محارم غير متواجدين والصرف مستمر.. وطلاب يوقف عنهم الصرف في بلد الغربة ..شيء غريب !!!

الــحمــد لله

بصراحــة يالغالــي كل الفكرة إننا نبغا الخير لبناتنا وأخواتنا في الخارج ونبغا الحاجة اللي تجنبهم المشاكــل والتعرضات ،

ممكن إن البعض بل الكثير يستغرب من طريقة كلامنا في كون البعض وأنا والعياذ بالله من كلمة أنا منهم نقول بإن الحجاب في الخارج يفضل إنه يكون حجاب كامل مع كشف الوجه فقط وتجنب اللون الأسود ، والسبب للأمانة متعودين نشوف التعرضات اللي بتحصل للبنات داخل البلد فمن باب أولى التعرضات الخارجية راح تكون أكبر من ناحية كون الحجاب الكامل واللون الأسود غريب أو بالأصح نادر الرؤية في كثير من الولايات ،


إذا البنت راحت للمدينة اللي بتدرس فيها وشافت إن الموضوع ماشي تمام تكمل على الحجاب المتوافق عليه الشرع والدين ،

وإذا شافت إنه حصلها مضايقات كثيرة وممكن تزيد فوقتها البنت معذورة واتشوف الأمر أو الحجاب اللي يجنبها من المشاكل ،

هذا اللي حبيت أوصلــه : ) ،

للأمانة والله كل بناتنا وأخواتنا هم أعراضنا وأغلى وأثمن مانملك ، ومانبغالهم الا كل خــيــر ،

الله يحفظكم من كل شر ومكروه ،،،

يالغالي ماأختلف معاك في الفكرة اللي حابب توصلهــا ،

بس لو جينا ندقق فيه أمور كثيرة بتصير في الخارج ومن المفترض إنها ماتحصل اعتمادا على النظام كما ذكرت ، وعلى سبيل المثال:


- الاقتباس الأول من وزارة التعليم العالي :

إذا من المفترض وعلى حسب النظام كما مذكور فالتأجيل لا يمكن ! ، ومع ذلك ناس كثيرين بيأجلو لأسباب وظروف خاصــة ،
طبعا مهما قلنا ومهما أوجدنا يفضل النظام " نظام" ! .



- الاقتباس الثاني وأيضا من وزارة التعليم العالي :

طبعا على حسب النظام " لا يمكن تغيير الجامعة أو المعهد أو الدولة ، إلا في حالة الضرورة القصوى ويرفق أيضا خطاب يوضح فيه الأسباب ويعرض على اللجنة وبعدين اللجنة تقرر يا نعم أو لأ ! ،

لكن اللي حاصل على العكس وعلى النقيض تماما ومافي أي أحد يقدر ينكر هذا الشي!!

بعض الناس درسو في أكثر من معهد ومعهدين !!! ؟؟ وبدون أسباب مقنعة على الأقل !

فأي نظام نتحدث عنه ؟


- الاقتباس الثالث من وزارة التعليم العالي :



طبعا السؤال والجواب واضحين وضوح الشمس والقمر ومع ذلك بعض الطلبة بيشتغلو أشغال خفيفة على أساس المكافأة ماكفتهم أو إنهم حابين يزيدوا الدخل لمصلحتهم الخاصـة ، فأين النظام عنهم وأين هم عن النظام ؟؟




- الاقتباس الرابع والأخير فيما يختص المرافق واللي طرح الموضوع من أجله من الأساس :





طبعا النظام واضح تماما بدون محرم " مرافق " إذا سوف تمنع المخصصات المالية وتلغى البعثة ! ،

وفيه بعض الطالبات حصل معاهم هذا الشي والبعض الآخر " في المنطقة الآمنة " ، فأين النظام عن الطالبات الأخريات اللي بدون مرافقين ؟؟ ،


========================================


للأمانة لو حنمشي على النظام بحذافيرة ثلاثة أرباع المبتعثين راح يرجعون !! ،

ولو حنجلس لبعض الطالبات عشان المقابل المالي الفائض اللي بتحصل عليه فراح نجلس نناقش في دائرة مفرغة !!

ومن وجهة نظري الشخصية أحيانا تكون أمور غلط وتحايل على النظام كما ذكرت لكن تكون في صالح " الطالبة والطالب "
فما أشوف المانع إذا كان الخطأ يصب في مصلحة الطلبة بمقابل إنه مايضر بالغير ^_^ والا ايش رايك ؟؟

يعني على سبيل المثال أحيانا في الحياة اليومية يضطر الإنسان إنه يكذب لكن للمصلحة وخصوصا في مواضيع المشاكل والأصحاب ،

مع إن الكذب معروف عنه " حرام " وعلامة من علامات النفاق ، لكن إذا كان الكذب في حالة الصلح أو الفائدة فهو جائز " "

إذا من باب أولى إذا كان التطاول على بعض فقرات النظام من بعض الطلبة يصب في صالح الطلبة بدون أن يضر الوزارة أو الطلبة الآخرين فما المانع ؟؟


عموما الله يرزقهم ويرزقنا الرزق الطيب الحلال المبارك ، ويطرح البركة في أرزاقنا وأرزاق الجميع يـــاربــــ ...

معليش طولت شويتين D:

دمت بود ^/^

هذا المال العام .... نعم حقي وحق غيري
لا للمحتالين لا للمتعيشين من الابتعاث >>>>>>>>>>>>> إن شاء الله عنوان الحملة الجديدة

تحياتي ,,,

بسم الله

لا للمحتالين لا للمتعيشين من الابتعاث

ما غريب إلا الشيطان ... تم الرد وإن شاءالله نرد على الجميع

تحياتي ,,,

ولله العظيم مايرتاح لي بال اخذ فلوس (استحقها فقط في دولة الابتعاث) وانا جالس في بلدي مهما كانت ضروفي لو كنت محرم
ولا يرتاح لي بال كطالبه اخذا فلوس المحرح اتعيش فيها ومحرمها مو في البلد

( لو تم تبليغ الملحقيه واستمر الصرف فحلال عليك لكن المحرم يسافر كاللصوص لبلده عشان ماتنقطع المكافئة فهذا عاااار)

صحيح ان المكافئت الي بتصرف لك نقطه من بحر مقارنه بالاموال المهدره والمسروقة بطرق اخرى بس الواحد عليه من نفسه ولا عليه من غيره

هههههههه ايه والله صادق في هذه.. المواصلات العامة تعبانة في أمريكا
الله يعين و يكتب فيه الخير
بالتوفيق

عالم فاضية طالبو برفع المخصصات اذا فيكم خير انت وهو ولا شغالين مباحث علي خلق الله حجاب و محرم الغلط مو عليكم علي الي جاب هالعقول هنا
ثاني شي للمعلومية فقط الملحقية تستغبي في كل شي الا الفلوس اذا جيت تتطالب بتعويض يطلعون عينك ايصال دفع صورة من الشيك واستني لما نتاكد من الجامعه والخ و في الاخير ما تتطول شي
الخلاصة اتحدي ابن امه يقل ان المحرم بعد ماينزل السعودية تستمر مكافاته للمعلومية عشان ترتاحون المحرم اذا كان جاي بفيزة سياحية المكافاة حقته اوتوماتيكا تتوقف من الملحقية بعد ٣ او ٤ اشهر و مايرجعون ينزلونها الي لما يرسل صورة الدخول و مااتوقع في احد فاضي بيجي امريكا و ينزل و يتكلف حق تذاكر الطيران و الخ عشان ٣٠٠٠ ريال

كبر عقلك انت وهو جيتو امريكا و تعلمتو كل شي الا عدم التدخل في شؤن الاخرين الي الامريكان متفوقين فيها

كلام سليم 100%
انا وقفو عني الصرف بدون سبب والبنت تستلم راتبين
ومحرمها ما يدري عنها
عموما الملحقيه تدري عن المحارم انهم منحاشين بس ما تهتم للموضوع
والله قهر ملحقيه فاشله بمعنى الكلمه
لاكن اي شئ بين بنت ولد تميل الكفه للبنت في السعوديه فقط
في السعوديه عندنا الهيئة تمسك بنت و ولد
البنت تطلع منها مثل الشعرة من العجين والولد ياكلها
لا نستغرب اذا كانت هذي الثقافه موجودة في ملحقيتنا
وحتى اللي اشوفه اذا البنت جايه على حسابها وراحت الملحقيه يمشون امورها في دقيقتين
والولد مواعيد وانتظر باختصار مو فاضين لك
في الملحقيه الولد روح قصر شعرك بعدين تعال
البنت جنز ومكياج وحتى بدون حجاب عادي والموظف يمشيها