لأصحاب الخبرة ارجو ألمساعده في حالة كسر عقد الشقه بلييييييييز ساعدوني

السلام عليكم ورحمة الله وبركاته
أتمني لأصحاب الخبرة إفادتي ،، أنا بحاجه لفزعتكم،، فيه احد منكم قد كسر العقد في الشقه بدون مايدفع لهم يعني بالعربي(سحب عليهم) وهل فيه اي مشاكل لو كسرت العقد،، لأني ساكن في شقه اشتكي من الفئران ولا لقيت حل معاهم من اول يوم سكنت فيه ، وباقي ع العقد 4 شهور،،، أتمني من اصحاب الخبره إفادتي .، او اي نصيحه منكم
تحياتي لكم*

انته يااخوي لاتورط نفسك تقدر تتفاهم معاهم و تكسر العقد ودي معاهم موفق

يعطيك العافيه اخوي ،،،،، ممكن يالغالي تشرح لي اكثر ،،،،،، ليش هل ممكن يكون فيها محمكمه؟؟ هل تعرف احد مر بهالمشكله،؟؟ ياليت تفيدني

وعليكم السلام ورحمة الله وبركاته

في الغالب يكون هناك شرط جزائي في حال رغبتك بكسر العقد بدفع رسوم معينة كتعويض قيمة شهر او اثنين وتكون مبينه في العقد

وأحيان يكون انسب حل اذا كانت الرسوم كبيرة ،، هو ان تبحث عن شخص يحل مكانك و يستأجر الشقة و يكمل باقي مدة العقد
ويسجل اسمه في العقد بدلا منك


تحياتي

عسى الله ييسر أمورنا أجمعين..



..

اخوي مو بالطريقة هذي ( تسحب عليهم ) انت في امريكا وبياناتك لديهم و ممكن تدخل في مشاكل مالها اول ولا اخر وانت في غنى عنها .
تجيهم تقول انا بنقل او بغير المدينه ... الخ . دور لك عذر و بيتفاهمون معك ممكن تعطيهم ايجار شهر او شهرين و تنتهي الحكايه لكن خلك دائما بالسليم .

ياخي لو أنتا مكاني وربي تسحب عليهم بالقوه،،، يأخي اقسم بالله سببت حاله نفسيه لزوجتي لدرجة ورب الايمان انها تنام في سرير ولدي الصغير من شدت الخوف،،، وغير كذا جاها فقر دم لانها ماصارت تأكل،،،،، أنا سلكت كل الطرق معاهم بدون فايده،،، عندي صوري وفيديوا للفئران في البيت من غير الصراصير والبق،،،، أنا في مشاكل معاهم من اول اسبوع من العقد الي الحين صار لي ٦ شهور وكل شوي يقولوا راح نعالجها وماراح ترجع مره ثانيه ،،، قلتلهم ينقلوني شقه ثانيه قالوا حنعطيك شقه اغلي من الي أنا فيها،، طبعا أنا رفضت الا ان تكون بنفس السعر او اقل،، وهما رفضوا،، بالله لو أنتا مكاني ايش راح تسوي؟؟

عن نفسي سألت في مكتب المجمع في واحد مصري يشتغل في المكتب قال لي اذا ما اعطيتهم رقم الضمان الاجتماعي نظف الشقة و ارسل لهم المفتاح على صندوق البريد و اطلع ما يقدرو يجيبوك طبع رقم الظمان ما نقدر نحصل عليه لانا طلاب مو جايين نشتغل هنا .
بس كنت خايف تصير مسألة قانونية لان صورة فيزتي عندهم و اسمي و عنوان المعهد الي كنت ادرس فية و اكيد يقدرو يجيبو عن طريقه المعهد الى ابغى انقل له رجعت ثاني للمكتب و دخلت على المديرة و قلت لها ابي اكسر العقد , قالت لازم تدفع شهرين ونص و بعدين تقدر تطلع من الشقة
كان المبلغ كبير جداً اكثر من 3000 دولار حاولت اوضح لها ان وضعي غير لان انا راح اغير الولاية .
سوت اتصال بالادارة العامة للمجمع و طلبو مني 600 دولار فقط مع تقديم شهرين انذار قبل المغادرة و 99 دولار تأمين مسترده في حالة سلامة الشقة مع العلم لازم ارسل لهم كل الاوراق التي تثبت نقلي الى الولاية الثانية و ينتهي الموضوع بكل بساطة هذا حالتي وانا مقيم في ولاية نيوجيرسي مع العلم انو كلامي مع المديرة مااستغرق اكثر 20 دقيقة .

الحالة الثانية لزميلي سعودي هو وعاائلتة حاب ينقل الى ولاية ثانية يعني بيكسر العقد بس هو وضعه غير كان كافلة رجل لبناني برقم الظمان الاجتماعي ودافع تامين شهر ونص اكثر من 2600 دولار . سحبو منه التامين و اعطاهم شهرين انذار و حل الموضوع بالشكل الودي .

نصيحتي لك انك تحل الموضوع بشكل ودي لان لو طلعت بشكل غير قانوني اقل المشاكل الى من الممكن راح تواجهها عدم وجودك لمجمع ياجرلك لان ماراح تلقى موافقة منهم و السبب الي فهمته قد يكون قائمة سوداء باسماء المتخلفين عن السداد و الله اعلم او مسائله قانونية عن طريق مكتب تحصيل يكلفه المكتب باسترداد المال مع الفوائد لمكتب التحصيل هذا ما قرات عن النظام هنا في ولاية نيوجيرسي و الله اعلم .

انتبه تحل الموضوع بطريقتك
ترا والله بتصير الغربة غربتين
ابعد عن المشاكل قدر الامكان
انا عن نفسي حاليا ساكن بشقة لي تقريبا شهر واسمع اصوات خروشة بالمطبخ ومرة شفت فار شافني وراح تحت الثلاجة والله اعلم اذا فيه واحد او اكثر
رحت كلمتهم وقالو اشتر سم وحطه بالمطبخ وقعدو يعددون لي كذا طريقة
قصدهم بالعربي دبر نفسك
حطيت سم والحين اشم ريحة بالشقة شكله مات وماني عارف وين بالضبط :(
هذي مشكلة كبيرة والله بس مانقول غير حسبي الله ونعم الوكيل عليهم

هل من ارااء اخرى ؟