امن معلومات في Rochester Institute of Technology

ماهنا احد يقدر يفيدني بالموصوع

هلا أخوي..

اذا تبي أمن معلومات ماجستير أنا أقولك رح وأنت مغمض الى هالجامعه...أنا سألت عنها وبحثت بما فيه الكفايه..
الجامعه ممتازه ولا عليها غبار لكن أنا اللي ردني عنها أني أنا معي دبلوم وأبكمل بكالوريوس ونظامهم كوارترز والصراحه مايصلح لي هالنظام أبد..

وعلى فكره ترى صعبه أني أجمع المعلومات عنها برد واحد..فيه موضوع كامل حوالي اربعين صفحه يتكلم عنها بقسم الولايات الشرقيه..
أنت أبحث عنه وأنا أن لقيته أبشر بحط لك الرابط حقه..

هلا اخوي انا أدرس بالجامعه هذه.
طبعاً بالنسبة للجامعه، الجامعة جيــّدة في تخصصات كثير ..
وكثير من الشباب يدرسوا في كلية الكمبيوتر في الجامعه في تخصص مشابه لتخصصك..

اما بالنسبة للمدينة:
فهي مقاطعه كبيرة Monroe County فيها عدة ضواحي، المدينة بشكل عام ليست غالية جداً، لكنها مو رخيصة، خصوصاً أن التاكس هنا تقريباً على كل شيء " لانها نيويورك " فـ السيلس تاكس 8٪ على كل شيء، الإيجارات تحصل غرفتين وحمامين بـ 900 دولار، وفيه بيوت (دورين) على 1200 طبعا أنا اتكلم عن شقق راقيه، فيه سكن طلابي تحصل بـ 600 وأنت طالع (غرف في شقق) ..
بالنسبة للترفيه في المدينة فهو محدود شوي، يعني الأشياء المعروفة، سينما، مطاعم (تقريباً كل المطاعم المشهورة في إمريكا موجودة) وكل شيء تسمع عنه تحصله - هذه ميزه - ..
في الصيف فيه ملاهي كبيرة جدا، وفي الشتاء فيه رحلات للتزلج وكذا..

الجو: المدينة جوها حار معتدل في الصيف، بارد جداً في الشتاء (ثلوج بكثافة في بعض الأيام، ممطر بعض الأيام، دافئ احيانا في الشتاء) ، لكن هالشتاء حبيب يعني موب ذاك الزود ومن المتوقع انه خلال الفصول القادمة راح يتغير الجو (المناخ)

طبعاً فيها ميزة بعد انها قريبه من تورنتو (كندا) والفيزا تقدر تاخذها، يعني 3 ساعات بالسيارة وانت في وسط تورنتو، وطبعاً بالطريق فيه نياقرا..
تبعد عن نيويورك سيتي تقريباً 4 ساعات ونص بالسيارة.



يعني اعطيها من الترفيه 4.5 من 10
هدوء ومافيه إزعاج البلد يعني دايما الشوارع سالكه وكذا

واذا بغيت شي راسلني

اولا بعد اذن صاحب الموضوع.
ثانيا اشكرك اخي مضطهد على التفاصيل الحلوة.
حقيقة ارسلت لهم رساله اليوم قبل ما اقدم عليهم كطالب انتقال من جامعة الملك فهد للبترول والمعادن اليهم Transfer Student
ودي اعرف كيف نظام القبول فيها؟ لاني كطالب في جامعة الملك فهد (سنه رابعه حاليا) ولكن سنه ثالثة كدراسة للمواد (مو مهم التفاصيل) تخصص Software Engineering والمعدل 2.1 من 4 مخلص 59 ساعه وودي اعرف كيف الوضع.

اعتذر اشد الاعتذار لو خرجت عن نطاق موضوع الاخ ابراهيم ولكن بما ان الموضوع كله عباره عن تخصصات الكمبيوتر فإن شاء الله مو مشكلة

انتظر ردك اخي مضطهد.

اهنيك ع التخصص هذا كنت ناوي ادرسه ماستر بس اقتنعت انه سنتين ماستر غير كافيه اني اكون ملم بالتخصص كامل وغير تخصصي في البكالوريوس

وهذا الرابط هديه لك

http://www.mbt3th.us/vb/forum19/thread101940.html

اقراء الموضوع كااااامل راح يفيدك جداً

دعواتكـ
وبالتوفيق
اخوووووك الزهراااني

الله يعطيكم العافية جميعااا يارب ,,

وانا للحين محتار بين Rochester Institute و Depaul في شكاقو وأصلا الاثنين ماراح يعطوني قبول مشروط بسهولة لأن معدلي تحت المطلوب لكن بأدرس بوحده منهم في معهد اللغة علشان تكون فرصتي كبيرة اني يقبلوني في جامعتهم واريدي يكون عندي قبول في جامعة ثانية اللي هي روبرت موريس في بنسلفينيا هي الوحيده اللي عطتني قبول مشروط في نفس التخصص اللي ابغاه ,,

فاذا احد عنده نصيحه لي زيادة بخصوص هالجامعتين ووش الأفضل اكون له ممنون