مقارنة بين مكافات المبتعثين الإماراتيين والكويتيين والسعوديين ...

ايمو اولا ردك يدل على انك انسانه محترمه حيل وحتى نكك ؟؟؟؟
ثانيا لما احد ينزل موضوع لازم تحترمين الناس والمجتمعات الاخرى سوا اشقاءنا الامراتيين او الكويتيين
واعرفي تماما ان هناك منهم من يعتبر موقع مبتعث مرجع له وغض النظر سوا يدخلونه او لا اسلوبك هذا جدا سئ
او حطي في بالك ليش مايجي واحد ثاني ويقول لا مايصير المفروض حنا بالشرقية ناخذ اكثر من الجنوب لان البترول عندنا ؟؟
طبعا هذا كلام مافيه تجريح ولكن لو حط اي كلمة ثانيه فيها تجريح غير لان البترول عندنا !!! وش راح يكون موقفك ؟؟
باختصار ايمو ردك يدل على عدم احترامك لنفسك واحترامك للاخرين .

المكافاة تكفي لكن فيه بعض الاخوان والاخوات في مدن غاليه المفروض ان كل شخص مكافته حسب الولاية اللي هو فيها

او حسب الجامعه

تحياتي

* الي يقول "تحسب الميزانية للأبتعاث فقط "

أخوي :

* عندك تأمين صحي من الحكومة في السعودية ؟

* المدرسة الي درسة فيها مبناها فلة مستأجرة , ومافيها وسائل سلامة , وأربعين طالب بالفصل ولاكيف؟

*عندك نقل عام , باصات داخل المدن , ميترو , شركات طيران متعدده كافية ؟

* عندك تصريف سيول في مدينتك ولاشارين قارب أحتياط في البيت ؟

* عندك صرف صحي , ولاكل شهر تجيب وايت شفط على حسابك ؟

* بالله كم قسط سيارة على أبوك عشانكم ؟

*طلع أسمه بالبنك العقاري , الزراعي , الصناعي ؟

* البيت أجار ولاكيف ؟

بالله ممكن أنت اللي تعلمنا وش فيه غير الأبتعاث تصرف علية الميزانية ؟

( حدث العاقل بما لايعقل فأن صدقك فلا عقل له )

تحياتي

العكس صحيح ................

نفسي ادخل موضوع وما القاكم متهاوشين فيه !!!!!

اخوي صالح التامين الصحي للدول اللي العلاج فيها بفلوس واحنا الحمد لله العلاج عندنا ببلاش ..... وبقية النقاط انا معك فيها

من زين مستشفياتنا عاد الوحد يدخل بعله يطلع ب ١٠ و فوق هذا معامله زي الزفت كانهم يتفضلون علينا شعب مغسول دماااااااااغه

اخوي انا ماقلت ان مستشفياتنا زينه ...لكني بس كنت بوضح نقطة سبب عدم حاجتنا للتامين الطبي

اعتذر يااختي الكريمه لكن الوضع تعدا حد طاقتنا و معاد الواحد يستحمل الاسطوانه المشروخه و شغل التطبيل ماعد في مجال للوحد انه يتحمل هالشي سرقة و نهب واذا جا المواطن يشتكي حاول يغيرون مجر الحديث بكلام ماكول خيره

الأولى : ههههه هذا موهواش نقاش ( على الطريقه السعودية طبعا )

الثانيه : والله وأنا أخوك بالرياض ماتقدر تفتح لك ملف إلا في الشميسي , باقي المستشفيات الحكومية لازم

واسطه عشان تدخله , هذا لما يكون عندك مرض خطير ,,,,,,,,,, أما الباقي نروح مستوصفات خاصه , هل تعتقدين أنه مجاني بعد كذا ؟ ؟ ؟

ما أقول إلا الله يخلينا أومتعب ويعينه في حربه ضد الفساد و الفاسدين .

ودي اشوف حوار بيننا كعرب " وكمسلمين بصورة عامة" يكون فيه احترم الرأي الاخر.. .. للاسف .. يرفض الكثيرون فكرة الشخص الاخر كنظام " ان لم تكون معي فأنت ضدي " .. بالعكس ياشباب كل شخص له راي والاختلاف نعمة , خلونا نرتقي " الاختلاف بالرأي لا يفسد للود قضية".

بنسبة لي اشوف مع الازمة الاقتصادية الي تمر على العالم بالاضافة إلى زيادة الاسعار في السلع الاساسيه والسكن, ارجح اعادة دراسة نسبه البدلات واضافة بدلات جديدة كبدل السكن لتتوافق مع احتياجتنا كطلاب و طالبات مبتعثين.
بنسبة للاشخاص الي تقول " احمد ربك " احترم رايك .. والحمدلله على كل نعمة والمقارنه باخوانا بالدول الاخرى من اجل النظر إلى مدى نظر تلك الدول والاهتمام لمبتعثينهم بالمبالغ المصروفه لهم , اما الاشياء الاضافية " مثل التأمين وفواتير الاختبارات والدراسه ..آلخ" .. فهذا شي اساسي اذا ماقدمته الدول المذكوره لطلابها فهذا تقصير منهم بحق مواطنين قريباً سيصبحون قادة البلد ونقل البلد إلى تطور يواكب تطورات العالم الاول!! ..

باختصار , بسبب ظروف الغلاء المعيشي .. نحتاج لأعادة النظر لمبلغ البدلات المصروفه للمبتعث/ـه لانها لم تعدل تواكب الغلاء المعيشي واضافة بدلات جديدة كبدل سكن, ويتم تغيرها كل سنه حسب الغلاء المعيشي حسب الدولة المبتعث عليها الطالب/ـه.