الأعضاء الإشتراك و التسجيل

الملتقيات
ADs

والله من جيت لاحد يومكم وعيوني ماوقفت افكره ارجع السعوديه

والله من جيت لاحد يومكم وعيوني ماوقفت افكره ارجع السعوديه


NOTICE

تنبيه: هذا الموضوع قديم. تم طرحه قبل 2133 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة F.c
    يااااااخي ترا غيرك يتمناها .. احمد ربك
    بعدين الغربه تراك مارحت بنقلادش
    رايح امريكاااااااااا
    على الاقل لو سياحه وتغير جو
    صدقت وربي والله درست شهرين فيها كاني في السعوديه والحين في الصين كاني في كوكب ثاني بس الحمد لله
    7 "
  2. السلام عليكم
    اخوي الله يحفظك هذا شعور طبيعي جدا جدا ...بس اصبر شوي وبتمر هالفتره وبتبداء تتعود على الوضع.
    غير كذا ترى في المعهد انت مش بس الي تحس نفسك وحيد ترى اكيد الي معك عندهم نفس هالشعور وكل واحد يحس انه الاسواء في اللغه والي معاه افضل منه ...شي طبيعي مره لا تقعد متضايق وحزين ...والبعد عن الاهل بعد فتره بتتعود وبيصير بالك مشغول باللغه وكيف تتقنها صح وبالجامعه ...بس انت اعطي نفسك فرصه .واذا ما عندك اصحاب شوف الي في المعهد ادخل في الناس سولف وكون علاقات لا تنتظر احد يجي عندك انت حاول تدور لك ناس محترمين واقعد معهم واذا اجانب بعد يكون افضل علشان تتعلم لغه بسرعه...

    توكل على الله واصبر على نفسك انت جاي تبغى شهاده باذن الله بتاخذها وبترجع بلدك مبسوط ....لا تستعجل كل شي في البدايه صعب.
    7 "
  3. الي مايمر بنفس مرحلتك اول مايجي يعتبر مريض
    لانها حاله طبيييعيه
    لي سته شهور وللحين الحاله تروح وتجي بس تعودت عليها
    ابكي الين تشبع عادي لاتستنكر شعورك طبيعي فراق الاهل والاحبه والعادات والارض شي يخليك تحس انك منت انت لانك اول مره تسافر عشان امر جدي مهو فان ولاسياحه
    واذا على اللغه كلنا حسنا مثلك بس كل يوم تكتشف نفسك وتقول واو انا بطل انا وصلت
    بالتوفيق
    7 "
  4. بسيطة جداً

    احجز على اقرب رحلة للسعودية وارجع
    اذا ما انت قد العلم وتشوف نفسك ماراح تقدر تدرس ارجع
    على الاقل يمكن يجي احد مكانك يستحق هالمكان


    ياحبيبي كلنا اول ماجينا مانعرف شئ ومبتلشين بس ماشكينا مثل كذا
    هذي الحياة يالغالي حوس ودوس فيها وتمشي معك ان شاء الله
    وصدقني هالمرمطة هي اللي بتعلمك اللغه صح وبتذكر كلامي اذا استمريت

    بالتوفيق ان شاء الله
    7 "
  5. أفا عليك لاتخلي الناس هناك كل يشقى بك شد حيلك وتعوذ من الشيطان وحدث نفسك إن هذا شي طبيعي خاصة حنا يالسعوديين عاطفيين لأننا من عوائل متراحمة ماهو عيب إبك وطلع دموعك بس لاترجع إنت ذكرتن بواحد من الزملاء زمان من قديم جينا لأمريكا ويبكي ليل نهار وهكاالوقت لاتلفونات ولايحزنون إما اليوم تشوف أهلك متى ماتبي سكايب وغيره ...المهم الرجال عقل ومع المدة وقف البكاء بالنهاية صار مايزور أهله كل سنة ويوم تخرج يالله طلع من أمريكا بالمنقاش...إنتبه تخرب مستقبلك وتطيع عواطفك ياخوي إنت تتعلم لغة جديدة حرام عليك إرفق على نفسك كثر خيرك إنك تبي تدرس بلغة غير لغتك وخذ الأمور ببساطة بس لاتهمل شد حيلك والوعد بعد سنتين والله إني خايف إنك تلغي الزيارة السنوية مثل رفيقنا زمان
    ترى أتا بسن أبوك الآن ومرت علينا كل هالأمور والله لو إن هالبعثة عند ياباني أو صيني أو حتى عربي تعتقد يتركه إنتم بخير ونعمة إحمدوا الله الدولة تصرف عليكم وغيركم يدرس على حسابه....شد حيلك وتعوذ من الشيطان وإذا ضاق صدرك لاتجلس لحالك إركض وتمش وشف زملاءك وموفق إن شاءالله
    7 "
2 من 4 صفحة 2 من 4 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.