حوار ابغى افضل واحسن كتاب لاختبار الآيلتس....وافضل موقع لجتياز الاختبار في 3 شهور

اهلا شوفي كتاب Cambridge IELTS 7 Self-study Pack (Student's Book with Answers and Audio CDs (2)): Examination Papers from University of Cambridge ESOL Examinations
هذا تبع جامعة كامبرج مجمعة كتب من 1 حتى 8 مع السي دي . في الامان تشتريها او تحمليها من بعض المواقع مع المقاطع الصوتيه لانها مهمه في الاستماع

مشكوور استاذ..............بس ياليت تقوللي من فين اشتريه اي مكتبه بالسعودية............لأنو افضل اشتري عن التحميل ووجع الراس

جرير عنده كل شي مختص بالايتلس والتوفل

يالغلا الدعوه مو باجتيازه الدعوه هل فكرت بالمرحله الجامعيه هل انت جاهز لها ؟ تحياتي

لا توجعي قلبك بالكتب ولا غيره اذا تبي النصيحة انتي بنفسك اشتغلي على نفسك . لانه احس انه هذه الكتب ماهي الا سواليف .

فيه كتب انا استخدمها شخصيا و برامج ايفون و كلها ما تكلف شي حتي تساعدك كثير و تطور لك الكتابة و الكلمات و غيره .

1 - English grammar in use :
افضل كتاب عرفته لقواعد اللغة الانجليزية، القاعدة المشروحة في كتاب المدرسة في 600 صفحة و بربرة و كلام كثير، في هذا الكتاب مختصرة في صفحة و الصفحة الثانية تمارين و نهاية الكتاب تحصلي الحلول.

2 - Exford pictures dictionary :
صورة الشي مع اسمه بالعربي و الانجليزي , الافضل من وجهت نظري لانه ماخلا شي بالحياة الا و حطة بالصور.

3 - اما الاستماع : للاسف ماعندي كتاب معين لكن انا ما اسمع لبربرة المدرس لكن اسمه للهجتة علشان اكسب اللكنة الانجليزية ( Cailfornian accent )

استاذ انا ابغى اجتازه عشان لما اروح امريكا اركز على اللغه وعلى كل شي وعلى الاستعداد للمرحله الجامعيه بكل مافيها........دون القلق والتركيز بأي هموم اختبارات او قبول

مشكور على مرورك

مشكووور استاذ......

السؤال هنا ؟؟؟ هل الكتب هي يبيعوها المكاتب السعودييه ؟؟؟؟؟؟؟ او بس في امريكا ؟؟؟

لازم تكون من هنا لساتنا ماسافرنا


تسلم ...

جوووك يابو اللهجات ^ـ^

^^^^^^^^^^^^^

اختي .. اذا تبي كلامي خذية او ارمية بالبحر.
و الله و الذي نفسي بيده اختبار الايلتس مو صعب ولا هو سهل ، بالعكس فيه ناس ماعندهم سالفة اصلا و اخذوا 4 و 5.5 في الاختبار !! وهذا شي ممتاز جدا .
من تجربتي :
معي واحد للاسف وصل لمستوى 112 و نجح بعد ! ، كان جالس جنبي في الاختبار و ازعجني كل شوي يطالع و يحرك راسة و يده و مدري ايش خلاني افقد تركيزي بالتالي بس خلص الاختبار تبع الاستماع رحت تشاكلت معاه، حتي البرازيلية الي كانت جبنة جات جنبي و صرت انا بينهم و متعلق . فوالله انه ما يعرف يفرق بين have, has and had او حتي مخارج الكلمات و الحروف كلها غلط، و اتذكر في اختبار 110 ( الكتابة ) احنا خلصنا و سلمنا الاوراق و هو باقي يكتب في المقدمة .. بإختصار شديد الولد ماعنده سالفه لا انجليزي ولا غيره .
فهو دخل الامتحان و جاب 4 او 4.5 و هذا كثير عليه لانه جلس بالمعهد المعفن هذا 14 شهر او 16 شهر . و الله اراد انه يزعجني بالاختبار النهائي و ينقل مني و بالتالي الله اكرمة و للاسف نجح.

فكلام المنتديات كله كلام فاضي و بالاخص العربية منها لانه كله كلام قاعدته هي " سمعت " او " لي ولد عم جدتي قال لي " او او يعني كلام ما ينوثق فيه اصلا .
توكلي على الله و سجلي للاختبار و ادخلي و جربي :

http://www.ielts.org//test_centre_search/search_results.aspx?TestCentreSearchSubRegion=30a8 9fa0-abf7-46da-b59d-86978688eb54

من الصفحة هذه ادخلي و حددي المدينة ، بعدها يطلع لك العنوان ، تحت العنوان تحصلي More information اضغطي عليها راح يطلع لك جدول مالك صلاح فيه . على العموم انا حصلت ان السعودية مو ممكن تعملي لها طلب للاختبار عن طريق الموقع لكن فيه رقم فوق اتصلي عليه و شوفي ايش يقولوا لك.