عااااااجل أرجو المساعده من أخواني المبتعثين

شباب وبنات كييفكم أخباركم...انشاء الله تمام>>>دوم:o
....أنا بقولكم عن معاناتي مع المقابلات ويارب تعطوني الحل لاني مره مرررره تعبت ولازم اشوف حل..
أنا الحين قدمت 4 مرات جميعها انرفضت فيها...3 مرات بالظهران..ومره بالرياض عند شباك رقم 9 المزعوم عند الناس بأنه الشباك المنحوس!!؟؟
المهم...:mad: نسيت اقول اني دخلت جامعه وطلعت منها.. اخذت لغه ودخلت التخصص مده معينه وطلعت بدرجات تقريبا سيئه وصار لي متخرج من الثانويه حدود الـ4 سنوات..

في أول مره رحت القنصليه عند شباك رقم 2 الابرص..قمت أناظر فيه حسيت نفسه خااااااااايسه مره ماادري وش فيه المهم عطيته أوراقي وكل شي مع ضمان بنكي 280 الف ريال قبول للمعهد وكل شي معاي اوكي وكنت خايف انه يقولي عطني الترانسكريبت حق الجامعه..وللأسف هذا اللي حصل.. لانه سالني قالي انت دخلت جامعه من قبل.. وقلت له ايه..وياليتني ماقلت..المهم عطيته وقام يقلب في وجهه يقولي ليش ماخذ في الماده الفلانيه رسوب والماده هذي رسوب..يوم قالي كذا ضاقت فيني الدنيا ماعرفت وش اقوله...وبعدها قالي غير مؤهل وطلعت بعدها امشي 260 من القهر..

في المره الثانيه قابلت نائب القنصل وقالي وين الترانسكريبت واانا حاط في بالي ان عندي اعذار عن الرسوب وبتمشي اموري لكن الحظ للاسف خذلني...قالي ليش ماخذ رسوب في هذي الماده وهذي الماده في التخصص.. قلت له لاني لاأرغب التخصص ومن هالكلام يعني عطيته صواريخ آر بي جي بس قالي لاأستطيع؟؟!! وعطاني الورقه وحط عليها اكس وطلعت زعنان جدا جدا


في المره الثالثه قابلت القنصل... وسألني نفس الاسئله تماما وجاب لي المترجم لانه قام يقرقع فوق راسي انقليزي وانا مني فاهم له...وصل المترجم وقلت له انا لاأرغب في التخصص الذي في الجامعه وانني اذا ذهبت الى امريكا سوف اختار تخصص آخر ومن الكلام الحلووو..الا شوي ينقز علي ويقولي غير متعااااون وماأقدر أتعدى القانون؟؟؟!!! ايش اسوي فيه هذا بالله قولو لي مو قهر؟؟؟؟!!!!:mad:

في المره الرابعه والأخيره رحت الرياض وانا كلي أمل اني أنقبل وارتاح من المعاناه والألم المرير اللي أعيشه...دخلت ورحت لشباك رقم 9 وقامت تقولي انت متزوج قلت لا...قالت عندك عيال قلت لا.. وتضحك وانا مسلك لها واضحك معاها بس ابيها تمشي اموري..وسـأألتني ايش تبي التخصص هناك واي جامعه واي مدينه..قلت لها كل شي وقامت تضحك وتضغط وتضغط وانا اقول في نفسي الله يخليك قولي روح سدد فيديكس الله يرحم امك...الا شوي تتغير الملامح وجاني هبوط في البطين الأيمن في راسي وقالت لي للاسف فيزتك مرفوضه.؟؟! والله ياهو شعور سئ جدا..قلت لها ليش وليش.. قالت لي ادرس برنامج دراسي كامل وتعال قدم مره ثانيه...لان لغتك مو تمام وهو اصلا مسجل عندها بالسستم اتوقع اني لازم ادرس...فــ ياأهل الخبره ساعدوني هل ادرس في معهد مدة شهرين وارجع لهم ولا ايش اسوي لاني محتار..آسف على الآطاله لكن ايش اسوي ابي افضفض وثانكيو...:cool:

أخي الحبيب
لن تنتهي الدنيا عند أبواب أمريكا.
لعل رزقك مكتوب في استراليا أو كندا...الخ.
لك مني الدعاء بالتوفيق والسداد.

انصحك تحول على دولة اخرى لاتضيع عمرك في السفارة الامريكية

روح دوله ثانيه ما تعقدك ويمكن فيها خيره
ولا تكرهو شيء وهو خير لكم