بفلوريدا ومحتااااار في تغيير المعهد بعد اغلاق الولاية تكفون ساعدوني

الاخوة الكرام

السلام عليكم ورحمة الله وبركاته واسعد الله اوقاتكم بكل خير

بعد هم طويل وتعب في اختيار وتحديد الولاية خلال الفترة الماضية تم اختيار ولاية فلوريدا وتحديداً بنساكولا جامعة غرب فلوريدا جاني القبول وكل شي و تم التشييك عليها في الملحقية بانها مو مقفلة ويوم اوصل هنا واقدم على الملحقية رفضوا طلبي بحكم ان الوزارة اوقفت كل ولاية فلوريدا قلنا الله يكون في العون.

غير كذا طلعت الدراسة في المعهد 5 لفلات وكل لفل 4 شهور متخيلين طول المدة وفوق هذا كله المدينة ما ارتحت فيها ابد لان ما فيها باصات ابد يعني لازم لك سيارة والتكاسي مرة غالية بس الحمد لله على كل حال والخيره فيما اختاره الله.

اللي ابيه منكم يا اخوان مشكورين احد يخدمني اما انه ينصحني بمدينة هو فيها اويقدر يساعدني ويجيب لي قبول معهد وله مني كل الدعاء تكفون الله يعافيكم ساعدوني لاني كلمت المعهد قلتلهم ما راح ادفع لكم شي لاني بحول لمعهد ثاني لانهم يقولو لازم ادفع حق ال4 شهور كاملة وخايف الامقريشن يقلقوني بحكم اني ما داومت في المعهد.

زبدة الكلام ابي نصايحكم بخصوص ولاية مدينة مناسبة اجوائها مو باردة كثير تكون اسعارها معقولة مو غالية حتى لو ما احد يقدر يساعدني يجيب لي القبول انا راح احاول اراسل المعهد وربك يسهلها والاهم من هذا كله انه يكون معهد حكومي ومو موقف هو والجامعة من الوزارة ويكون فيه مواصلات في المدينة باصات وغيرها علماً بأن دراستي بكالوريوس في التسويق.

تحياتي - ابو سلمان

الف شكر لكم على التجاوب السريع والرد

اقل شي احد يدعي لنا....

يووووووووووه الله يكون بعونك انا مثلك بالضبط بس قلت للمعهد قبل لا ادرس معهم وقالوا ادفعي قلت مستحيل اصلا على حسابي ومامعي ومن هالكلام
قالوا خلاص وطلعت ولاية ثانية بس معهد تجاري بصراحه 12 مستوى وكل مستوى شهر
والله يوفقك
ياكثر المعاهد انت بس حدد الولاية اللي تبي وربك كريم

يا ابو سلمان اعمل تحويل

تسلمون ياللي ردوا

اجل دفعت لهم حق الاربع شهور وانا ما اشوف الطريق وقاعد ادور لي قبول لقيت في معهد جامة يوتا وقبلوني
بس بغيت اسال من ناحية الجامعة اش رايكم فيها كثير يقولو صعبة ومحتار ما ادري اخذ قبول منها اولا؟

وايش تنصحوني بجامعة مفتوووحة

تحياتي