الأعضاء الإشتراك و التسجيل

الملتقيات
ADs

استفسار هل أنا فاسد؟

استفسار هل أنا فاسد؟


NOTICE

تنبيه: هذا الموضوع قديم. تم طرحه قبل 2152 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مايو1984
    مايو1984

    مبتعث مجتهد Senior Member

    مايو1984 الولايات المتحدة الأمريكية

    مايو1984 , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى محاسبة , بجامعة Akron
    • Akron
    • محاسبة
    • ذكر
    • Akron, Oh
    • السعودية
    • Aug 2011
    المزيدl

    January 26th, 2012, 06:27 AM

    السلام عليكم ..

    أنا أكثر شخص ينتقد الواسطة و المحسوبية ، و تمرير الأوراق ..

    أبي أرقي بعثتي للماجستير .. و تعرفت لي على شخص له نفوذ في الوزارة ، و قبل ما أعرف أصـلا وظيفته و الا علمي بمهنته قلت له و الله اني قلقان ع الماستر .. أنا نظاما ما استحق الترقية لأني مددت بعثتي أكثر من مرة .. و غير كذا معدلي تقريبا 2.7 للأسف .. كان كلامي و الله من باب حكي .. سوالف فضفضة لا اكثر

    المهم يا جماعة الخير قال لي بابتسامة .. وش التخصص الي انت تبيه ، قلت و الله نفسي بتجارة الكترونية .. قال خذ هذا رقم فلان بيساعدك في القبول..!! قلت من هو؟! قال قل له من طرف فلان .. قلت انا اساسا ما استحق الترقية نظاما .. قال انت ليه ما تسمع الكلام؟ ( و هو يبتسم ) ، يا ولد الحلال يا ولد الاجواد و كل شوي يغمض عيونه و يهز راسه و يقاطعني و يكرر

    أنت ورا ما تسمع اكلام؟ انت ورا ما تسمع الكلام ؟ انت ورا ما تسمع الكلام ؟

    الين سكت .. قال لا تشيل هم شي .. جب قبول و اعتبر ترقية البعثة تمت ..

    انا يا شباب عندي ضميرين

    ضمير وصخ و ضمير نظيف

    الضمير النظيف يقول لي ما تستحي؟ انت بتدهور البلد بهالاسلوب و انت تنتقد المحسوبية و الواسطة مو عيب عليك؟
    و الظمير الوصخ يقول لي يا ولد الحلال خذها و الا بياخذها غيرك الملك براسه يتوسط للناس و لا عليك وقفت عليك يا المسكين

    الضمير النظيف يرجع يقوللي ترضى تكون فاسد مفسد؟ يا مهايطي ؟!
    الضمير الوصخ يقول لي يا ولد الحلال لو الحكومة تحارب هالشي من الاساس و تطبق هالنظام كان يحق لك تساعد لكن انت مسكين رايحة عليك رايحة عليك و لو ما خذتها بياخذها غيرك

    الهم عاد انا ضايق صدري


    سؤالي و بصراحة لو مكاني بتقول اووووكي باخذها فرصة و الحمد لله و الا بتقول لا ؟؟
  2. اسأل شيخ يفيدك
    بس لو انا بدالك باخذها بصراحه
    ان شااء الله ماتضر غيرك يعني هي مو واسطه وظيفه واخذت حق غيرك هذي واسطه لك كشخص
    ويامى ناس جو على حسابهم ومعدلاتهم زفت وانظموا بمكرمه وواسطه وغيرها
    فأنا اعتبر هذا قطار الحظ وقف عند بابك
    وارجع اقول كلامي رأي شخصي
    اسأل لك شخص فاهم في الدين احسن لك
    7 "
  3. يا ابن الحلال والله اشوف ان مافيها شي والناس للناس والكل بالله
    انت ما سعيت لهالشي والرجال بيخدمك بدون مقابل..

    ولو جت على المصالح.. ياما شفنا ناس تاخذ حق غيرها وتسعى لاي شي فيه مصلحه حتى لو كان على حساب اذيه غيره ..

    انا من رايي
    استخير وتوكل بالله..والله يكتبلك الخيره يااارب
    7 "
  4. و الله شكلي بتوكل على الله شكلي و بسويها يا شباب ..

    بس عاد احسه ما عاد راح يصير لي وجه اهايط على احد و انتقد الوسايط و لو اشوف واحد معدله صفر و داخل بعثة بانقهر من داخلي مو حسد و لكن مغبون على ديرتي و لكن شكلي بسكت

    و انا بعد مسكين وش حيلتي من هالدنيا اصلا



    و الله يا شباب تذكرت سالفة خايف منها ...
    يوم كنت بالسعودية و بعد ما تخرجت من الدبلوم حقي ، فيه واحد واااااااااصل مواعدني بشركة الكهرب يقول بس خلص دبلومك و لا عليك اليوم الي بعده و انت متوظف
    المهم كنت طول فترة الدبلوم سنتين كاملة ازوره من وقت لوقت و و الله ما كان المقصد مصلحة علاقتي في الرجل الاربعيني كانت من الاساس كويسة .. و هو كان يحب يخدمني
    و كل ما خلص سمستر اقول خلاص الوظيفة جت .. و الحرمة بعدها بكم شهر .. و اشتري لي بيت صغنون اجمع فيه مرتي
    اقول لكم خططت حياتي كلها ع الـ 6000 حقت الكهرب ..

    المهم وش تتوقعون صار؟؟؟؟
    الوااااااااااااااااااااااسطة مات يوم تخرجت الله يرحمه
    شباب كنت بستلم الوثيقة بكرة .. الليلة جاه حادث و مات

    قسم بالله حسيت ان فيه كارثة تلحقني في حياتي انا

    و بين و بينكم يا شباب اني صرت كلما احد جاب لي طاري واسطة تذكرت الرجال الله يرحمه
    عشان كذا اذكروا ربكم تكفون ترا الموضوع مخوفني ما ابي اطيح بتجربة قاسية ثانية
    7 "
  5. اقول حبيبي مايمديك تدبرني معك ههههههههههههههههههه


    ياخي انت صاحي معليش فديتك
    بلا ضمير وصخ بلا ضمير نظيف وش دخل هذا بهذا ياعم
    توكل على الله ترا اذا فات الفوت ماينفع الصوت دام الله كتب لك تلاقي هالرجال اللي بيسنعك هذا شي من الله
    ومن دعاء الوالدين
    توكل ولا تضيعها على عمرك اعتبر نفسك مبتعث جديد
    وجتك هالفرصه وانت بحاجه لها بتفوتها
    اكيد لا توكل ياخوي وشد حيلك
    وبعدين الفساد بيني وبينك اقرى اسم الموضوع واقول الولد جايب مصيبه
    سارق فلوس الدوله ولا وش وضعه
    ياعمي روح ههههههههههههه
    قال فساد قال
    توكل على الله بس
    وشد حيلك وادع لخوانك المسلمين ان الله يلحقهم وييسر امورهم
    وخذ هالمعاونه دافع لك
    وعاون الناس اللي تحتاج بمعلوماتك اذا سالو هنا لا تخليهم عسى الله يوفقك
    ترا الناس لناس والكل بالله

    تعاونو ياناس قومن تعاون ماذل

    حسيت اني شطحت ههههههههههههه

    بالتوفيق للجميع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.