الأعضاء الإشتراك و التسجيل

الملتقيات
ADs

حوار السبيكنق وما ادراك مالسبيكنق نبي نصائح الله يعافيكم +خبراتكم } }الكل يدخل{{

حوار السبيكنق وما ادراك مالسبيكنق نبي نصائح الله يعافيكم +خبراتكم } }الكل يدخل{{


NOTICE

تنبيه: هذا الموضوع قديم. تم طرحه قبل 4437 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ابي معهد ممتازاكادمي
    ابي معهد ممتازاكادمي

    مبتعث مستجد Freshman Member

    ابي معهد ممتازاكادمي الولايات المتحدة الأمريكية

    ابي معهد ممتازاكادمي , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى <<<<< , بجامعة >>>>
    • >>>>
    • <<<<<
    • أنثى
    • محتار, محتار
    • السعودية
    • Aug 2011
    المزيدl

    February 4th, 2012, 08:11 PM

    سلام وعليكم ورحمه الله وبركاته


    اخباركم اخواني واخواتي ؟

    اتمنى انكم بخير وصحه


    ياخوان انا في امريكا الان وصراحه عندي مشكله واللي هي speaking

    عندي مخزون من الكلمات بس ماعرف اتكلم ماعرف اركب جمله + الخبط اذا جيت اتكلم


    ياليت الحل ياخوان الي عنده تجربه ولا طريقه وتطور السبيكنق عنده ياليت ياخوان

    والله اني مقهور ابي اتواصل مع الناس كل مادخلت مطعم اقول ميد واحد من الشباب قله يكنسل ذي الوجبه وبغير الوجبه حتى في اشياء كثيره ياليت ياعالم تسعفونا ومنخليكم من الدعاء


    المشكله عندي توتر ساعتين في الاسبوع يعني اقدر اتكلم بس ماعرف
  2. الحل تافه و بسيط ... اسمع فقط

    من تجربتي :
    من صغري و أنا الحمد لله اسمع اي شي بالانجليزي حتي كنت و مازلت من عشاق فن hip hop و أغاني gang rap
    و لما كنت في السعودية كنت افكر أني حدي yes / no وتخب بعد . لكن ما ان دخلت امريكا بفضل الله الا و شفت أني الحمد لله بتكلم
    من اول يوم ، سوا في فندق comfort inn الي ازعجتهم باتصالاتي او لما كنت عند العائلة .
    و الحمد لله بعد هذه الفترة قدرت من فضل الله اكون كلمات كثيرة و اكتبها بطريقة ممتازة بدون اخطاء و الأعظم بالنسبة لي هو أني بفضل الله اكتسبت ال American accent

    و خلاصة :
    1 - اذا عندك An IPhone ، بكل بساطة ادخل علي American store و حمل برنامج اسمه free Radio
    هذا فيه كل شي براسك حتي بس اكتب islamic وتطلع لك قنوات تختار منها إذاعات تجيب القران و بعضها قران و تفسير إيه بأيه.

    2 - ثاني شي : حمل علي لابتوبك برنامج ITunes و اعتقد تضغط علي Radio و تختار القناة الي تعجبك ، مثلا comedy و بعدها اجلس اسمع

    3 - شي ثالث : حمل كتب اللكترونية اي مدري وش يسموها علي ايفونك و كل يوم روح امشي و حط السماعات باذنك او علي حمل اي مقطع صوتي و خلي السماعات باذنك
    7 "
  3. افضل شي انك تحيط نفسك بجو كله انجلش في انجلش ,,, وقبل اي شي لا تخجل من أخطاءك ,, صدقني اذا جبت العيد في جملة وأحد عدلها لك انك ما تلخبط فيها مرة ثانية طول عمرك ,,

    الصبح عندك المعهد ,, ترجع تحل واجباتك ,, وهذا ابدا ابدا ابدا ما يكفي لتعلم اللغة ,, عندك باقي اليوم لازم تكرف نفسك فيه الين تنام ,, بمعنى انك لازم تقرأ اي شي بالانجليزي كتاب او جريدة او مجلة او اي شي لمدة ساعتين على الأقل ,, والساعتين هذي سلمك الله تقسمها قسمين ,, قسم قراءة مركزة تحاول تتأمل تراكيب الجمل وتترجم كلمات وتحفظها ومو مهم عدد الصفحات حتى لو كانت نص صفحة ,, والقسم الثاني هو انك تقرأ قراءة غير مركزة بصوت عالي كأنك تتكلم مع ناس ,, ومو لازم تركز فيها او في معنى الكلام لأنها بتجي مع الوقت ,, الهدف من القراءة بصوت عالي هو ان لسانك ينطلق وتروح منك التأتأه مع الوقت ,, بعد كذا سلمك الله شوف لك فيلم او مسلسل على سي دي ولازم يكون الكلام برضه مكتوب في الشاشة ,, وشوف المشهد الواحد عشرين مرة وحاول تركز السمع وتقرأ الكلمات ,, واجلس ردد مع الممثل السيناريو حقه مثل الببغاء بالضبط خمسين مرة ,, بعدها اطلع من البيت وحاول تسولف مع اي احد حتى لو جملتين بس من اللي تعلمتها ,, والمطاعم والاسواق تكلم انت بنفسك ولا تخلي احد يتكلم بدالك ,, صدقني بعدها ماتضبط اللغة وبس ,, الا بتضبط اللغة والاكسنت وكل شي
    7 "
  4. من واقع تجربة كبيرة .. السبيكنق بتتقنه بخلال ست شهور ان شاء الله .. اذا قرآت وكتبت بتتكلم لاتخاف ..

    بس اذا ماسويت هالثنتين مابتستفيد شي بتبقى نفس الكلمات عندك ولا يبكون عندك تنوع بالكلام ..


    شيء ثاني .. ادخل بالاجانب تكلم خبط خلهم يضحكون عليك .. خل نفسك تنقهر ماعندك مشكلة .. بيجيك يوم ان شاء الله وتتقن .. آخر شيء ..

    اسمع لباراك اوباما كل يوم .. ادخل صفحته باليويتوب (( البيض الابيض)) واسمع له كل يوم وبتتعلم اشياء كثيرة ..


    تحياتي لك ..
    7 "
  5. أنا قربت أكمل سنتين في الغربة ومع ذلك أحس عندي شوية مشاكل في السبيكنق ..
    طبعا الاكسنت حقي أحيانا أحسهم مايفهمونه لإنهم يمدون وأنا أكسر مثلا تخصصي أقول "كيمستري" وهم يقولون "كااااامستري" بالإضافة إلى إنهم يعتبرون صوتي واطي : ( والشعب كلهم جهوريين في الكلام ..
    عندي زميلة أمريكية معايه في بعض الكلاسات أحس إني استفدت منها في السبيكنق خاصة وصرت أستخدم مصطلحات أسمعها تكررها بإستمرار..
    الأفلام برضه تساعد على تحسين السبيكنق ..
    7 "
  6. تعليقا علي كلام asd 12
    فعلا ان لما كان عندي القاء بالفصل persentation كنت اخجل و ما اطلع ، لكن مجرد ما صرت اروح اصلي الجمعه ( بعد ما عرفت المسجد )
    صرت أطالع بالشيخ او اذا كان امريكي مثلا و المسجد بالجامعه ، أطالع فيهم و أحاول افهم تصرفاتهم قبل ما اسمع لهم و ليش رفع
    صوت. هنا و ليش وطاه هنا .. الخ .

    اما العم Obama ترا افضل متحدث في الوقت الحالي، فهو يتكلم كلام موزون و بطبقة صوت ممتازة و اداء أكثير من رائع و افضل فيديو شفة له هو
    President Obama's birth certificate .
    لانه تقريبا كان بيستهبل في هذا المقطع لكن ادائة بعد هذا صار قوي و واضح

    و الاسم ابي تفضل الاستاذ و كتبة بالعربي هو The white house
    او اكتب obama's speech .
    7 "
  7. اعتقد ياخوي ان مشكلتك زي مشكلتي وهي الخجل
    اذا عندك كاميرا صور نفسك وأنت تتكلم انجليزي أو تقرأ بأي شي بالانجليزي
    بعد كذا شوف نفسك وكرر العمليه باستمرار
    ان شاء الله تتحسن
    وبالتوفيق

    شطحه :
    تبي تتكلم ارسل رسالة إلى عقلك الباطن قله انا اليوم بخربها والله لأتكلم يعني لأتكم لو خطأ
    كم رقمه ؟؟ ههههههههه دعابه دعابه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.