والله إن ضايع تكفون احد يردد عليه
السلام عليكم ورحمه الله وبركاته
أخوني من الجنسين إن اللحين احس روحي ضايع
في فورت الوديل
نزلت افطرت ورحعت غرفتي مادري
ماعرف كيف اخذ معم اريد اسالهم عن شريحه اتصال وريد اسالهم عن كيف افتح لي حساب في البنك
تكفون أحد يرد عليه والله إن ضايع
مادري إذا راحت بكره المهد أخذ معي الايتو ولا كيف
والجواز مادري وش اسوي في
والله الدعيلي الدعو ك من قلب اللي ؤاح يردد عليه
رد: والله إن ضايع تكفون احد يردد عليه
اخوي ياسر الحمدلله على السلامه
شريحه الجوال اسمها موبايل لاين الي هو خط جوال . شركه تي موبيل هي الاكثر شعبيه واعتقد عندهم عرض 50 دولار في الشهر .
و البنك اسألهم او قلهم بس بنك اوف امريكا و بيوجهونك لاقرب واحد لو بالاشاره .
اذا دخلت البنك قلهم نيو اكونت الي هو حساب جديد و خذ معك الجواز و الاي تونتي و عنوان السكن .
كل هذولي و غيرهم حاول معهم باي كلمه مفهومه و بالاشاره و يفهمون عليك ان شاء الله . و اذا مره مره ما فهمت شي اطلب مترجم الاتصالات و البنك كلهم يوفرونها .
رد: والله إن ضايع تكفون احد يردد عليه
اول شي نورت فلوريدا بوجودك
ثاني شي انا بصراحه ماني فاهم عليك ..
يعني تبا تطلع شريحة جوال ..
لو عندك آيفون روح للخرايط و اكتب t-mobile
هذي الشركة طيبه و ماهي بطاله و رخيصة نوعا ما .. و تقدر تفك العقد متى ما حبيت
لازم تاخذ معاك الجواز و الآيتوني عشان الشريحه
و البنك نفس شي
اكتب في الخرائط bank of america ...
و روح هناك و افتح حساب .. بس واضح انه ما عندي لغة فـ انا انصح انك تستخدم مترجم قوقل .. و انا لو اني في فورت كان اخذتك .. على العموم الله يعينك
و حاول انك تقولهم arabic speaker احيانا تلاقي في كل فرع متحدثين بالعربي ..
رد: والله إن ضايع تكفون احد يردد عليه
السلام عليكم .. اخوي اسمح لي بكون صريح معك شوي
لا تصير اتكالي في كل خطوه ترا ((تسأل الناس))هذي ابدا ماهي زينه لشخصيتك
اذا شفت نفسك مزنوق استعمل مترجم ,, اكتب الكلام بالعربي .. وخله يقرا الترجمه
اساساً لو قلت bank فهمو عليك ..
الان انت لازم تحاول تعتمد ع نفسك .. وهذا افضل لمستقبلك
بالتوفيق
رد: والله إن ضايع تكفون احد يردد عليه
يا هلا وغلا
بالنسبه لشريحة الجوال اسأل الناس وين محل تي موبايل
اذا رحت لمحل الجوالات حتى لو كان كشك صغير قلهم ( I need speak arabic)
بيجيبون لك مترجم لو بالتلفون .. و بالنسبه للبنك روح لبنك اوف امريكا اول موظف تقابله
قوله ( I need speak arabic) و بيجيبون لك مترجم .. و لا تخاف صدقني هذي بدايات
بعدين اذا استقريت و حسيت بالراحه .. الامور بتصير سهالات ان شاء الله
و لاتنسى تاخذ الايتوني و الجواز معك اذا رحت تطلع شريحه او تفتح حساب
حتى اذا رحت للمعهد خذ معك الايتوني و الجواز
اكيد بتحس انك تايهه وضايع وتبي من يساعدك و يضبطك
لكن صدقني عادي جدا هذي البدايات بعدين كل شي بيصير تمام
و لاتنسى تطمنا عنك
والله يوفقك و ييسر لك امورك
رد: والله إن ضايع تكفون احد يردد عليه
مشكوين الجميع بس والله اشعر بالوحد وعيوني تدمع شتاقت حق اهلي
مع اني توني جاي
تكفون ادعوي لي بالثبات تكفون
وبكره اول يوم دوام في المدرسه تكفون ادعوي لي بالثبات
رد: والله إن ضايع تكفون احد يردد عليه
اقولك شي وخذها مني
روح المعهد وبتلقا ١٠ الاف سعودي غيرك وكلهم فيهم الخير وبيساعدونك
بالنسبه لبنك اوف امريكا غالبا هم يجون للمعهد بعد كل بدايه سمستر ومعاهم الابكليشنات حقت فتح الحساب كل اللي عليك بعدين تروح وتستلم البطاقه
الشغله سهالات
رد: والله إن ضايع تكفون احد يردد عليه
تقريبا نفس احساسك الاسبوع إلا فات احس نفسي في كوكب اخر كل شي جديد مختلف
قربت اتهور واتكلم لغة الإشارة طول الوقت
استهدي بالله واتذكر كم كلمة وركبها على بعض وراح تصير جملة وبكده تقدر تتواصل معاهم
الله يوفقك
رد: والله إن ضايع تكفون احد يردد عليه
والله في كتاب ممتااااااااااز للمبتدئين
وبالصور ...
غصب تتعلم وغصب تفهم
مقسم تقسيم حلو ...
يقولك في المكتبة ايش تقول
في المطعم ايش تقول
في البنك ايش تقول
في المستشفى ايش تقول
شي روعه والله
هذي صورة الكتاب من برة
روح لاقرب مكتبة واشتريه وادعيلي كل ماتذكرتني
http://www.7emait.com/images/product...0/1fe248c8.jpg
انزل الان وابحث عن اقرب مكتبة ... واشتري الكتاب ترى مفييييييييييد فوق ماتتخيل
قولهم وير از ذا نيرست بوك ستور بليز ؟؟
where is the nearest bookstore please ??
وبيدلوك على اقرب مكتبه ..
اذا رحت المكتبة قولهم ... كان اي فايد اكسفورد بيكتشر ديكشنري (انقليش تو ارابيك)
can I find oxford picture dictionary english arabic ??
وبيعطوك ....
والله ماكتبت الرد بالعربي تقليلاً منك او من شانك لا والله
بس عشان اسهل عليك الامور وانا عارف قديش صعبة عليك الان ...
موفق حبيبي
رد: والله إن ضايع تكفون احد يردد عليه
السلام عليكم
اخوي وضعك طبيعي ..كلنا لما وصلنا حسينا نفسنا تايهين ونبغى الي يساعدنا وخايفين من الدراسه وكل شي...لا تخاف ولاتشيل هم البنك والجوال امور بسيطه اسال اي واحد عن البنك وبيقولون لك وترى في مترجمين حتى شركة التامين الصحي فيه خيار التحدث بالعربي يعني لاتشيل هم....
الامور في البدايه توترك بس بعدين راح ترتاح وتنبسط ...الله يوفقك ويسعد قلبك ....اللهم امين