للي عوضوا لاختبار التوفل من الملحقيه .. عندي سؤال

السلام عليكم

انا من قبل فتره مختبر اختبارين توفل وابغى اعوض لهم بس المشكله ان الدرجات ماوصلتني بالبريد ولا عارف ليه ؟؟ مع اني ارسلت لمركز التوفل ولا ردوا علي وانا مختبر لي اكثر من 6 شهور
عموما لما جيت ابي اعوض
في اختيار يقول لي الجهه المصدره للفاتوره .. بصراحه مافهمتها بالمره
يعني هم قصدهم المكان اللي انا اختبرت فيه ؟؟ ولا ايصال البنك ؟؟ ولا وشو بالضبط

شاكر لكم تعاونكم

لاتهمك الجهة المصدرة لو تكتب فيها TOEFL تمشي مايدققون عليها اهم شي يبونه التالية :

الشهادة اللي تجيك على البريد + الايميل اللي ارسلوه لك واللي يثبت الدفع

اقتباس:

---

المشاركة الأصلية كتبت بواسطة luv10

لاتهمك الجهة المصدرة لو تكتب فيها TOEFL تمشي مايدققون عليها اهم شي يبونه التالية :

الشهادة اللي تجيك على البريد + الايميل اللي ارسلوه لك واللي يثبت الدفع

---

طيب انا ما وصلتني الشهاده اللي على البريد للحين وش اسوي
واي ايميل تقصد ؟؟ طيب ينفع اطبع ايصال من البنك وخلاص ولا كيف ؟؟

الجهه المصدره للفاتوره حط (اخرى) وبعدين راح يطلع لك فرتغ تكتب فيه ETS اللي هي الشركه المقدمه لاختبار التوفل
تأكد ان العنوان اللي عند التوفل صحيح !! وبعدها ادخل موقع التوفل وخلهم يرسلونها لك مره ثانيه بـ17 دولار...

نعم لا تعوضك الملحقية بدون شهادة اطلب الحصول على نسخة اخرى من شهادة التوفل

الامر الاخر بالنسبة للايميل اللي يرسلونه لك التوفل واللي يوضح تاريخ الاختبار وقيمته هذي طلبوها مني عندما طلبت التعويض ( الايميل هذا يوصلك عند تسجيلك في الاختبار)

اها جزاكم الله خير