2 مرفق
مقارنة بين مكافات المبتعثين الإماراتيين والكويتيين والسعوديين ...
السلام عليكم ورحمة الله وبركاته ..
المومضوع خاص للمبتعثين
او لمن عاش تجربة الحياة في امريكا
اسعد الله مساءكم يا إخواننا المبتعثيين
اسعد الله صباحك يا وطني العزيز بمن فيه ،
حبيت أضيف هذه الموضوع لان الكل محتاجه ولازم من المسؤولين النظر فيه
لأننا الان في عام 2012 وليس في عام 2005 ..
نظرة بسيطة في مقارنة مكافئته المبتعثين في 3 دول شقيقة ..
ملف مرفق 18754
اتمنى ان شكاوي ، تصل لهذا الصقر ، وانا ابصم بالعشرة انه راح يفهم مشاكل أبناءه ..
ملف مرفق 18755
شكرًا
رد: مقارنة بين مكافات المبتعثين الإماراتيين والكويتيين والسعوديين ...
صحيح مكافأتنا قليله ونتمنى تسهيلات أكثر,,
بس صراحه حرام نقارن بالامارات اللي نصهم مجنسين ومافي شعب أصلا وكمآن الكويت
* عدد المبتعثين <<دولتنا عدد مبتعثينها يفووق مبتعثي الامارات والكويت
شوف أمريكا لوحدها كم عدد المبتعثين فيها!!
وجهة نظرر
ـأشكرك
رد: مقارنة بين مكافات المبتعثين الإماراتيين والكويتيين والسعوديين ...
خلك من الامارات والدول الثانيه
لا تبعد واااجد
تعال شف مكافاة سابك و ارامكو
لكن انا اشوف ان العزابي انشالله تكفيه 1800 دولار
انا اعرف واحد في اوريقون يوفر 400 دولار شهريا
مجرد نصيحه : اعرف وش تصرف يا اخوي بكرا بتتوظف وبتتزوج ولازم تتعلم كيف تصرف فلوسك
بخصوص الزياده >>>>ترا كلن يحبها
رد: مقارنة بين مكافات المبتعثين الإماراتيين والكويتيين والسعوديين ...
احد الاعضاء يقول معي سيارة واكلي كله مطاعم..
والمكافاة مكفيتني وزود..
يعني على حسب صرفيتك..
واللي يحب يتمشى كثير ويروح ويلعب اكيد المكافاة ما بتكفيه..
وعسى الله ييسر أمورنا أجمعين..
..
رد: مقارنة بين مكافات المبتعثين الإماراتيين والكويتيين والسعوديين ...
كل واحد على حسب صرفيتة
فيه طلاب تكفيهم المكافأه ويرسلون لاهلهم في السعودية
وفيه طلاب مايجي نص الشهر الا وهو مطفر
ليتك حطيتك دولة قطر مع الدول
رد: مقارنة بين مكافات المبتعثين الإماراتيين والكويتيين والسعوديين ...
اقول. الي عايش بمدينة كبيرة ١٢٠٠ اجار وش يبقاله
رد: مقارنة بين مكافات المبتعثين الإماراتيين والكويتيين والسعوديين ...
القناعة كنز لا يفنى .. ولو زادت المكأفاة راح تزيد مصاريف المبتعث .. وراح ترجع الدوامة من جديد .. يعني كأنك يابوزيد ماغزيت ..
والحمد لله والشكر على كل حال .. والحمد لله في الأول والاخر ..
موضوع غير هادف .. وأتمنى من صاحب الموضوع أوأي واحد يرأى أن المكأفاة ماتكفيه .. يروح ويسأل عن مبتعثين مصر .. كيف المكأفاة وكيف طريقة تعاملهم مع المبتعث المصري ..
يأتي الواحد ويقارن السعودية بدول مثل الكويت والأمارات وقطر .. دول ماتجي ولا راح تجي لمستوى مثل السعودية إلا بعد عقود طويلة من السنين ..
نرجع وأبي أقنعك مرة ثانية .. راح اضرب لك مثال / (س) من الناس عنده أولاد عددهم 10؟ ... و(ص) من الناس عنده أولاد عددهم 2؟ .. هل تتوقع تعامل (س) مع أولاده راح يكون مثل (ص) ؟؟؟ طبيعي لا ..
نرجع للقناعة فهي كنز عظيم .. والنعمة يجب علينا شكرها خوفاً علينا من زوالها ..
ترأى وزارتنا ودولتنا مسويه الخير الواجد في المبتعثين .. فأكبر نعمة ركوبك بالطائرة من السعودية ..
ودام عــزك ياوطنــا ..
رد: مقارنة بين مكافات المبتعثين الإماراتيين والكويتيين والسعوديين ...
اقتباس:
نرجع وأبي أقنعك مرة ثانية .. راح اضرب لك مثال / (س) من الناس عنده أولاد عددهم 10؟ ... و(ص) من الناس عنده أولاد عددهم 2؟ .. هل تتوقع تعامل (س) مع أولاده راح يكون مثل (ص) ؟؟؟ طبيعي لا ..
هههههههههههههههههههههههههههههههههههههههههههههههههه هههههههههههههههههه
(س) من الناس اللي عنده 10 عيال ياطويل العمر متزوج غير حرمته السعوديه متزوج مغربيه ولبنانيه ومدري وش بعد هههههههههههههههههههههههههه
ويمديه يعيش عيال احلى عيشه واحلى من (ص) من الناس هههههههههههههههه
نلعب على بعض يالبى :D
ولا بعض الناس يقولون اصرف زين وتكفيك ياخي الكريم انا مو مثل صرفك ولا صرف غيرنا
وكل واحد يصرف صرف يختلف عن الثاني
وبعدين دامها مطالبات وامنيات اسمحو لي ع هالكلمه بتدفعون شي من مخابيكم !!؟؟
دام السالفه امنيات ومطالبات
يااارب يااارب يااارب ان مكافئتي تصير مليون دولار هههههههههههههههههههههههههههههههههه
رد: مقارنة بين مكافات المبتعثين الإماراتيين والكويتيين والسعوديين ...
اقتباس:
المشاركة الأصلية كتبت بواسطة Barzan
القناعة كنز لا يفنى .. ولو زادت المكأفاة راح تزيد مصاريف المبتعث .. وراح ترجع الدوامة من جديد .. يعني كأنك يابوزيد ماغزيت ..
والحمد لله والشكر على كل حال .. والحمد لله في الأول والاخر ..
موضوع غير هادف .. وأتمنى من صاحب الموضوع أوأي واحد يرأى أن المكأفاة ماتكفيه .. يروح ويسأل عن مبتعثين مصر .. كيف المكأفاة وكيف طريقة تعاملهم مع المبتعث المصري ..
يأتي الواحد ويقارن السعودية بدول مثل الكويت والأمارات وقطر .. دول ماتجي ولا راح تجي لمستوى مثل السعودية إلا بعد عقود طويلة من السنين ..
نرجع وأبي أقنعك مرة ثانية .. راح اضرب لك مثال / (س) من الناس عنده أولاد عددهم 10؟ ... و(ص) من الناس عنده أولاد عددهم 2؟ .. هل تتوقع تعامل (س) مع أولاده راح يكون مثل (ص) ؟؟؟ طبيعي لا ..
نرجع للقناعة فهي كنز عظيم .. والنعمة يجب علينا شكرها خوفاً علينا من زوالها ..
ترأى وزارتنا ودولتنا مسويه الخير الواجد في المبتعثين .. فأكبر نعمة ركوبك بالطائرة من السعودية ..
ودام عــزك ياوطنــا ..
والله انا احترم ردك ، لانك احترمت موضوعي من خلال اسلوبك الجميل ..
انت عارف وش المشكلة الي تواجهنا ،،، هي غلاء السكن
يعني على سبيل المثال الشقة الغرفة الواحدة في المدن الكبيرة من 850 الى 1300$ ..
والمكافئة هي 1847$ ..
راح نقول متوسط السكن 1000$ ، يعني راح اكثر من 65% على السكن ...
ما اقول الا الله يكون في عوننا ،
رد: مقارنة بين مكافات المبتعثين الإماراتيين والكويتيين والسعوديين ...
يا حبيبي و الله بديت اخاف !!
انا بجي بعد شهرين تقريبا لشيكاغو , و عاد يقولون أنها غالية !!
الله يستر بس ! :(