أنكم أيها السعودين بخلاء ............. مبتعثة تتسأل لماذا لا تدفعون بخشيش كويس ...!!

التب هي عباره عن السيرفس في السعوديه
ف السعوديه ياخذونها غصبن عنك
هنا يخيرونك وهو نفس المبلغ بالسعوديه 15 % تقريبا
فهذا مو بفشيش هذا خدمه من حقهم ياخذوها
وبالعاده انا وزوجي اكلنا من يعدي 30 دولار هذا لو نبي نكشخ خخخخخ بس بالاسام الثانيه يمكن 20 تقريبا
المهم احسبوا دولار ونصف من كل عشره
فالتب عباره عن 5 دولار وانا اشوفه عادي جدا لسبب بسيط انه متعارف عندنا بالسعوديه بس الظاهر لازم يؤخذ غصب مننا خخخخ
عموما تقدر تاخذ اكلك سفري وترتاح من التب خخخخخ
احس انوا لازم تندفع حتى لو ماعندك فلوس لان هذا شيء لازم بس يطلبونه بأدب
بس بصراحه الي مو مقتنعه ادفع لهم تب الكوفي بالله ايش سووا علشان اعطيهم ؟؟؟

مافي بخشيش يعني مافي

معي يحلمون

يعطيكم العافية
شاكر لكم المشاركة جميعاَ ..
تحياتي

صحيح بندفع بس اتوقع ماتتعدى 10 دولار من ناحيتي ولا هو كل مره ادفعها يعني ع حسب الميزانيه والوضع بس مهمه التب عندهم يعرفونك

مع احترامي لصاحبة المقال والناقل.

كلام ان الموظف ياخذ بس التب فهذا شي غير صحيح. كل المطاعم تدفع ومافي احد بيشتغل بالبركة يمكن اليوم احصل شي ويمكن لا. المطاعم تدفع لهم رواتب بنسبة معينة والباقي يكون من التب. واللي يقول ان مدير المطعم يمسح فيه لو ماحصل مبلغ زين وغيره اقول له وين جالسين حنا. يعني مدير المطعم بيقيمك على نسبة التب اللي تحصلها؟؟؟ طيب لو جا واحد عطى الموظف ٢٠٠ دولار بيسمكه المدير وبيقول له مرتشي؟؟؟

عموما اللي مايدري ويقول انهم على قدهم، اجزم ان اغلب موظفي المطاعم يحصل له ادبال ماتحصله انت يالمبتعث. حط مثال هندي يغسل سياره ب ٥ ريال بالسعودية انت تقول مسكين وغيرك يقول مسكين بس تعال شف من المسكين نهاية الشهر انت ولا هو.

والتب ليس اجباري ونسبة ١٥ - ٢٠٪ هي متعارف بين الناس وليس كلام منزل. في ناس تدفع نص بالمية وناس تدفع ١٠٠ بالمية وكلن على قده. شف باقي الجاليات هنا كم تدفع تب وبعدين اللي يقول سعودي وماسعودي.

الواحد باليالله تكفيه مكافآئة اسبوع عشان يروح يقط فلوسه يمين ويسار. وبعدين قارن وضعه بوضع من ناحية السكن والمسؤوليات، بتلاقي الموظف يوفر اكثر منك ياللي تشفق عليه.

انا من ناحيتي المطاعم اللي اروحها من النوع اللي انت تخدم نفسك بنفسك

اما اروح مطعم وادفع ١٥ لو ٢٠ دولار او غيره اقول معصي. هالمبلغ يجيب لي شي ينفعني من الامازون

حياكم الله أخواني وخواتي وربي يوفقكم ويسعدكم ... يارب

الموضوع أيها السادة ... ليس موضوع أدفع أو ما أدفع
ولكن أختى نجلاء أعتبرتها من ثقافة الشعوب .... ونست أختي ثقافتنا والكرم العربي وما حث عليه ديننا الحنيف في هذا الخصوص من أكرام الضيف وتقديم المساعدة والآيات والآحاديث والحكايات والرويات في هذا لا تعد ولا تحصى وهي الكاتبة والمثقفة التى أحرص على قرأت كل ما تكتبه في مدونتها

و في ثقافتنا نحن من نكرم الضيف وليس العكس الضيف يكرم المضيف وخاصة في الأكل , وأن أعطى الشخص مبلغ مادي لمن يخدمه تعتبر إهانة له ... لذلك لا نجد ذلك مقبول عندنا أو بالاحرى لا ينتظر النادل العربي أي مقابل لخدمته للآخرين في الماضي القريب حين كان ابناء البلد يعملون في بعض المهن ويطلب اجره من صاحب العمل وليس من الزبون والبعض يعتبرها إهانة كما اسلفت ..
اليوم هناك أنفتاح ودخلت علينا بعض الثقافات واصبح البخشيش أو الإكرامية بين القبول والرفض .

فلو أختى استغلت هذا الموقف " طلما وجه لها مثل هذا الكلام " في المطعم وشرحت لهم عن ثقافتنا العربية الإسلامية ..
وكتبت لهم بدلاً من الكتابة لنا بطلب الدفع 20% بخشيش ونحن ضيوف عندهم ورواتبنا الله أعلم بها النفر بــ 1800 يأكل ويشرب ويلبس ويشترى كتب وأننا فوق خط الفقر بكم ملمتروتحلف لهم بانه ليس لأي مبتعث بئر بترول ...

لعتبروا أن الدولار الواحد الذي يخرج منا هو قمة الكرم ووضحت صورة الكرم العربي في صحافتهم ومنتدياتهم ....
وإذا طلب منك أثبات بس شوفي مجموعة من الشباب وخلي وحدة من الأمريكات تقول لهم ترا حنا اليوم بنقلط عندكم ....
وأنسي الباقي وراح تشوفين العجب والسفرة اللي فيها المقمر والمشمر وتفتح النفس مع تواضع المكافأة ..

على العموم أختي نجلاء لم تجيب شيء من عندها وهذا مكتوب ضمن الكتيبات ومواقع النت التى تهتم في جذب الطالب العربي اليهم ...
وهذا جيد ومحسوب لهم في نشر ثقافتهم وليس مطلوب منا معارضتها أو ما شابه ذلك بل أستغلال مثل تلك المواقف في شرح ثقافتنا ..

وربي يوفق الجميع وهذه الكتيبات يمكن للجميع الآطلاع عليها والاستفادة منها ..
سلسلة كتيبات للدراسة في امريكا

الكتاب الاول
الدراسة الجامعية الاولى

http://www.america.gov/ar/media/pdf/book1.pdf

الكتاب الثاني
الدراسات العليا والابحاث

http://www.america.gov/ar/media/pdf/book2.pdf

الكتاب الثالث
الدراسة القصيرة الامد/التعلم عن بعد وغيرها

http://www.america.gov/ar/media/pdf/book3.pdf

الكتاب الرابع

http://www.america.gov/ar/media/pdf/book4.pdf

مع تمنياتي للجميع بالتوفيق

اذا ما تدري ترا راتبهم ما يكفي حلويات طفل مو يطعم عائلة او حتى شخص بالغ !!

باختصار الغرسون عايش على التيب , راتبه ما يسوي له شي

و حاله اسوء من حالي و حالك

و على فكرة انا على حسابي و ادفع 2000 دولار فالشهر من جيب ابوي

و استثقلت التيب فالبداية لكن بعد ما سمعت سواليفهم و معاناتهم صرت ادفع بصدر رحب

عني اذا اكلت بمطعم و كان حسابي مثلاً 34 دولار و 44 سنت ادفع بالكريدت و احط بخانة التيب 36 سنت ليكون المجموع 35 دولار .

غير كذا يفتح الله .

حنا طلاب و يا دوب يا دوب مرة بالشهر او مرتين بالكثير نطلع للمطعم ، كيف تبغونا نتبتبهم !

زوجة + طفل + سياتل = معيشة جداً صعبة .

ياعمي انا على حسابي والتيب مرات لكن مهب ملزوم ادفع وازعجونا بعاداتهم الي مافيه اكرام الضيف ولا شيء وليه هم مايتعلمون عاداتنا الي اطلق منهم بمليون مره

ايه بخيل .. وافلقني اذا بخششت