الله قبل كثييييير برا مبتعثين .

    وتكون كذا وفرت عليك فلوس كثير راح تصرفها برا وبعدك عن اهلك وعيالك ووظيفه وهي اهم شي وماشاء الله راتب كويس ،

    نصيحتي لك انك تجلس وتدرس اللغه وانت بين اهلك و عيالك والاهم انك ضامن وظيفتك ..

    واسف ع الاطاله..

    مودتي..
    7 "
  3. انا اشكر جميع الاخوان الي ردوا وشاركوا برائيهم ونظرتهم للموضوع

    ولكن يااخوان انا بوضح بعض الامور عشان شفت بعض الاخوان عنده لبس

    انا موظف وضيفه رسميه وحكوميـه ولله الحمد وكل سنه زياده بالراتب وساكن بسكن ومجانا بعد

    وعندي بنت وبين اهلي وناسي ولله الحمد ووضيفتي باقيه ماعليها خوف لاني اجازه استثنائيه بدون راتب

    وانا الان بعد مارجعت من امريكا يعني كلكم عارف وش نظرة الناس لك ايه فلان راح

    ماهو قصده دراسه راح سياحه ولعب وطقطقه ومن هالكلام الي يغث ورجـع ولا يجيك واحد يقول فلان فشل ورجع !!

    والواحد ماهو داري وش اوضاعك

    فانا والله متردد شوي وخصوصا اني بصفي اموري وابيع سياره لي

    وارض كنت مخليه لليوم الاسود وللاستثمار

    لكن انا راح ادرس بكالوريس وعارف نفسي اللغه راح تاخذ مني وقت كثير

    وحتى عاد الدراسه الاكاديميه ومافيها من مصاعب وعراقيل والتوفيق بيد رب العالمين هل امشي بدراستي او لا

    طبعا لازم احط الاحتمالات هاذي عشان اتصور كل شي امامي

    فالوضع مره معقد مادري احسبه يمين واحسبها يسار

    ماني عارف وانا صراحه الي مضيقني اني رحت ولاانجزت اي حاجه من الي كان في بالي

    وانا الي كنت مخطط على اني اجيب اللغه والشهاده واحسن وضعي الوضيفي والمادي

    لكن قدر الله ومااشاء فعل
    7 "
  4. اخوي وضعك طيب ماشاء الله مره ممتاز

    وكما قال احد الاخوان اغلب الي يدرسون عشان الوضيفه وانت متوظف الحمد لله

    وراتب كويس بعد حتى يعني مو 2000 او 3000 عشان اقول لك وش يسوووي

    بس 10000 مره طيب وكل سنه زياده وخير وبركه وانت عند اهلك ولو يحصل لك كمل دراسه

    عند اهلك بالجامعات الاهليه بعد طيب ترى ديوان الخدمه المدنيه مايفرق بين بكالوريس من امريكا او بكالوريس من السعوديه

    والله يووفقك ،،،
    7 "
  5. المشاركة الأصلية كتبت بواسطة دايم الشوق11

    انا موظف وضيفه رسميه وحكوميـه ولله الحمد وكل سنه زياده بالراتب وساكن بسكن ومجانا بعد

    وعندي بنت وبين اهلي وناسي ولله الحمد ووضيفتي باقيه ماعليها خوف لاني اجازه استثنائيه بدون راتب

    وانا الان بعد مارجعت من امريكا يعني كلكم عارف وش نظرة الناس لك ايه فلان راح

    ماهو قصده دراسه راح سياحه ولعب وطقطقه ومن هالكلام الي يغث ورجـع ولا يجيك واحد يقول فلان فشل ورجع !!

    وارض كنت مخليه لليوم الاسود وللاستثمار

    لكن انا راح ادرس بكالوريس وعارف نفسي اللغه راح تاخذ مني وقت كثير
    طبعا اذا قدرت تقنع زوجتك تكمل فهذا الافضل بما انها مبتعثه ... وخاصة اذا عندك فيزة F1 فراح تكمل دراستك بالراحه... وتريح راسك من كل هالحسابات ... على الاقل اقنعها حتى تخلص انت فترة اللغه .. بعدها لها الف حلال
    اذا ما وافقت تروح للحل الثاني
    تمدد اجازتك الدراسية على عدد سنوات دراستك بامريكا
    ودام انك في امريكا الحين فانت تعرف كم راح تصرف شهريا واجار السكن ومصاريف المعهد
    عموما انا ارسلت لك الرابط في تعليقي السابق
    الآن نسمع انه فيه انضمام لبعض الطلبه
    ومنهم شخص اسمه " حمد 1408" انضم قبل يومين ودرس في امريكا 4 او 5 شهور مو متاكد وضمو معاه كم طالب
    لكن خطط للاسوء
    اعتبر انك راح تدرس سنه كاملة في مرحلة اللغه ... واحسب ميزانيتك على هذا الاساس

    والملحق الثقافي في امريكا كرر اكثر من مره ... ان اللي انهى فترة اللغه وعنده قبول جامعي راح يصدر له الضمان المالي من نفس الملحقيه الثقافيه بامريكا من غير الرجوع للوزارة

    بخصوصو كلام الناس
    اذا انت خايف من كلام الناس فما راح تقدر تعيش
    عموما اهم شي انك تسوي اللي مقتنع فيه ... وتقدر تجاوبهم باختصار باني مرافق ولظروف الزوجه رجعنا للسعودية

    نصيحتي لك باختصار
    اذا وافقت جهة عملك على منحك الاجازة الدراسية ... فتوكل على الله ... وخذ اهلك معاك مرافقين اذا انضميت للبعثه
    اذا ما وافقو ... الخيار لك
    7 "
  6. اخوي عبدالرحمن المساله مو مساله مال

    المساله مايقدرون يتكيفون مع الوضع أبدا

    تعرف الغربه وبلاويها ومهو بالسهوله

    الواحد يتكيف معاها وهذا الحاصل مع الزوجه

    وانا فكرت وحسبتها وشفت أني ارجع لوضيفتي

    بدون مجازفه

    واشكر جميع الاخوان وآرائهم على راسي
    كل من شارك وحاول انه يذكر لي البدائل
    7 "
3 من 4 صفحة 3 من 4 ... 234
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.