المكافئة لا تفي بالمصروفات الشهرية وخاصة للعوائل

الواحد يحاول يقتصد قدر الإمكان، والله يعينكم ،،

اللي قريته شي يضيق الصدر =(
أسأل الله ان يكون في عونكم ..ويسهل عليكم
لكن ياجماعه بسالكم سؤال
قبل تبتعثوا هل فكرتوا أو بحثتوا عن الاوضاع والمعيشه في بلد الابتعاث قبل التقديم على البعثه ؟؟
ولا مع الخيل يا شقراء؟؟
المهم : إن كنت تدري فتلك مصيبتاً....وان كنت لاتدري ف المصيبه أعظمُ

انا من المبتعثين السنه هذي ..
ولله الحمد كل الشروط منطبقه علي ...لكن اخترت الأردن
لان طموحي ادرس طب بشري =)
اقسم بالله كنت محتآآآآآآآآآر بين الاردن ولا امريكا لدرجه الجنون
قلت احسبها مع نفسي شوي من أكثر من نقطه وبعدين اقرر
اولاً وهو الاهم الدراسه ..
أكتشفت ان الطب في امريكا فقط للطلاب الجامعيين !! يعني تدرس لغه اذا كنت على البعثه من 6 شهور الى سنه و8 شهور
وبعد اللغه تدرس اي تخصص علوم أحياء كيمياء ...ألخ
واذا تخرجت يعطونك بكالوريوس ! تبي تكمل طب تروح تقدم على الطب وفيه أكثر من عقبه من اهمها النسبه الاكبر لطلاب البلد نفسه
وتنافس شديد بين الطلاب الاجانب
وفيه اختبارات ووو.....ألخ امور كثير معقدهـ
لحد اللحظه هذي شوف كم سنه وانا مغترب نقول سنه لغه و4 سنوات بكالوريوس =5 سنوات
معقوله بعد 5 سنوات !! واحتمااال ما انقبل بالطب !
لكن الاردن مجرد قبولي في البعثه يعني دخولي كلية الطب بنسبه 100% لكن ع حسب نسبتك بالثانوي طب بشري او اسنان
والان بطاقتي الجامعيه مكتوب فيها الكليه: الطب
التخصص: الطب والجراحه
قلت الان الاردن أفضل من امريكا ..من حيث القبول في كلية الطب ... وافضل من طريقه القبول في الجامعات السعوديه لان السعوديه فيه مفاضله وو...ألخ
وامريكا أدرس 5 سنوات وبعدين اقدم على الكليه واحتمال ما أنقبل !! يعني تخيلو متغرب 5 سنوات وارجع ببكالوريوس علوم!
يعني صراحه شي ما يستاهل الغربه عشانه ..أدرس علوم هنا بالسعوديه ابرك لي
..
ثانياً المعيشه والتكاليف : مكافاتي بالسعودي 4500 ريال بالاردن ... واذا اخترت أمريكا بتكون تقريباً مو متأكد 6950 ريال
سألت عن الأردن قالو لي غاااااااااااااااالي خصوصاً البنزين ! قلت البنزين ما معي سيارة ^^
الاجار اذا انا بسكن برووحي في شقه حلوه وكبيرة بالعادة ما فيه شقق صغييييييرهـ اقل شي صاله وغرفتين = 1200 ريال سعودي أو أكثر بقليل
والمواصلات بالباص من المدينه للجامعه بحدود 35 قرش= ريالين بالسعودي ! رخيص والله واذا تبي تروح بتكسي 4 دنانير = 23 ريال
لكن الباصات افضل لك وكلها متوفرة
المواد الغذائيه اغلى نسبياً من السعوديه لوجود الضريبه ..يعني فيه فرق لكن مو كثير يعني زيادة ريال او ريالين وهلالات مثل البيبسي
وبعض السلع اغلى بكثير من السعوديه من ذلك لكن الواحد يحاول قد ما يقدر يقتصد
بالفعل يوجد غلا بالاردن ..ولكم مو ذآك الزود يعني 4500 بتكفي اذا احسنت استخدامها وبقوووة كمآن ...لكن اللي بيلعب بياكل تبن آخر الشهر
بصفه عامة التكاليف بالاردن اغلى من السعوديه ...وكنت خايف من المظاهرات او شي زي كذا
قلت الربيع العربي لايوصل الاردن ولله الحمد الامور طيبه لكن الخوف من المستقبل وان شاء الله ما يصير شي
وبعدين الاردن صغيرهـ ومو بعيد عن السعوديه يعني الامور فيها حلوة
..
لكن امريكا بعد ما سألت عنها من سبقوني هنآك والله مدري وشلون عايشين ياخوآن ناااار الاسعار نااار
ومثل ما تكرم احد الاعضاء عن الاسعار في أحد الردود
يقولي احد الاخوان المدخنين بكت دخان = 35 ريال !! >>قلت أتركه طيب
اجآر الشقه له نصيب كبيييير من المكافاهـ ...بلد غااااالي بالفعل من جميع النواحي شوفو رواتبهم كيف عاليه الان عرفت السبب!
..
ثالثاً الغربه والأهل والاحباب :
الوالدهـ أخوآني ربعي واهلي =(
البعد شييين والغربه صعببه ودآم الامور ما تشجع على الدراسه بامريكا خصوصاً تخصصي اللي ابيه
نظرت للنقطه الثالثه وهي الأهل والغربه ..والله هالنقطه العاطفه لعبت دوور
بعض اهل الشمال كله ويك يكون عند اهله ..يعني الاردن قرررريبه من السعوديه
ما تحس بوحشه كثير للأهل
واذا اشتقت للأهل وكنت ساكن بالرياض مثلاً الرحله طيران ما بتاخذ وقت كثر الا وانت بالسعوديه
...
أموووور كثير كثير خلتني أدرس بالاردن ..واهم سبب نظام الدراسه والقبول المعقد للطب في امريكا وباقي الدول

بعد الثلاث نقاط اللي فووق توكلت على الله وقدمت على الاردن وانا الان عندي اجازة شهر مضى منها الكثير وقريباً العودة الى الاردن
في الخمس الشهور الماضيه زرت اهلي مرتين مرة بعيد الأضحى والان اجازة الفصلين
ياليت كل واحد قبل يقدم على قرار مصيري ومستقبلي مثل الابتعاث ينظر لأكثر من نقطه ويقرر بنفسه
الواحد يرحم نفسه ويحاول يشوف الافضل بالنسه له..والان
عموماً الاردن او امريكا ....
لاتنسى قول الشاعر : لا تحسبن المجد تمر أنت أكلهُ ....لن تبلغ المجد حتى تلعق الصبر..~


وتذكر ....وما كل ما يتمنى المرء يدركه......... تجري الرياح بما لا تشتهي السفن

والله حبيت افضفض .....وبالنسبه للملحقيه ترى الحال من بعضه ..
ناس ما تخآف الله.... نسال الله أن يهديهم ...

والله يعينكم شدة وتزوول ....وان شاء الله ما يضيع تعب أحد ..
ونآسف على الاطاله ياليت ما أحد يتخذ قرار الا بعد دراسه لو 10 دقائق..~


ذبحتنا المظاهر ياخوآن ..لا نبي امريكا نبي نرووح امريكا ..اخوي فلان يدرس بامريكا ....ألخ
والنتيجه لا شي..
ودي لكم

ياخي انت وياه يااااااخي راعو اختلاف الاسعار انا طالب جامعه في مدينه صغيره سان خوسيه اسعار السكن نار خياااااااليه مستاجر استديو قديم جدا و الله لايقل عن ١٦٠٠$ وهذا ارخص شي موجود وفي اخس منطقة البركه في الاهل كل شهر لازم يرسلون مصرف ياخي ماابي زيادة تتدخل جيبي بس يشيلون عنا ٥٠٪ من اسعار السكن الشقة ون بدروم لاتقل عن ١٨٠٠ والان في ٢٠١١ ارتفعت الاسعار بشكل خورافي

ملاحظة للوزاة يااخي شوفولكم حل حرام الي جالس يصير يجبون العالم و يورطونهم هنا القبول اصبح شي صعب و الجامعات الامريكية ماعاد تبي السعودي من التكدس ياخي نظام مدري وش يبي ما يعرفون شي اسمه تقنين كل سنه ابتعاث و الحاق ضيعو العالم وياليت الواحد بعد هالغربة و التعب يرجع البلد و يلاقي وظيفه

بالنسبه للعزوبي ممكن تكفيه المكافأة لكن المتزوج يروح فيها خصوصاً إذا كان عنده أطفال ومعه سيارة

بصراحه يعيش تقشف الله يعلم بالحال

ما نبي منهم إلا يزيدون مكافأة المرافق والطفل ويدفعون له مخصص للحضانة

انا افضل خيار لدي ان تقوم الوزارة متمثلة بالملحقية بعمل استبيانات واخذ عينات عشوائية على المبتعثين هناك ,, ومن خلال ذلك يمكن ان تحصل على دراسة علمية موثوقة و ذات قيمة ومعنى , حيث يصبح من الممكن ان تبني عليها القرارات والامور المستقبلية


اما بالنسبة للطفل او الغلام اللي جالس يجعجع هنا ,, ويفكر نفسه انه صاحب النظرية الثالثة نقول لك شوي شوي ياعم , ,,,,,,,,, لقد اتعبتنا بافكارك النيرة

انا متاكد بشكل يقين وقاطع لدي انك حتضرب مشوار لامريكا وفي النهاية حتتخصص تربية بدنية , او تربية وطنية

لان هذا التخصص المناسب لعقليتك

اتفق معاك في ماذكرت أعلاه مليوووووووون في المائة

نصيحة أخوية للي يبغى يصير طبيب، لاتجي لأمريكا إلا للزمالة، جيب البكالوريس من أي مكان في العالم

تبغى ترجع بلدك طبيب استشاري؟ ماراح تفرق معاك متخرج ببكالوريوس طب من جامعة في السعودية، الأردن، باكستان، مصر، أو حتى القمر

سكن بي 850 غير الموية والكهرباء وغيرة

احمد الله ان اللملكة العربية السعودية تصرف عليك وترا انت مبالغ مرة وانصحك تعيد النظر بمصروفاتك لان المكافئة تكفي حتى ما سألتك في اي ولاية لانك مبالغ مرة

قل خير او اصمت وبعدين تراء من حق كل شاب سعودي ان يتعلم و تصرف علية الدولة وبعدين انت تصرف من جيبك

الحسد ذبحك

ناس مريضه اذا هو ب ٨٥٠ و مو عاجبك ان ب ١٦٠٠
وهو صادق وماهو من جيبك وبلاش تطبيل و شغل الحسد وترا من اموالنا ماحد متصدق ولا متفضل علينا ولا عاد توطوط هنا

اخي احنا نتكلم عن من جاي يطلب العلم ومكافآتيه ماتكفيه حتى اخر الاسبوع، ولا علي من عنده سياره جعله راكب مايباخ هذا شآنه واهله عندهم يصرفون عليه.
وبعدين مو لازم الكل يضمن محل بالجامعات اللي انت ذكرتها، انا اعرف ناس تدرس في جامعة اليو بن اللي هي اقوى جامعة في ادارة الاعمال وسعوديين، وفي سعوديين يدرسون في ام آي تي او هارفارد. هل تقارن الجامعات اللي انت حاطها باللي ذكرتها انا؟
لاتقارن اشخاص بآشخاص، واحنا نتكلم عن مستوى عوائل عندهم اطفال، يعني تكاليف الحضانه باهظه بالنسبة لهم. انا اعرف ناس في اكثر من ولاية وماكلينا بسبب الحضانات.

واخيرا احيان الطالب يجبر انه ينقل لاحد هالولايات الغاليه لان تخصصه مايلقاه الا هناك.

وبعدين شف السرقات اللي تحصل بالبرنامج، من اولى فيها؟؟ اليس الطلاب ابناء البلد؟

وشكرا على لباقتك في الرد، والله يوفق الجميع