ابي اجيب قبول معهد بنفسب.. ممكن تساعدوني ؟

ادخل على موقع المعهد اللي تبغاه .. ودور على الابلكيشن وعبه وسو شيك مصدق بمبلغ الابلكيشن وارسله مع الابلكيشن لعنوان المعهد .. ترى المكاتب ما عندهم الا الدجة كل اللي يسوونه تعبئة نماذج لا اكثر ولو تسويها بنفسك يمكن تكلفك 200 ريال بينما المكتب يلهط آلاف

حدد المعهد وابشر من ناحيتي اساعدك بالي اقدر عليه

وعليكم السلام ورحمة الله وبركاته

في المرفقات ملف تقييم لأفضل المعاهد وأسوأها حسب تقييم مبتعثين ومبتعثات بتاريخ 2010، قديم، بس المعهد القوي يبقى قوي والسيء نادراً ما يتحسن..

وهذا أيضاً رابط للمعاهد المعتمدة من الملحقية بتحديث قبل أقل من شهر

http://www.sacm.org/pdf/ApprovedESLProgram.pdf

بعد هالملفين إن شاء الله راح تحدد المعهد المناسب لك

من رأيي انك تشوف قائمة المعاهد القوية من المبتعثين وتشوفها إذا ما زالت في ملف الملحقية؟ (ما أدري عن التكدس) ( على طاري التكدس موجود في ملف الملحقية عدد الطلاب في كل معهد لكن في معهدي ( معهد جامعة ديلاوير) كاتبين رقم 25 طالب بس، لكن الي اشوفه أكثر بكثير)

الي ابي اقوله انك لا تآخذ بالأرقام، إسال المعهد عن التكدس وهل الملحقية موقفته أم لا وراح يجاوبونك.

بالتوفيق وأي خدمة أنا حاضر


ملف تقييم المعاهد
enin.pdf

شوف موضوعى اذا حبيت هلا فيك

ادخل موقع المعهد وابحث عن ايميل خاص بموظف القبول او المدير
ارسله ايميل مكتوب فيه

I would like to apply to your English school
Can you please send me the starting dates of your program and the required documents for the admission

بعدها راح يسرلك النموذج والاوراق المطلوبه وتواريخ بداية الدراسة عندهم
خلصها كامله مع دفع الرسوم و طريقة الدفع تحصلها في النموذج

ارسلها كامله لهم وخلاص وكلها ساعه او ساعتين او يوم او يومين بالكثير ويرسلك القبول والاي توني بالبريد



بالتوفيق لك اخوي

كيفكم ان شاءالله بخير يا أخوان
أنا عندي نفس المشكلة تقريبا وأبي قبول من معهد كويس في ولاية كاليفورنيا مدينة أورلاندو
وكلمتلي مكتبين تقريبا يقولون ماعندهم إلا في مدينة ميامي نبي فزعتكم تكفون قبل الإجازة عشان الآي توني

بعدي
اورلندو ميب في كاليفورينا ...
ميامي في ولاية فلوريدا : ولاية فلوريدا مقفله ...
اظاهر انك مضيع يالخوي خخخخخخخ
عموما اذا حبيت مساعده والا استفسار ارسلي ايميلك والا البن حقك وابشر بالي بيعاونك على الي يقدر عليه

هههههههههههههههه مزكم و حالتي حاله خلها على ربك
وشكرا ع الملاحظة
الله لا يهينك مثل ماقلت ابي قبول في أورلندو من معهد يكون كويس كانك تعرف و برسلك ايميلي ع الخاص