مساعدة أراكم بخصوص أدارة الدكتور محمد العيسى للملحقية ؟

الرجل مجتهد لكن عدد الطلاب هائل جدا

البحث تسلمه لمين ؟


العيسى انسان يخطئ ويصيب ..

لو غيرتوا الموضوع الى " ماهي النصايح لتطوير الملحلق " يكون آفضل ..

أولاً: ما أعتقد أن هذا بحث علمي، ممكن قصدك استطلاع بسيط، أو مقالة ذاتية، أي شيء إلا بحث تكفى، والله ما أعتقد أن هذي طريقة بحث بالمرة.

ثانيا: أنا ما تعاملت مع الرجل، وحكمي يظل غير صحيح ما لم أفعل. أنا أعتذر عن المشاركة في التصويت وأتمنى لك التوفيق وللعيسى أيضاً.

الحمدلله الاغلبيه واضح يعرفون انه الملحقيه من مهزله الى مهزلة ... للاسف التصويت يزعل المطبلين كان الله في العون..
لو العيسى وشلة مضبوطين ماكان حتى يحجزون الموبايلات لمن تدخل علشان مانبين المهازل اللي تصير داخل الملحقية .. رحت من شهر ونص شفت العجب العجاب من التفسخ والمهازل
لكن هذي مشكلتنا اللي امورة ماشي بالملحقيه يقول طز بالباقيين اهم شي مصلحته ..

والله يا أخي عبد العزيز ماني لا من المطبلين ولا من المزمرين، طالب على قد حالي جاي أدرس، ولا لي لا في البهرجة والإعلام ولا التزلف، حتى النادي السعودي وهو النادي هنا جنبي ما أتدخل معهم في شيء ولا عمري فكرت في الانتهازية أبداً.
وأما أموري في الملحقية، اللهم لك الحمد، بعضها تمشي وبعضها تنرفض، اللي مشى قلنا الحمد لله، واللي ما مشى قلنا يعوض الله.

أستاذي ابن بيت أل هليلة

انا لم اقصد شخص بعينه, والقصد من كلامي بالعموم .. لان للاسف في ناس وانت باذن الله والكثير ليسوا منهم ان شاء الله لايهمه امر المسلم ولا امر اخوانه.. اهم شي هو اموره ماشيه بالسليم بالعامية ( طز)
ومثل مايقول المثل أنا أنا ومن بعدي الطوفان!! وهذه اللي يتبعونه مطبلين العيسى رغم السوء ويمجدون فيه رغم السوء

وهذي مشكلتنا اللي يده في الماء مو نفس اللي يده في النار ..

الله يستر عليك، ويعينك ويكتب لك كل خير أنت، وييسر أمورك وأمورنا.
فقط لمجيء ردك بعد ردي مباشرة، اعتقدت أني السبب في ردك حتى لو ما كان مباشر لي.


أنا ما أنكر أن هناك بعض الزمر لهم علاقات مصلحية مع الملحقية خصوصا بعض النوادي السعودية
ويقضون أمورهم وأمور من يحبون ببساطة تحت قانون امسك لي وأقطع لك!

لكن بالنسبة لي شخصياً فالعلاقة اللي بيني وبين الملحقية هي بوابة المبتعثين لا أقل ولا أكثر.

تحياتي،،،

انا اشوف انه الطالب اذا كان على حق كل الي في الملحقيه راح يوقفون معاه أولهم الدكتور محمد العيسي ، ولكن للأسف صدقوني الي يتذمر من الملحقيه أو من العيسي هم الطلاب الكسالي أو الطلاب الذين هم ليسو على حق ، أصلا الطالب المجتهد ما عمره احتاج للملحقيه نهائي ولا عمره استخدم البوابة الإلكترونية إلا في حالة طلب ضمان مالي أو طلب تذكره سنوية فقط ، فمن باب أولى انه ما عمره احتاج لاحد في الملحقيه

السلام عليكم

بغض النظر عن الغرض من الموضوع

من خلال تجربتي الشخصية.. العيسى انسان متعاون جدا وسياسته " الباب المفتوح " ليست ببهرجة اعلامية .وانما هي حقيقة...
هذا لا يعني ان ادارته لا يشوبها شائب..نما ااعتقد ان عمل المشرفين يحتاج الى رقابة اكثر..

الدكتور العيسى انسان محترم, مهيوب , متعاون, صبور الى ابعد حد. وش المطلوب منه يجيب كل شباب السعودية الي حابيين يجون يتمشون على حساب الملحقية ويعطي مكافاة 6000$ ولا يطلب رفع تقارير ودرجات والطالب له الحق يدرس كل شهر في ولاية وتصرف له ت>كرة سنوية وثلاث ت>اكر حسب الرغبة . الدكتور يتعامل مع عقليات طلبه غريبة كونه يحاول يسمع كل طالبة وطالب مجهود يشكر عليه, كونك تقدر تدخل عليه بدون موعد هذا جهد يشكر عليه . اذا فيكم شدة نقد عندكم مكاتب الدور الخامس كلها مليانة بلاوي وترا مو شرط هو الي وصلهم الله اعلم بواسطاتهم ويمكن يكون هو يحاول يستحملهم .
الدكتور العيسى لك جزيل الشكر والله يكون في عونك