العالي مع جهات تعديل سعرصرف مكأفاة المبتعثين في بريطانيا . وضاعت أمريكا في الطوشه .!

اقتباس:

---

المشاركة الأصلية كتبت بواسطة kkhalid

ترا العيب والله منا حنا الطلاب الراتب 1849 ينزل الراتب اليوم بعد 4 ايام زززززين اذا لقيت 900 دولار في حسابنا
مره لقيت لي هندي وسولفت معه
كم توقعون يصرف ف شهر مع سكن واكل وفلوس المترو وللمعلوميه في دي سي يعني في مدينه غاليه
يقول انا اصرف ف شهر 350دولار!!!!!!!!!!!!!!!!!!!!!!!!!!!!!!!!!!!!
ساكن في شقه هو غرفتين وصاله ومعه 7 من اخوياه واكل بيت كل شي

---

الله يخلف على الامة العربية وعلى الابتعاث اللي خلاك تهلوس
الحين تبي تقنعني ان الهندي دولته عندهم مثل ميزانيتنا !! يكون بعلمك فيه بشر هوم لس مايدفع فلس من جيبة وعايش باغلا المدن على وجه الارض!!
بعدين اتقي الله فالناس المتزوجه وحتى العزابي اللي يبي يستر على نفسه في المستقبل ،
والمفترض مكافاة المتزوج تكون قوية و تشجع الطلاب على الزواج ،
ما اقول الا على الدنيا السلام
مشكور صاحب الموضوع

اخوي وليد الرشيدي احترم وجة نظرك ، لكن عندي تسائل بسييط فارجو ان تتقبلني صدر رحب

اولا: زميل لي يريد جامعة قوية و لكن مامعه غير المكافاة فاضطر انه يغير قبوله عشان المكافاة ماتكفي ، يعني هذي فعلا مشكلة
ثانيا : السكوت علامت الرضا ، ومن حق الطلاب يوصلون فكرتهم و همومهم ولا تنسى قول الله تعالى " ..وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الإِثْمِ وَالْعُدْوَانِ وَاتَّقُوا اللَّه إِنَّ اللَّهَ شَدِيدُ الْعِقَابِ"

مشكور اخوي وليد الرشيدي ومنكم نستفيد

معروف دائماً وأبدا

المتحايل ع النظام هو من يكسب

المعيشه صعبه وملحقيتنا العزيزه

هي من أجبرتنا ع الطرق الملتويه

اقتباس:

---

المشاركة الأصلية كتبت بواسطة وليد الرشيدي

دخلت الموضوع بستانس ضاق صدري منه ومن الردود المتخاذلة فيه والردود المتشائمة..

ألاحظ ان اغلب الردود المتشائمة هي من "العوائل"..

لكن سبحان الله كثير ما ألقى ناس يفضلون انهم يتذمروا على انهم يحفزوا ويشجعوا..

واذكر احد اعضاء المنتدى يقول مكافأتي مكفيتني وأنا معي سيارة واكلي كله مطاعم..

قلت في نفسي يمكن الرجال ماهو بمدينة غالية..


الموضوع في الاول والاخير يعتمد على المبتعث نفسه..يعني اللي يروح لي قلب نيويورك اكيد المكافأة ما تكفيه لان المدينة اللي هو مختارها غالية..

يعني الواحد يختار له المدينة اللي تناسبه .. ولا تقولوا لي جب لنا مدينة حلوه وفيها جامعة كويسه وكل شي ورخيصة..

انا اقول لكم ان بعض المبتعثين حاط الدراسه اخر همه بس يبغى يروح يتمشى وبعدين يدرس..

مرة كنت اوري واحد من الشباب موقع مدينته على "قوقل إيرث" ..فلما شاف موقع مدينته قال.. "الله حنا عندنا بحر وانت ما عندك"..يعني شف وش اكبر همه..موقع مدينته والفلة والوناسة,,وحاط الدراسة اخر همة..


اما اذا المبتعث يبي كل اسبوع اسبوعين يتمشى في ديزني وورلد ولا كاليفورنيا ولا نيويورك..هذا ما تكفيه لا 10 ولا 20 الف دولار..

يعني الواحد مو كل وقته تمشيات..الواحد لازم يركد شوي ينتبه لدراسته اكثر..عشان لما يجيه وقت فراغ ويبي يتمشى يصير لها طعم..

اما كل شوي وانت كاشت راح تحسس بملل وراح تفكر انك تكثر روحاتك وجياتك على بالك بانك بتشيل الطفش والحقيقة انك قاعد تقود نفسك لمتاهات الطفش اللي بالتالي راح تؤثر على دراستك وتحصيلك..

والنتيجة انك راح تخسر البرستيج الامثل اللي يوازن بين الوناسة والدراسة..



ع العموم لا تشغلون انفسكم بمواضيع تفتح عليكم ابواب انتم في غنى عنها..

واذا فيه زيادة في المكافاة تراها زينه..هذا عشان ما تقولوا اني معارض لزيادة المكافاة..لكن اللي ابي اوصله ان الواحد لا يفكر كثير في أمور ما تفيده في دراسته..




أتمنى إني قلت ما أريد بالشكل المناسب..



وعسى الله ييسر أمورنا أجمعين..



..

---

كيـف يعتمـد علـى المبتعـث نفسـه ؟!
طـالب أتـاهـ قبـول في تخصصـه في مدينـة بـوسطـن, نقـول له ما الـذي أجبـرك علـى بوـسطن, أجل تحمـل الغـلاء !
طـالب أخـر من الدفعـات السـابقه رمتـه إحـدى المكـاتب المتعاقدهـ مع الملحقيـه في مدينـه غاليـه نقـول له مالذي أتـى بك هنـا ؟!
طالب وجـد قبـوله في إحدى المدن الغاليـه بعد عناء البحث عن قبول نقـول له أبحـث عن قبـول آخـر الولايـه غاليـه !
طـالب تخصصـه دقيق ومعدود في الجامعات الامريكيه وكذلك في الجامعات المعترف فيها في الوزاره وجد قبوله في نيويورك نقول له ابحث عن دوله أخرى أو انهي البعثه !
لا تستطيـع التحـكم في ظـروف المبتـعث وكـلاً حسـب تخصصـه وقبـوله واهتمامه والمنطقـه التـي يجدهـا مناسبه له في الدراسـه, نحن اتيـنا للدراسـه لا لأختيـار المكـان أولاً ما إذا كان غالي أم رخيص !
ثم ماذا عن أسـعار الحضـانات التي تتـراوح مابين 500 الى 900دولاور حتى في الولايـات الرخيصـه.
قيمة الايجارات, زميل لي حصل على قبول الوزاره في معهد من معاهد بوسطن قيمة السكن مع العائله900 دولار ومعه اكثر من روميت وكل واحد يدفع نفس السعر.
أقول لك نعم المكافأة ستكفي إذا كان بمقدوره العيش كفقير في بلد الدراسه..

علي فكره للي يعتقد ان الغلا معتمد علي جمال المدينه و انها وناسه وفله اقلك انت غلطان كمثال قارن واشنطن او بوسطن بفلوريدا فلوريدا معروفها انها ولايه سياحية درجة اولا
و ماتتقارن مع بوسطن او واشنطن او حتي كاليفورنيا وفوق هالشي ارخص منهم بكثير

اقتباس:

---

المشاركة الأصلية كتبت بواسطة prestige10

كيـف يعتمـد علـى المبتعـث نفسـه ؟!
يعتمد من خلال اختيار الطالب نفسه للمنطقة اللي بيدرس فيها..خصوصا عندما أتاحت الوزارة ان الوحد جيب قبول بنفسه..
طـالب أتـاهـ قبـول في تخصصـه في مدينـة بـوسطـن, نقـول له ما الـذي أجبـرك علـى بوـسطن, أجل تحمـل الغـلاء !
كما سبق.يعني أمريكا فيها فوق 2000 جامعة معترف فيها هذا غير عن اللي مو معترف فيها..و ع فكرة انا دورت في جامعة دوك تخصصي ما لقيته طبقا للبيانات اللي مسجلتها الوزاة في موقع "الجامعات الموصى بها"..لكني يوم بحثت عن التخصص في موقع الجامعة نفسها لقيته..يعني لا يعتمد الواحد على موقع الوزارة بالنسبة للتخصصات المطروحة.
طـالب أخـر من الدفعـات السـابقه رمتـه إحـدى المكـاتب المتعاقدهـ مع الملحقيـه في مدينـه غاليـه نقـول له مالذي أتـى بك هنـا ؟!
أنا ما أتكلم عن الدفعات السابقة اللي جاهم القبول مجهز من قبل الوزارة وما كان لهم حق الاختيار في مكان دراستهم..أنا أتكلم عن وضعنا الحالي الآن عندما اعطتنا الوزارة حرية الاختيار..
طالب وجـد قبـوله في إحدى المدن الغاليـه بعد عناء البحث عن قبول نقـول له أبحـث عن قبـول آخـر الولايـه غاليـه !
طيب دامه تعنى بالبحث ليش ما زود البحث شوي يمكن الله يوفقه بولاية زينة..؟
طـالب تخصصـه دقيق ومعدود في الجامعات الامريكيه وكذلك في الجامعات المعترف فيها في الوزاره وجد قبوله في نيويورك نقول له ابحث عن دوله أخرى أو انهي البعثه !
محد ذكر شي عن إلغاء البعثة..لكن اللي تخصصهم دقيق ممكن يبحثوا عن دولة أخرى خصوصا ان الوزارة تساعده في ذلك..أما إذا ما لقى تخصصه إلا بالدولة الغالية بالمدينة الغالية بالولاية الغالية اللي محد يقدر يعيش فيها..عاد الشكوى لله ..
لا تستطيـع التحـكم في ظـروف المبتـعث وكـلاً حسـب تخصصـه وقبـوله واهتمامه والمنطقـه التـي يجدهـا مناسبه له في الدراسـه, نحن اتيـنا للدراسـه لا لأختيـار المكـان أولاً ما إذا كان غالي أم رخيص !
أنا ما أتحكم في ظروف المبتعث..لكن أتمنى إن المبتعث يتحكم في اختياراته مو اختياراته هي اللي تتحكم فيه وبطريقة معيشته..
ثم ماذا عن أسـعار الحضـانات التي تتـراوح مابين 500 الى 900دولاور حتى في الولايـات الرخيصـه.
قيمة الايجارات, زميل لي حصل على قبول الوزاره في معهد من معاهد بوسطن قيمة السكن مع العائله900 دولار ومعه اكثر من روميت وكل واحد يدفع نفس السعر.
أقول لك نعم المكافأة ستكفي إذا كان بمقدوره العيش كفقير في بلد الدراسه..
أخي برستيج..أريدك أن تعرف أني لست معارضا لمقدار المكافأة بل أنا من أكبر المؤيدين لرفع قيمة المكافأة...لكن من المستحيل إن كل مدن أمريكا غالية بالشكل الذي لا تغطيه المكافأة...
ولا ليش ناس تقول المكافأة تكفي وناس تقول ما تكفي..؟؟....

---

في الختام أتمنى من الوزارة أن ترفع مكفآتنا حتى تتساوى مع مكافأة غيرنا من الدول المجاورة..

أرجو ممن يعارضني أن يفهم أنا وش أبغى أقول..



وعسى الله ييسر أمورنا أجمعين..

ما ادري وش السر في الاهتمام ببريطانيا عن غيرها من الدول

مع اني اذكر انها من ايام 2009 مقفله ... هل فيه طلاب من عوائل معينه اشتكو ... ووجدو لهم اذان صاغية في الوزارة

بسم الله الرحمن الرحيم
اعوذ بالله من الحسد ياناس
انتو اللحين من جدكم تتكلمون
تبغون تقارنون امريكا ببريطانيا في الغلا والمعيشه
هل تعلم عززي الزائر مكافة بريطانيا وامريكا نفس المكافاهـ
هل تعلم عزيزي الزائر ان الدول الاوربيه الباقيه مكافاتها مايعادل 10 الاف
هل تعلم ان استراليا ارخص معيشه من بريطانيا ومكافأتهم حدود 12 الف
ومسكت على بريطانيا مكافأتهنا 6900 وعليها كم ريال
الله يرزقكم الجنه ولكن لاتتسعجلو بالحكم
ترى الحضانه في بريطانيا 600 باوند وانت طالع يعني حدوو 1000$
خير البنزين الناااااااااااار دبل دبل اسعاركم
غير التامين والقرف والمواقف والاكل
طبعا غير السكن اللي تستأجر ب 800 باوند الى 600 وانت عزوبي طبعا ما اتكلم عن لندن وشلتها
لانك ماتكيفك 1200 باوند لغرفه وحده في بعض المناطق والبعض اغلي
على العموم الله يصبرنا ويتعدل الصرف او يسلمونا رواتبنا باليورو اصرف لنا تصير 1500 باوند
ســلأآم

هل تعلم عزيزي الزائر أن الخبر مفبرك صحفياَ ولا توجد أي دراسه
هل تعلم أن المقصود من تصريح الدكتور الموسى هو عكس عنوان الخبر
هل تعلم أن الدكتور الموسى يقول أنه سبق وأن تم تعديل صرف الجنه الاسترلني وأنه لا يوجد غلاء معيشة في بريطانيا ..
أن كنت تعلم فتلك مصيبةوأن كنت لاتعلم فالمصيبة أكبر
تحياتي ,,,

.هل تعلم انه صار له 2 سنوات يقولون بيتم التعديل
هل التعلم انه لم يتم تعديل الصرف
هل تعلم ان الدكتور عبدالله الموسى كذاب هو والملحق لكلامهم مافيه غلاء معيشه والله لايوفقهم
هل تعلم هذي اخر مره ارد عليك
لانك للاسف تاخذ الكلام علي كيفك
فمان الله~