الأعضاء الإشتراك و التسجيل

الملتقيات
ADs

مين قال المكافئة ماتكفي

مين قال المكافئة ماتكفي


NOTICE

تنبيه: هذا الموضوع قديم. تم طرحه قبل 4430 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية al_faisal
    al_faisal

    مبتعث مجتهد Senior Member

    al_faisal الولايات المتحدة الأمريكية

    al_faisal , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى economics , بجامعة depaul university
    • depaul university
    • economics
    • ذكر
    • chicago, illinois
    • السعودية
    • Mar 2011
    المزيدl

    February 11th, 2012, 08:25 AM

    مين قال المكافئة ماتكفي
    انا الحين لي سنة وثلاث شهور في امريكا بالتحديد في شيكاقو اول 6 شهور منها كنت ادرس على حسابي الخاص وكنت اشوف الناس تقول المكافئة ماتكفي بس اول ماانضميت للبعثة شفت العكس.المكافئة تكفي والحمدلله لك يارب.وذولا الناس اللي يقولون المكافئة ماتكفي مدري وين يودون فلوسهم ابي اعرف وش يسوون فيها.تصدقون انا ساكن على اربع شوارع وقدامي بحيرة ووراي نهر شقتي تتكون من 4 غرف ومن الفسقة انا واختي ساكنين في غرفتين ومخلين غرفتين فاضية. لاوغير التلفزيون ال60بوصة ونت اسرع شي وكل واحد لاب توب ماك .بالعربي دلع بس ذولا الناس اللي يقولون ماتكفي ذولا مدري وش قصتهم. لا ويبقى من المكافئة كل نهاية شهر 600 دولار اخلي 300 دولار في حساب توفير واحول لصديقي باليابان 300 دولار قلت اساعده بما انه يبقى كثير من المكافئة.الحمدلله لك يارب مرتاحين
    لحظه لحظه
    ترا ذا حلم توني صحيت منه
    وحنا بنص الشهر وبيدي خبزة يابسة مخزنها من الشهر اللي فات هو صح عليها عفن شوي من فوق بس كشطته وراح الحمدلله .اغمسها بشوي موية دافية مع قشر ليمونه عشان احس بنكهه.بس مدري في حموظة شوي هل هي من العفن ولا من قشر الليمون.على العموم خلوكم من الخبزه وقولو ماشاء الله لاحد يصكني بعين عارف فيه مبتعثين مو ملاقين ذي الخبزة واللي وده بنص من الشابورة اللي معي يرسلي رساله. لحظه هي شابورة ولا خبزة .معليش من قساوتها
    حسبتها شابورة.المهم فيه ناس يقولون الراتب يكفي والحمدلله ويقولن لو تدير امورك المالية تمام بتوفر طبعا انا ما احاسبهم انا احاسب الملحقية. طيب خلونا نجلس جلسة حساب انا طبعا بعد ما اطلع الايجار ومصاريف اخرى يبقى حوالي 300 وشوي دولار تختلف من شهر لشهر وحسب فيه كتب ولامافية كتب ولافيه اختبارات حقت اللغة اللي تخلي الميزانية تنضرب.لو حسبناها كل يوم يعني مفروض اصرف 10 دولار للغداء والفطور والعشاء طيب خل نقول انا طلعت حق المقاضي حق البيت من اول يعني بنقول اني بفطر بالبيت والغداء عادي اتحمل اتغدى اذا رجعت او اطبخ من الليل واخذ اكلي معاي والعشاء مو لازم النوم خفافي حلو. على كذا بنكون وفرنا 50 دولار اسبوعيا .بس لو يوم جعت واضطريت تأكل برا عليك العوض. نروح لمحور ثاني اننا نقارن نفسنا بالامارات عدد المبتعثين السعوديين كبير جدا لايقارن بعدد المبتعثين الامارتيين وصعب نوصل لمكافئة الامارتيين.بس حنا خلونا نقول نبغى زيادة طبيعية مو فلكية.يعني الى 2200 او 2300 راح يكون الراتب مناسب.
    صراحة اتمنى ان الملحقية تسوي دراسة جديدة عن الاسعار والاشياء الثانية مثلا امس حسبتها مبلغ الكتب اللي يعطوننا اياه يعني لو نقول اننا جمعناه كل شهر وخليناه على جمب الى بداية الترم القادم. مايجيب الا كتاب واحد لا وغلافة مشقوق بعد. نقول ان شاء الله الملحقية او وزارة التعليم العالي تنظر بموضوعنا .ونشوف تغيررات
    والله يوفق الجميع يارب
    وان شاء الله نسمع بزيادة تسر الخاطر
    وصلى الله على نبينا محمد
  2. والله اول ماقريت بدايت الموضوع ارتفع ضغطي وبعد ماكملته عرفت انك صادق
    اخوي بطلبك طلب بسيط لاتقول الامارتيين والقطريين اقل عدد
    تكفى هذا عذر يلعبون به على الناس اللي مالهم في الشغلات الاقتصاديه
    ولله ياعندنا ميزانيات قويه وتكفي انهم يعطون كل مبتعث رتب 5000 دولار غير السكن وغير كل شي
    بس حنا نبي يرفعون للمرافقين ويرفعون للمبتعث الاساسي
    واللي عنده اطفال يفكرون مليون مره قبل مايصرفون هال 270 دولار هالمشحوذه
    تحياتي
    7 "
  3. تم استخدام جميع الطرق العلمية والاقتصادية في وسائل الإعلام من أجل إيضاح حقيقة الوضع لصناع القرار ، وأن المكافأة لا تكفي مع التضخم وزيادة الأسعار.
    لكن للأسف ، كل هذه الأشياء لم تأتي بحلول مثمرة.
    الحل الأكيد هو الإيعاز إلى الشاعر خلف بن هذال لكي يذكر حال مبتعثي أمريكا في إحدى قصائده ، مع ضرورة إيراد كلمة "تكفى" في كل بيت شعري ، وأبشروا بالزيادة بعدها.
    7 "
  4. اعتقد والعلم عند الله ان كان فيه زيادة قادمة للمكآفات فسوف تكون زيادة في مخصصات ابناء المبتعثين فقط . لان المعاناة الاكبر من تدني المكافآة من قبل العوائل فمثلاً عائلة مكونة من اب وام وثلاثة اطفال وكل طفل يحتاج لحضانة لاتقل عن 500 دولار للطفل الواحد !! هذي 1500 شهريا راحت للحضانة ماذا بقي ؟؟
    7 "
  5. المشاركة الأصلية كتبت بواسطة رصيف الشمس
    تم استخدام جميع الطرق العلمية والاقتصادية في وسائل الإعلام من أجل إيضاح حقيقة الوضع لصناع القرار ، وأن المكافأة لا تكفي مع التضخم وزيادة الأسعار.
    لكن للأسف ، كل هذه الأشياء لم تأتي بحلول مثمرة.
    الحل الأكيد هو الإيعاز إلى الشاعر خلف بن هذال لكي يذكر حال مبتعثي أمريكا في إحدى قصائده ، مع ضرورة إيراد كلمة "تكفى" في كل بيت شعري ، وأبشروا بالزيادة بعدها.
    يارجل لو نجلس قدام مسجد ونقول any change محد عبرنا

    المشاركة الأصلية كتبت بواسطة موظف جديد
    والله اول ماقريت بدايت الموضوع ارتفع ضغطي وبعد ماكملته عرفت انك صادق
    اخوي بطلبك طلب بسيط لاتقول الامارتيين والقطريين اقل عدد
    تكفى هذا عذر يلعبون به على الناس اللي مالهم في الشغلات الاقتصاديه
    ولله ياعندنا ميزانيات قويه وتكفي انهم يعطون كل مبتعث رتب 5000 دولار غير السكن وغير كل شي
    بس حنا نبي يرفعون للمرافقين ويرفعون للمبتعث الاساسي
    واللي عنده اطفال يفكرون مليون مره قبل مايصرفون هال 270 دولار هالمشحوذه
    تحياتي
    كلنا عارفين ان ميزانية السعودية فلكية وقوية جدا بس قلت خل نخلي عددهم عذر (عشان نبقى ساكتين)
    والله انا ما احزن الا على اللي عندهم اطفال والله شي مو طبيعي يعني ٢٥٠ دولار وش بتسوي اذا سعر الدي كير ١٠٠٠ ولا ٨٠٠ وزيادة
    ما نقول الا الله ييسر ان شاء الله
    7 "
  6. المشاركة الأصلية كتبت بواسطة luv10
    اعتقد والعلم عند الله ان كان فيه زيادة قادمة للمكآفات فسوف تكون زيادة في مخصصات ابناء المبتعثين فقط . لان المعاناة الاكبر من تدني المكافآة من قبل العوائل فمثلاً عائلة مكونة من اب وام وثلاثة اطفال وكل طفل يحتاج لحضانة لاتقل عن 500 دولار للطفل الواحد !! هذي 1500 شهريا راحت للحضانة ماذا بقي ؟؟
    اضن اعتقادك خاطئ لانهم قالو عن ذي الزيادة بس لحد الحين محد شافها.
    بس ان شاء الله يشوفونها اللي عندهم اطفال قبل لايتخرجون.
    7 "
  7. المشاركة الأصلية كتبت بواسطة رصيف الشمس
    كان هناك قرار ملكي بزيادة مكافأة المرافقين ٥٠٪ ، وتم صرفها لمدة شهرين ، وبعدها امتنعوا عن الصرف!!!!!
    سبب الامتناع: هو سكوت المبتعثين عن المطالبة بحقوقهم وأخذها بالقوة من الحرامية.
    هو ياكثر القرارت اللي اعلنت بس ماتنفذت.
    بعدين اسمك بدأ يخوفني بما انه فيه شمس. هل ذا الرصيف قبل الشمس ولا وراها؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.