محتار بين هالولايتين,, من واقع تجربتكم وين أروح؟
السلام عليكم
أسعد الله أوقاتكم بكل خير
أنا أنتظر قبول من عدة جامعات في أكثر من ولاية,,
لكن تركيزي بصراحة على جامعة Old dominion في نورفولك بولاية فرجينيا
وجامعة University of origon في مدينة يوجين بولاية أوريغون
وصراحة محتار بين الثنتين,, فأحتاج نصائحكم خصوصاً أهل نورفولك ويوجين أو إذا أحد يعرف زميل هناك
و بخصوص يوجين هل يوجد فيها مطار؟ و إذا ما كان فها مطار ما هو أفضل طريق للوصول إليها؟ و كم يستغرق من الوقت؟
و أتمنى تفيدوني من كل النواحي ( الأمان, العنصرية, تكاليف السكن, قوة معاهد اللغة التابعة للجامعتين, المواصلات...)
شاكراً مقدراً تجاوبكم
رد: محتار بين هالولايتين,, من واقع تجربتكم وين أروح؟
والله ماعندي خلفيه بس اوريقون من احلى الولايات إلي قريت عنها واتمنى ادرس فيها
سكانها وجوها وطبيعتها واسعارها مناسبتني حسب معلوماتي النظريه ويقولوا كمان انها من الولايات إلي مافيها ضرائب ,,,
دعواتك ,, وبالتوفيق
رد: محتار بين هالولايتين,, من واقع تجربتكم وين أروح؟
University of origon
الجامعه هذي يدرس فيها واحد من اقاربي يمدحها ورخيصه وجووها طول السنه مغيم وحلووو , بس قبل سااعه كلمته يقولي علينا ثلج
انصحك فيها انا كنت بقدم عليها بس رحت كلفورنيا عشان الفله < مو وجه دراسه هههه
رد: محتار بين هالولايتين,, من واقع تجربتكم وين أروح؟
اخوي انصحك بأوريقون حسب علمي ڤيرجينيا غاليه خصوصاً انك ع حسابك الخاص ..
ايوخدمه انا حاظر ^^
رد: محتار بين هالولايتين,, من واقع تجربتكم وين أروح؟
^^
يادنيتي ترا كل امريكا غاليه لاحد يضحك عليك ويقولك رخيصه ..
اذا انت حق وجبه باليوم وماتطلع الا بالويكند صدقني ماتصرف فلوس كثير ,,
اما اذا حق فرفره ومطاعم وناسه وكلوبات وخرابيط بتصررف كثيير
انا الحين بكلفونيا سان ديغو الي تقولون عنها غاليه اشوفها عادي بس على حسب صرفك انا الحمد لله ساكن مع عائله وكل شوي اطبخ ومزعجهم ماكل شي من برا حتى فطوري احطه بالشنطه < مصري هههههه
وجهت نظر ,, ^_^
رد: محتار بين هالولايتين,, من واقع تجربتكم وين أروح؟
اقتباس:
المشاركة الأصلية كتبت بواسطة spider_300
^^
يادنيتي ترا كل امريكا غاليه لاحد يضحك عليك ويقولك رخيصه ..
اذا انت حق وجبه باليوم وماتطلع الا بالويكند صدقني ماتصرف فلوس كثير ,,
اما اذا حق فرفره ومطاعم وناسه وكلوبات وخرابيط بتصررف كثيير
انا الحين بكلفونيا سان ديغو الي تقولون عنها غاليه اشوفها عادي بس على حسب صرفك انا الحمد لله ساكن مع عائله وكل شوي اطبخ ومزعجهم ماكل شي من برا حتى فطوري احطه بالشنطه < مصري هههههه
وجهت نظر ,, ^_^
صاحبي ماخذ شقة استديو صغيرة بفرجينيا بـ 1350 دولار فالشهر
انا ماخذ شقة غرفتين و صالة و مطبخ و حمام بكلورادو بـ 800 فالشهر
فيه فرق شاسع بين الولايات , فرجينيا غالية مرة مرة من ناحية السكن
ارشح اوريغن بدون تفكير
رد: محتار بين هالولايتين,, من واقع تجربتكم وين أروح؟
اذا تقصد مدينة يوجين فهي جميلة للأمانة أنا لست فيها انا بمدينة كورفاليس وهاذي المدينة لاتبعد سوى 50-60 كيلو المدينة جميلة والولاية جميلة
ما أبزيد على كلام الأخوان الي فووووق وخاصتن انكـ طالع ع حساببببكـ الخااااااص
University Of Oregon من الجامعات القوية وخاصتن في الأقسام الإدارية والبزنس
تمنياتي لك بالتوفييق ولجميع المسلمين
رد: محتار بين هالولايتين,, من واقع تجربتكم وين أروح؟
يوجين احلا من نورفولك
خاصه ان نورفولك اصلا مدينه عسكريه وممله شوي
مافي نورفولك الا ميزه وحده اللي هو قربها من مدينه اسمها فرجينيا بيتش نص ساعه بالسياره ممكن
والميزه الثانيه انها قريبه من واشنطن يعني 3 ساعات سواقه بس
يوجين حلوه طبيييعه الاسعار تقريبا كلهم حول بعض
وعموما بالتوفيق
رد: محتار بين هالولايتين,, من واقع تجربتكم وين أروح؟
ارشح لك اوريقون جامعتها اقوى وترتيبها حسب موقع usnews 101 واوريقون زي ما ذكروا الشباب ارخص واجمل !
الاولى ما لها ترتيب في الموقع !
موفق
رد: محتار بين هالولايتين,, من واقع تجربتكم وين أروح؟
الله يعطيكم العافية و شكراً للجميع كلن باسمه
لكن ودي اعرف اذا يوجين فيها مطار أو لا؟ و اذا ما فيها مطار كيف اقدر أوصل لها؟ عن طريق أي مطار؟