لماذا ابا سعود هكذا

انا على الرغم من انه رديت سابقا الا انه في ردود تستفزك للنقاش

انا مش ضد انه احد يقدم لي خدمة في مقابل انه اقدم له خدمة مثل ما اتفضل احد الاخوان عن الحالة اللي صارت له
بالعكس احنا نعين ونعاون بعض
المشكلة فيه نوعيات يتعاملون مع السعوديين اللي توهم واصلين ومو عارفين شيء عن انظمة البلد على اساس انهم
ناس طفيليين و اتكاليين ومحتاجين لهم ويذلونهم بهالشيء !!!!!
للاسف النوادي الطلابية بعضها وجودها او عدمها واحد يعني لا تخدم الطلبة ولا ما يحزنون فالانسان يضطر يدور على المبتعثين
القدامى عشان يساعدونه فيلاقي الواحد منهم اخلاقه كريهه ويرفض التعاون معاه
او يساعده ويجلس يذله بـ الرايحة والجاية انه انا ساعدتك !!!
او يجلس يهايط فوق راسه بالانجليزي وهو عارف انه هالشخص ما عنده اساسيات اللغة فما بالك انه يكلمه كلمتين عربي و 186389 كلمة انجليزي !!!

واللي يقول انه اردى واحد ردي ذيب يسمح لي فيها شوي
لانه قابلنا ناس انا اخجل وانا بنت اني اقول هذا ابن بلدي فما بالك انه اخوي بـ هالغربة !!

قابلنا نوعيات ينتقدون المتدين فينا علما بانهم في السعودية يجتهدون في اظهار التدين
وناس ما تلاقيهم الا من بار لـ الثاني ومن قيرل فريند لـ الثانية وينظرون للي من حاله في شانه على انه شخص متخلف
وما يواكب الحضارة


انا ما انكر ان فيه ناس ينحطون على الجرح يبرى ويفزعون للواحد من دون ما يطلب
بس بنفس الوقت انصدمت بناس عيال قبايل وحمولتهم والنعم فيهم انهم ما يسوون
وناس ننظر لهم بدونية على اساس انهم مو كفو ومو اصل وما ادريش من هالكلام الفاضي يدورون على مصلحة غيرهم بشكل مو طبيعي

يا ناس احنا الاجانب صاروا يعرفون كل واحد من اي منطقة بالسعودية من خلال تعامله وبشاشة وجهه من عدمها
ووالله وهذا موقف صار لي انه روحت لواحد من المطاعم واللي فيها سالنا احنا من السعودية ومن اي منطقة فلما قلنا له قال كويس انه
مو من المنطقة الفلانية لان اهلها اخلاقهم زي الهم !!!!!!!!!!!!!!!!!!!!!!!!!!!!!!!!!!


اعتذر عن الاطالة لكن احنا مو مجتمع مثالي وما فيه مجتمع ما فيه الطيب والبطال
لكن نكاد نكون المجتمع الوحيد اللي عنده ازدواجية في معايير التعامل في داخل السعودية وخارجها

المشكله انه عندنا اي واحد راح يروح لامريكا لاااازم يسمع هالعباره من ابوه واخوه وامه وصديقه حتى الهندي حق البقاله يقولها له الا وهي
(انتبه من السعوديين) (انتبه من السعوديين) (انتبه من السعوديين) (انتبه من السعوديين) (انتبه من السعوديين) (انتبه من السعوديين) (انتبه من السعوديين) (انتبه من السعوديين) (انتبه من السعوديين) (انتبه من السعوديين)

والله حتى الهندي عامل الاستراحه يقولها لك قبل ما تسافر ؟؟؟؟ طيب ليه كل هذا ليه والله ناااس جهل القاعده هذي من عشرااات السنين وللحين الناس يمشون عليها وهم والله ما يدرون وش السالفه ..

ياخي افضل شي انك لا جيت نيو جديييد طابن على وجهك بالديره ما تعرف شي لازم يكون واحد من عيال البلد يزين امورك ويكون معك اول يومين وخلااص بعدين انت تسويها للي يجون عقبك واللي بعدك ينفع اللي بعده وكذا نكون حققنا الايجابيه بالموضوع ....


بس والله فيه ناااس جاهله مررره ومتخلفه الله يصبرنا عليهم وشكرا اعتذر على الاطاله ..

أسلم علــيه ولا يـــرد السلام مع أنه سمعني سلمت ............. أشوف أنها قوية بحق تربيته وياكثرهم اللي أشوفهم من وصلوا أمريكا تجردوا من أخلاقهم وتربيتهم وأنقلب 180 درجة .... خايف من رد السلام يغير مجرى اللغة في مخه ... أبتسم في وجه أخيك بالمعهد أو الجامعة .... سولف معه لو دقايق .... براا المعهد بكيفك توحد مع نفسك . .. أحضر أجتماعات السعوديين في مدينتك لو على فترات .... . مو حلوه قدام أخوانا أهل الخليج والدول العربية يكون وضعنا كذاا فضحتونا ...

ماصادفت هالنماذج
الواحد يعامل الناس بطبعه وبطيبته حتى لو اللي قدامه مايستاهل ..
مو عشانه طبعا كلوو لله .. وفي الاخر بينردلك الي سويته ..

أعجبني موضوعك صراحـه هههههههههههه
والله انا بـ ديلاوير .. زي مشكلتك بـ الضبط .
بـغض النـظر . عن ربعي الخاصين .
لاكن فيه سعوديين . مدري وش سالفتهم . يعني على قولتكم مكشرين + نفسية . واحياناً تسلم مايردون خخخخ
لاكن ديلاوير . شوي شوي يكثرون السعوديين .. شكلهم بيقفلون المعهد .

يا حبيبي خلي الي يسلم يسلم والي يكشر يكشر والي يبتسم يبتسم مين انت عشان تحاسب الناس خليهم براحتهم نفسيات مو نفسيات مو مشكلتك

المشكله لو يكشرون في وجه الاجانب بنقول هذا طبع نفسيه مرض
يعني مو بس احنا بنعذرهم
بس ما نقول غير الله يهديهم ولا يكشرون وانصحهم با العلك عشان ما تبين التكشيرة والابتسامه المعفنه
والردود اللي تكلمت عن البنات ترى ما جبت طاري البنات والبنت اذا كشرت معذورة بس الرجل ليه
بس ما ادري البنات بعد يكشرون مع بعضهم !!!

دائماً هالتكشير ينتج عن التربية
والداي ربياني تربيه جداً حلوه ، ولله الحمد " الله يخليهم لي ويرزقهم الجنه "
لاكن لا يمنع ان راح اربي اولادي بالطريقه الصحيحه بعيداً عن التربية التي حصلت عليها

في الرياض صارلي نفس الموقف .... اقصد مع واحد مكشر ... لكن سبحان الله بعد ما تتعرف عليه وتطيح الميانه تزول جميع اعراض التكشير... وتشوف خويك المكشر لسه على طباعه مع الناس اللي ما يعرفهم

فانا مو مستغرب كثير ... لكن اشعر يالقرف مع هذي العينات

حتى لو الواحد مهموم وحزين وحياته نكد يبتسم ترا الإبتسامه تجيب العافيه

لاتنسون قبل كل شيء هذا حديث رسولنا صلى الله عليه وسلم ~
مهما كان الشخص سيء و تزيد أنت تسيء الظن بأخوك المسلم قابله بإحسان وإبتسم له بيرتاح نفسياً وتنفك العقد

الله شوفوا هذي الجمل مره أعجبتني عن الإبتسامه

- اخسر أيام عمرك ذاك الذي لم تبتسم فيه ~
- الابتسامة هي جواز السفر إلى القلوب ~
- الابتسامة لا تكلف شيئا ولكن تعود بالخير الكثير
إنها تستغرق أكثر من لمحة بصر ولكن ذكراها تبقى طويلا ~
- السعداء تبتسم شفاهم والمحبون تخفق قلوبهم ~

وشكراً مع إبتسامه ~