شرح قائمة اقوئ معاهد اللغة بالولايات المتحده الامريكية

السلام عليكم ورحمة الله وبركاته


اخواني اخواتي طلاب اللغة في الولايات المتحده الامريكيه
انا طالب في مرحلة اللغه الانجليزيه ومازلت في مرحلة اللغه
فالحقيقة لاتوجد قائمة لاقوئ معاهد اللغه في امريكا وان كان هناك معاهد قويه فهي نادره جداً، والمصيبه الاعظم انه كان هناك قائمة كبيره من المعاهد اللغويه القويه في الولايات المتحده ولكن سرعان ماتغيرت هذي المعاهد والاسباب طبعاً تعود لنا وهي كالتالي:
اولا: ضعف الادراك الفكري للطلاب السعودي
ثانيا: ضعف المعلومات المقدمه له عن القوانين في الولايات المتحده الامريكيه
ثالثا: الاستهانه بالطلاب السعودي من قبل الملحقيه وبالتالي الاستهانه به من قبل المعهد ايضاً لان مافيه احد يتابعك فانت فريسه مثاليه
رابعاً: اغلب الطلاب الله يهديهم ماشالله عليهم مستعجلين بالحكم على المعهد بانه سئ وانهم طلاب مظلومين وبالتالي يكثرون من شكاويهم لاداره المعهد وينتج عن ذاك كشف اوراقنا وقلة اداركنا لهم بعدها يصبح الاستغلال علني وواضح والملحقيه طبعا لايجرؤن ع رفع قضايا على تلك المعاهد ولا اعلم لماذا؟
خامساً: دعونا نعترف باننا نحمل حيزاً من الجهل داخل ادمغتنا ولذلك تم استغلالنا استغلال واضح
سادساً: الشئ المحزن تماماً ان هناك من يغش باختبارات اللغه الانجليزيه اللتي هي مفتاح دخوله للجامعات الامريكيه وبالنهايه يضطر ان يتشتري التوفل ؟؟؟؟؟؟؟؟؟؟؟؟؟
بالتالي تشويه سمعت البقيه من الطلبه .


- مفاتيح الفشل في اللغه الانجليزيه بالولايات المتحده الامريكيه.
اولا: السكن مع شخص اخر يتحدث العربيه سواً كان سعودي او اخر
ثانيا: التجمعات للطلبه والطالبات سواً في البريك او وقت الغداء او حتى خارج ساعات الدراسه الرسميه.
ثالثا: عدم الاهتمام بالواجبات ( الواجب تاخذه عشان تفهم عشان تتعلم مو عشان تاخذ درجه او عشان مايرسبك المعلم، بالنهايه انت راح تدخل الجامعه ومراح تستفيد شي بشهادة اللغه اذا انت اصلاً ماتملك لغة قويه)
رابعاً:العزايم والقهوه والشاي؟ لا احسن تعال وحط لك بيت شعر قدام شقتك بامريكا؟؟ واخر شي هولاء مراح ينفعونك اذا انت تعبت بدراستك الجامعيه وراح كل وقت ع الترجمه!
انت جاي تدرس مانت جاي تسوي لي فيها حاتم الطائي؟ هذا خطا من الطلاب والطالبات كذالك.
خامساً:الخمور( شباب بنات رجاً لاحد يعلق ع هذي النقطه بالذات ولاتتناقشون فيها لان جرايدنا مايعرفون الا هالموضوع وموضوع قيادة المراءه هههه) عموماً هذي النقطة ليست للعموم وانما لبعض اخواني واخواتي الله يهديهم ويصلحهم وينفع فيهم البلاد والعباد
لما اقول هالنقطه لانكم اخواني واخواتي واحبكم فالله فلا احد يحط بخاطره شي .


( اذا احد عنده زياده يقدر يزود)


-مفاتيح النجاح باللغة الانجليزيه:
اولا: الانفصال الكلي والتام عن اخوانك وخواتك العرب فقط يبقئ السلام بينكم
خل وجهك مغسول بمرق. ولاتخاف حتئ لو ماحتكيت معاهم اذا احتجتهم مراح يقصرون.
ثانياً:القراءة قراءة الكتب الانجليزيه حتى لو مو انت فاهم شي عادي ماتفرق اصلاً فهمت او لا ولا تحتاج انك تترجم اصلاً بس اقراء راح تكتشف بالنهايه انك لما تسمع كلمه تقول هذي مرة علي فايكون حفظها سريعاً جداً بشكل ماتخيليه وحتئ الاسبينلق سهل تكتبه بشكل رهيب.
ثالثاً: اذا ماتحب تقراء وهذي مشكلة الاغلبيه ركز علئ الافلام قديمه جديده رومنتك اكشن خيال اللي هو تابع ومو شرط تفهم وش يقولون بعد مو مهم بالنهايه تكتشف انك استفدت.
رابعاً: انت جاي ٤ او ٥ سنوات وراح ترجع فليش تستحي ؟؟ واذا طاح وجهك عادي بس طبعاً باحترام اللي اقصده خش بوجيه العالم تكلم معهم سولف معاهم بادب واحترام ياخي دور لك وحده حلوه وخش بوجها سولف معاها اذا طيحت وجهك يكفي انك كحلت عينك هههه


خامساً:سجل بقروبات اطلعوا كامبق اطلعوا مدينة ثانيه. او اقل شي دام معاك فلوس شف لك واحد من اخوياك او خوياتك طبعاً اللي مايتكلمون عربي وقل له او لها امش محفول مكفول بامشيك مثلاً في شيكاغو نيويورك ميامي طبعاً اتكلم عن مدن قريبه منك بسياره تروح عشان تنجبر تسولف معاه بالسياره.


سادساً: خلال ايام الاسبوع استغل مكتبة الجامعه ذاكر فيها بعد ماتطلع من المعهد احفظ كلمات وفوكاب او قواعد اللغه


سابعاً: اذا انت مبتعث او مقتدر مادياً كل شهرين اختبر توفل او اي تي ال اس برا المعهد مو اختبار المعهد لا اختبر ثانياً عشان تقيم اللغه عندك وتعطيك دافع معنوي واذا بغيت كل شهر وش المشكله ادفع وخذ الفاتوره وارسلها للمشرف ويعوضك خلال اسبوعين


واخيراً:
اخواني اخواتي هذي رؤوس اقلام وهي وجهة نظري انا قد يخالفني البعض بها ولكن فوق هذا كل يجب عليك انت تختار معهد جيد ابتعد عن المعاهد السئيه قدر الاماكن.

انصح بهذي المعاهد انا مادرست فيها ولكن من خلال بحثي لم اجد اقوئ من تلك المعاهد:


معهد IEI في ناشفل. قوي وصعب
معهد جامعة نورث تكساس.قوي وصعب
معهد جامعة جورجيا تك. متوسط افضل من الجيد


تحياتي لكم