4 مرفق
شرح طريقة التسجيل في اختبار الايلتس
شرح طريقة التسجيل في اختبار الايلتس IELTS REGISTRATION
بعد السلام عليكم و رحمة الله و بركاته
الحقيقة لاحظت عدد من الاخوان يتسائلون عن طريقة التسجيل لامتحان الايلتس .. و حبيت أعطي فكرة سريعة عن طريقة التسجيل
و اعذروا طريقة الشرح لاني اخاطب فيها اخونا طموحي هندسة طيران .. و اكيد الموضوع ليس حكراً عليه بل هو للجميع
ادخل على هالموقع https://ieltsregistration.org/ielts-...line/home.html
أول خيار نوع الاختبار Module و تختار انت Academic
ثاني خيار الدولة أو المنطقة Country or Region و تختار انت United States of America << تلقاها في اخر القائمة
ثالث خيار المدينة City و تختار المدينة الي ودك تختبر فيها << لو مالقيت مدينتك حاول تحصل اقرب مدينة لك .. كل مدينة مكتوبة بعدها رمز الولاية الي تتبع لها المدينة و بكذا تقدر تطلع المدينة الي تبيها بسرعة
رابع خيار تاريخ الإختبار المتاح Available Test Date تختار من هنا تاريخ الاختبار متى ودك يكون << لا تستغرب اذا كانت المواعيد مرة بعيدة ترى بعض الاحيان يكون اقرب اختبار فيها بعد 3 شهور عشان زحمة الطلاب في المنطقة
خامس خيار نوع الإختبار المتاح Available Test Format أعتقد ما فيه الا الاختبار الورقي دايما .. عموما حتى لو فيه غيره لا تختار الا Paper Based الي هو الورقي
اضغط Search
الصفحة الجديدة عنوانها نتيجة البحث Search Results بيجيك جدول فوقه مكتوب الخيارات الي اخترتها قبل و على اليسار فيه اسم المركز الي راح تختبر فيه و على اليمين مكتوب تسجيل Register اضغط عليه ياحلو
الحين جاك جدول كبير شوي و فيه التفاصيل التالية: اسم المركز Ceneter Name - رقم المركز Center ID - عنوان المركز Center Address - اسم الشخص المسؤول Contact Details - رقم تلفون المركز Center Telephone Number - ايميل المركز Center Email - الموقع الالكتروني للمركز Center Website - خيارات الدفع رسوم الاختبار المتاحة في المركز Center Payment Options
هذي تفاصيل حبيت ابينها لك عشان تكون على بينة .. ما علينا اضغط على Apply Online
تجيك صفحة بعنوان تفاصيل التقديم Application Details
الصفحة هذي فضلت ابينها لك بالصور .. تابع معااي لاهنت
ملف مرفق 19093
ملف مرفق 19094
ملف مرفق 19095
ملف مرفق 19096
و الحين تجيك صفحة اضافة تفاصيل المنظمات المهتمة بدرجتك Add Recognising Orgnization Details
الي المفروض تحط فيها اسماء الجامعات الي ودك ان مركز اللغة يرسلهم درجتك مباشرة بعد ما تطلع
عموما تقدر تطنش هالصفحة لانه حتى لو كان ودك ترسل درجتك و ما عبيت هالصفحة .. تقدر تسويها بانك ترسل عليهم ايميل طلب بارسال النتيجة بس اكتب لهم بياناتك الشخصية – اسمك و رقم جوازك - و تاريخ الاختبار الي اختبرته و عنوان الجامعة الي تبي ترسلها الدرجة << خلك دقيق و حريص في عنوان الجامعة
انزل في الاخير و اضغط على Next
الحين تفاصيل التقديم Application Details << لمراجعة البيانات
هذي التفاصيل الي دخلتها قبل لو حملت صورتك أوول بعد تعبية الاستمارة .. بتشوفها الحين على اليمين
نصيحة راجعها كلها بدقة تامة .. خصوصا اسمك و بريدك الالكتروني و عنوانك و رقم الجواز
اذا شغلك تمام اضغط على Next
الحين يجيك الاقرار Declaration
انزل على طول في اخر الصفحة و حط صح على المربع الصغير الموجود
بمجرد انك تضغط على المربع .. تطلع لك قائمة جديدة تحتها فيها انواع الدفع .. عاد اختار منها الي يناسبك
و في الاخير اضغط على تسليم الاستمارة Submit Your Application
بمجرد الضغط على الزر يتم تسليم الاستمارة و تجيك رسالة على ايميلك .. فيها بياناتك و بيانات الاختبار و المركز الي بتختبر فيه
ملاحظة .. في حالة عدم ارفاقك للصورة مع الاستمارة .. يجب عليك الرد على الرسالة الي وصلتك في ايميلك بس اضغط على رد او Reply و ترفق لهم صورتين لك – من الصور الي شرحناها قبل - و صورة من الجواز و استمارة تفويض للمركز لخصم مبلغ الاختبار من بطاقتك الفيزا
أتمنى ماكون نسيت شئ
كل امنياتي لكم بدوام التوفيق و لاتنسوني من خالص الدعاء في ظهر الغيب
رد: شرح طريقة التسجيل في اختبار الايلتس
اعذروني ياجماعة الخير الصور طلعت معي صغيرة .. اضغطو على الصورة تكبر شوي
الي يقدر يكبرها اكثر .. يفزع لنا و يتجمل :D:D
رد: شرح طريقة التسجيل في اختبار الايلتس
يديك العافيه انا مستغرب اللي يبي يختبر ايتلس وهو حتى مو عارف وش معنى الكلمات بموقع الايتلس ولا هو عارف يسجل لضعف اللغه
رد: شرح طريقة التسجيل في اختبار الايلتس
اقتباس:
المشاركة الأصلية كتبت بواسطة NORTHy
يديك العافيه انا مستغرب اللي يبي يختبر ايتلس وهو حتى مو عارف وش معنى الكلمات بموقع الايتلس ولا هو عارف يسجل لضعف اللغه
يعطيك العافية على المرور
بس انا حبيت اكتب الموضوع بطريقة واضحة جدا للي يعرف و الي ما يعرف
ودي يستفيد من الموضوع اكبر عدد ممكن من الاخوان و الاخوات
أسأل الله أن يوفق الجميع
رد: شرح طريقة التسجيل في اختبار الايلتس
الله يوفقك ويسهل لك كل صعب~
رد: شرح طريقة التسجيل في اختبار الايلتس
الله يجزاك الجنة ويجعلها بميزان أعمالك
رد: شرح طريقة التسجيل في اختبار الايلتس
اقتباس:
المشاركة الأصلية كتبت بواسطة Strange Eve
الله يوفقك ويسهل لك كل صعب~
اقتباس:
المشاركة الأصلية كتبت بواسطة @دمعه فرح@
الله يجزاك الجنة ويجعلها بميزان أعمالك
الله يجزاكم خير على دعواتكم
أسأل الله أن ينفع الجميع بالجميع
موفقين
رد: شرح طريقة التسجيل في اختبار الايلتس
اقتباس:
المشاركة الأصلية كتبت بواسطة NORTHy
يديك العافيه انا مستغرب اللي يبي يختبر ايتلس وهو حتى مو عارف وش معنى الكلمات بموقع الايتلس ولا هو عارف يسجل لضعف اللغه
لتوضيح في ناس توهم يتعلمون الغه والملحقيه تجبرهم باختبار التوفل او الايلتس لكي يصدروا لهم ضمان مالي كل سته اشهر
رد: شرح طريقة التسجيل في اختبار الايلتس
طيب بعد ماارسلهم الصورة وصورة الجواز والتفويض
حيتاكد الرجيستريشن وللا متى؟؟
لانو الى الان مو متاكد؟؟
وشكرا
رد: شرح طريقة التسجيل في اختبار الايلتس
اقتباس:
المشاركة الأصلية كتبت بواسطة student-N-USA
طيب بعد ماارسلهم الصورة وصورة الجواز والتفويض
حيتاكد الرجيستريشن وللا متى؟؟
لانو الى الان مو متاكد؟؟
وشكرا
قبل الاختبار باسبوع (اقل او اكثر بكم يوم) المفروض يردون عليك برسالة تأكيد فيها بيانات أكثر عن المكان الي راح تختبرين فيه
ولو ما ارسلو ضروري تتصلي فيهم و تخبريهم انه ماوصلك شئ
يفضل قبل الاختبار باسبوع كحد اقصى لو ما ردو عليك اتصلي عليهم عشان ما يروح مقعدك في الاختبار
و بالتوفيق