الخطوط التركيه ..الى امريكا
السلام عليكم
كيفكم ان شاءالله بأحسن حال ..
حبيت استفسر من اهل الخبره او اللي عنده معلومه بخصوص الخطوط التركيه
لاني حجزت عليها من الرياض على لوس انجليس
فياليت تكفون اللي قد جربها او عنده معلومات يفيدنا
الله يجزاه الف خير ويوفقه في دنياه واخرته يارب ..
بأنتظاركم ,,
رد: الخطوط التركيه ..الى امريكا
السلام عليكم
اخوي انا جيت عليها من البحرين الى استنبول و منها على نيويورك
الخطوط جيده و ما عليها ملاحظات غير الكراسي ضيقه شوي
الله يوفقك
رد: الخطوط التركيه ..الى امريكا
يعني اللي طوله 186 بيتبهذل :(
رد: الخطوط التركيه ..الى امريكا
أنصحك بالخطوط الخليجة مثل القطرية والإماراتيه أفضل لك بدلاً من أنك تروح لأسطنبول أو أنقره ثم لوس أنجلس
فالقطريه والإماراتيه تذهب مباشرة إلى لوس أنجلس
رد: الخطوط التركيه ..الى امريكا
هو اكيد افضل بس فارق السعر مثل القطريه 9000 توو متش والاماراتيه 7500 والتركيه 5900 وخط رحلتي رياض اسطنبول لوس انجلس
نفس خط القطريه ولا الاماراتيه يعني مافي فرق حتى الانتظار 3 ساعات بمطار اسطنبول يعني ولا شي حلوو
رد: الخطوط التركيه ..الى امريكا
اخوي انا جربت الخطوط التركيه وانصح الجميع انه يستخدمها هي افضل من الخطوط الخليجيه بالنسبه للمقاعد هي افضل من مقاعد الامارتيه والقطريه حتا الخدمه افضل الطاقم فيها طيبين جدا وافضل من الخدمه السيئه الي تقدمها الخليجيه بالعربي افضل خطوط هي وانا جيت عليها من الرياض الي استنبول ثم الي لوس انجلوس مره ممتازه لني جربت الخليجيه و برتش والفرنسيه ولله كلمة حق التركيه افضل خدمه وافضل طاقم مافيهم شوفت نفس مثل طاقم الخليجيه كانك تشحذهم حتا لما اخذت بزنس كلاس ما ينفع والتركيه انا جيت عليها بزنس سعرها مناسب وخدمه اكثر من ممتازه توصل بالسلامه وخيار موفق
رد: الخطوط التركيه ..الى امريكا
يعطيك الف عافيه ماقصرت
بالتوفيق ..
رد: الخطوط التركيه ..الى امريكا
جربتها انا عاد ما ادري كل واحد على حسب
بس انا عن نفسي اقول احسن ما فيها المضيفات صواريخ هههههه
رد: الخطوط التركيه ..الى امريكا
اقتباس:
المشاركة الأصلية كتبت بواسطة صالح عبدالرحمن
هو اكيد افضل بس فارق السعر مثل القطريه 9000 توو متش والاماراتيه 7500 والتركيه 5900 وخط رحلتي رياض اسطنبول لوس انجلس
نفس خط القطريه ولا الاماراتيه يعني مافي فرق حتى الانتظار 3 ساعات بمطار اسطنبول يعني ولا شي حلوو
أعتقد فيه فارق وقت كبير أترك الترانزيت بس أنا أقصد المسافه من الرياض إلى أسطنبول كم ومن أسطنبول إلى لوس أنجلس كم؟؟؟
وبالنسبه للفارق السعري أنا معك إذا كان ما معك عائله فجربها ممكن ترتاح فيها
بالتوفيق
رد: الخطوط التركيه ..الى امريكا
اقتباس:
المشاركة الأصلية كتبت بواسطة عاشق ترابها
أعتقد فيه فارق وقت كبير أترك الترانزيت بس أنا أقصد المسافه من الرياض إلى أسطنبول كم ومن أسطنبول إلى لوس أنجلس كم؟؟؟
وبالنسبه للفارق السعري أنا معك إذا كان ما معك عائله فجربها ممكن ترتاح فيها
بالتوفيق
صح انا معك بس مدة الرحله ككل 22 ساعه والاماراتيه 20 ساعه فمافي الفرق الكبير
وانا و2 من اخوياي رايحين يعني شباب لو في عايله هذي مشكله كبيره ولازم افضل خطوط بس انا اللي مهونها علي ان احنا شباب ومافي مشاكل عندنا فهمت ..