شباب ترا الدعوة مو مقارنات و مجاااااااكر مع الكويتيين و الاماراتيين
يا جعل مكافآتهم تصير مليون ريال بالشهر يستاهلون و الله يوفقهم
الاهم من هذا كله ان المكافأة تعيش الطالب عيشة كريمة ان كان الف دولار تكفي الطالب فالشهر و تعيشه عيشة كريمة فنبيها و ان كانت خمسة الاف دولار نبيها اهم شي نبي عيشة كريمة مو عشان الاماراتي ما ادري كم و القطري ما ادري كم و الكويتي مدري كم نقول سوونا زيهم
الله يهني الجميع
مايو1984 January 29th, 2012, 12:00 PM
7 " اقسم بالله اني لمن جيت امريكا كنت ضد اللي يقولون مانقدر نعيش بالمكافاة هذي
وكنت ضدهم واقول لهم ليه جالسين في مدينه غاليه!!
لكن الحين انا اقسم بربي اني اعيش في قريه صغيييييييييييره جدا والولايه ينقال عنها رخيصه وامان
بس والله العظيم اني مااوفر ولاشي مع العلم اقسم بربي اني ما ادخن ولا اشرب ولا شي من ذلك.. ومع ذلك موقادر اوفر
الاسباب :
سخافة الملحقيه واخطائهم الغبيه الان موقف عني الراتب بسبب خطاء من مشرفه حسوده الله لايبارك فيها
السبب الثاني تتخيلون ياجماعه اسكن في قريه صغييره والمفترض تكون رخيصه لكن والله انه الفرق
الاجارة غرفه مع حمام مشترك! بـ 650 دولار + المويه والكهرباء والغاز وكل الامور الثانيه علي يعني بالشهر اذا كان الصيف ادفع مايقارب الـ 870 اما بالشتاء حدث ولاحرج .. لان البيت مشرتك مع 4 والله العظيم اني احاول اطفي الهيتر وهم يفتحونه مع انه برد بس ابي قد ماقدر احاول اقتصد بالشتاء والله اقل شي ادفع 940 او فوقها بشوي
والانترنت تحتاج له وشوف كم بالشهر تدفع له.. لانه مهم لدراسه وحل الواجبات
زد على ذلك انا ماحب المطاعم نهائيا ولا اجيها ومعتمد على طبخ البيت ياخوان كل شي غالي والتكس يذبح اللي بـ 3 دولار تلاقي زايدينه دولارين مع التكس والله شي يذبح
نجي لسوبر ماركت انا بما اني اطبخ لان ماتحمل اكل المطاعم ومريض ويتعبني اكل المطاعم.. احتاج طماطم وبصل وسلطات بانواعه + دجاج + حليب + خبز + زيت
انا ماتكلمت الحين الا على الاشياء الاساسيه يعني بالاسبوع لازم اشتري هذي الاشياء.. والله حرام وهذه غير المواصلات
وغير الكتب المعهد جدااا غاليه لسمستر 180 دولار وغير متطلبات المعهد المزعجه.. ياجماعه الخير والله انه كل شي غالي...
تخيلوا بالجامعة عندنا في مطعم بوفيه كامل وقابلة طالب ماباقي عليه الا سمستر ويتخرج اول ماجيت كان يقولي روح اكل من مطعم الكومبس كويس ورخيص يقولي بـ 5 دولار للطلبه
مسكين علمه قديم وهو له 7 سنين هنا يظن انه نفس اول يوم رحت الا قيمة البوفيه بـ 13 دولار
والله ماقول الا الله يعين...
الحين ابشركم متوووورط باقي لي سته اشهر من الغه وغباء المشرف مدري وش صاير وانهاء البعثه كلها المعهد والجامعة
والحين اشحت
"عبدالعزيز" January 29th, 2012, 08:43 PM
7 " ^ أوووح أما أقول إلا الله يعينك يا أخوي ويرزقك
F.c January 30th, 2012, 01:12 AM
7 " السلام عليكم ..انا بقول وجهة نظري اتمنى من اللي بيرد عليها يتكلم بمنطق..
اول شي ممكن السعودية من الدول اللي ترسل طلاب للابتعاث بشكل كبير واتوقع المكافاة تكفي وفيها الخير انا اشوف بعض الناس يقول والله اطلب من اهلي مثل المكافاه وناس تقول تصرف شهريا 2500دولار لو نجي لصدق وبدون مجاملة احنا السعوديين مصرفين ومحد ينكر الى ناس قليل توفر ..لما تسأل الطالب وانا اقول العزابي كم تدفع للشقه يقولك 1000الى 1200من غير الاكل واذا قلتله طيب وفر على نفسك واسكن مع عائله ب 650او 700وعندك وجبتين اكل رئيسية يقولك لا ماابي ابي اروح واجي بكيفي وافلها ..يعني معليش هالتفكير كثير موجودين عندنا في امريكا ماالومه اذا طارت الفلوس ..انا من وجهة نظري المكافاه كويسه واذا بيزيدوا انا اشوف من 2000الى 2200 مناسبة جدا..تحياتي لكم
عطني أمل January 30th, 2012, 01:35 AM
7 " قول الحمدلله والله انتا في نعمة غيرك يتمناها
بالتوفيق
Abadi kingdom January 30th, 2012, 01:36 AM
7 " والله العظيم اني نقلت من امريكا الى الصين وانا مالي كان فيها الا شهر وشوي والسبب الاول المكافئه
ملاجظه: الاي يقول المكافئه تكفى فيه ناس كثير اهلهم مايقدر يرسلوا لهم فلوس ناس على قد حالها
وكذالك اللي يقول المكافئه تكفي ياخي كانها من جيبك هي كلها من الحكومه الله يديمها
بتوفيق للجميع
محب الرسول January 30th, 2012, 03:06 AM
7 "
يا جعل مكافآتهم تصير مليون ريال بالشهر يستاهلون و الله يوفقهم
الاهم من هذا كله ان المكافأة تعيش الطالب عيشة كريمة ان كان الف دولار تكفي الطالب فالشهر و تعيشه عيشة كريمة فنبيها و ان كانت خمسة الاف دولار نبيها اهم شي نبي عيشة كريمة مو عشان الاماراتي ما ادري كم و القطري ما ادري كم و الكويتي مدري كم نقول سوونا زيهم
الله يهني الجميع