طيب يا اخوان انا شفت الموضوع تبع طريقة المعادلة ، لكن المشكلة فيه نموذج لازم اوقعة من الجامعه و انا الان في امريكا و عندي جميع الامستندات ماعدى هذا الطلب !
عرض للطباعة
طيب يا اخوان انا شفت الموضوع تبع طريقة المعادلة ، لكن المشكلة فيه نموذج لازم اوقعة من الجامعه و انا الان في امريكا و عندي جميع الامستندات ماعدى هذا الطلب !
نفس سؤال الأخ إياد
والله يااخوان تقدروا من اول ماتجوا امريكا تسووا المعادله وماتعطوا الشركه العنوان تقولوا لهم خلوها عندكم ونتصل عليكم متى ماحتجنا منكم ترسلونها
وهذا بيحل امور كثيره بحيث ان المعادله تكون جاهزه وتروح للجامعه بيومين
مادري اذا هذا الحل ينفعكم ياخ اياد و روبيرتو ؟؟
يا عزيزي انا موجود اصلا في امريكا من ١٠ الي ١١ شهر و ما راح انزل السعودية غير بعد ١٠ اشهر بإذن الله
علشان كذا انا متورط !!
الحل الوحيد هو تكليف أحد الأصدقاء أو الأقارب بمتابعة موضوعك وتوقيع وتختيم الشهادات ومن ثم إرسالها في ظرف مختوم على الشركة مباشرة أو عليك وأنت بطريقتك ترسلها للشركة
فيه نموذج على موقع الشركة يتطلب تعبئة بياناتك وتوقيعك عليه،، بعدها ترسله لمن سيتكلف بمتابعة موضوعك
لا أدري لماذا تريد إرسال المعادلة عليك أنت لأنها ستصبح عديمة الفائدة
المفترض والمتعارف عليه إرسال المعادلة من WES مباشرة إلى الجامعة المتقدم عليها في ظرف مختوم برسوم معينة.. إذا اخترت البريد العادي أتوقع 7 دولار وإذا إخترت فيديكس أغلى بس توصل للجامعة أسرع، بالإضافة إلى رسوم الظرف المختوم في كلا الحالتين..
أما إذا أردت أنت الإطلاع على المعادلة فإمكانك الدخول على حسابك في موقع الشركة والإطلاع عليها كل يوم، يعني ليه تبغى ترسلها عليك؟؟
وفقنا الله وإياك
الحمدلله في احد فتح هالموضوع
من زمان وانا ابي اسأل عنه
كيف نظام wes وكيف طريقة معادلتهم يعني اللي اقصده لهم شروط معينه عشان يعادلون هالماده
وهل كل جامعه بعد ماتستلم المعادله تستوفيها يعني تزيل عن الطالب جميع الساعات اللي عادلها
والف شكر لككم
يالله قد ايش متعقده من wes ومن القبولات
الله المستعان
يا اخوان ويا اخوات ترا ما له اي داعي انكم تستلمون السجل الاكاديمي بعد المعادلة !
يعني بعد عملية المعادلة من (wes) ترسل من عندهم علطول الى الجامعة المطلوبة وهاذي الخدمة هم يوفرونها اذا تم طلبها واسمها (ICAP service) مقابل زيادة بسيطة على مبلغ المعادلة
وبالنسبة لطريقة ارسال لهم السجل الاكاديمي هم في موقعهم كاتبين ان لازم الجامعة المتخرج منها الطالب ترسل لهم الي هم (wes) سجله الاكاديمي ولكن تبين ان الموضوع فيه مرونة اكثر والي مكتوب بالموقع مجرد كلام رسمي ولكن بالفعل لا يطبق كله (يعني نظام سعودي!)
المهم الي انا سويته رحت لم جامعتي المتخرج منها وقلت لهم ان wes يقولون ان لازم الجامعة نفسها ترسل لنا السجل !
قال يا رجل ما عليكم منهم وكل الطلاب الي يجونا نقولهم نفس الكلام والي هو عب النموذج حق wes (موجود بالجامعة) و أرفق معه السجل وحطهم كلهم في ظرف واحد واختم عليه و رح ارسلها بفيدكس وكم يوم وهي واصله اسرع لك لان اذا تبي تنتظرنا ممكن نقدر شهر علشان نرسلها !!!!!!!!!