الأعضاء الإشتراك و التسجيل

الملتقيات
ADs

الحذر من مكتب صفوة التعليم في الرياض ( السليمانية) نصب علي :( لي 3 شهور ونصف ؟؟

الحذر من مكتب صفوة التعليم في الرياض ( السليمانية) نصب علي :( لي 3 شهور ونصف ؟؟


NOTICE

تنبيه: هذا الموضوع قديم. تم طرحه قبل 2133 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية علي بن عبدالله
    علي بن عبدالله

    مبتعث جديد New Member

    علي بن عبدالله الولايات المتحدة الأمريكية

    علي بن عبدالله , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى ادارة اعمال , بجامعة لم يتم
    • لم يتم
    • ادارة اعمال
    • ذكر
    • لم يتم, لم يتم
    • السعودية
    • Nov 2011
    المزيدl

    February 13th, 2012, 01:07 AM

    السلام عليكم ورحمه الله وبركاته ..
    أخواني الراغبين بالابتعاث ..
    انصح من يريد الابتعاث ان يقوم بالمراسلات من نفسه ودون الذهاب لمكاتب قبولات ..
    للاسف ذهبت لمكتب النصب ( صفوة التعليم !! ) في الرياض في السليمانية واخبرني موظف مصري اسمه بشير بانهم سيحضرون قبول لغة وجامعة في امريكا لي خلال 3 اسابيع شهر بالكثير
    فقمت بتجهيز جميع الاوراق التي طلبها مني مع الضمان المالي وتم دفع الرسوم مع كافة الاوراق في شهر نوفمبر من 2011 وطلبت ان يحضر لي قبول على يناير 2012 حتى اذهب في اقرب فرصة ..
    ولكن للاسف لم يفعلوا ذلك .. وبدلا من ذلك انواع التصريف من المصري النصاب ..
    وكل يوم كلام .. وحتى المعهد اللي كان بيجيب لي قبول اللغة فيه مغلق .. وقالي عادي .. وقمت بكتابة استفسارت في هذا المنتدى ومسجلة باسمي ,,
    ومع ذلك جاب انواع المماطلة والتأجيل .. وحتى اليوم لم احصل على أي شيء !!!
    حتى انه قال لي ادفع رسوم الفيزة خلاص علشان نحجز لك موعد للسفارة وقمت بالدفع قبل شهر ونصف ( زيادة خسائر) ومع ذلك لم احصل على شيء
    وعندما طلبت اعادة المبلغ الذي دفعته حتى ابحث عن قبول آخر رفض المصري بشير .. ثم اتصل بصاحب المكتب واسمه سعود الودعاني ووللأسف انواع التصريف .. ويقول لي ما فتحنا ننصب على الناس وحنا غيرنا اسم مكتبنا ( شكلهم من كثر النصب ) ويعلم الله كل ما جيتهم لقيت واحد متخانق معهم ويصرفونه ..
    ثم ثاني يوم كلني واحد ثاني اسمه بدر الفرحان وقال لي انه شريك في المكتب وانه بيشوف موضوعي واللي ابيه بيصير .. قلت الحمد لله .. وقتي وضاع .. ما ابي الا فلوسي .. قال خلاص عطني فرصة اشوف الموضوع .. قلت ممتاز .. ثم سحب فيني اسبوعين .. وآخر شي قال لي توكل على الله ما لك شي ..
    والله يعلم ويشهد أني ما كتبت هذا الموضوع الا للتحذير من هذا المكتب النصاب وحتى لا يقع غيري ضحية لنصبه .. وكذلك لمحاربة الفساد والذي أصبحنا نتعرض له من التجار للأسف وأكل أموالنا بالباطل ..
    لذلك يجب علينا جميعا محاربتهم والتشهير بهم ..
    وارجو من ادارة المنتدى ان لا تحذف اسماء اصحاب المكتب النصابين .. واذا ارادوا لدي ايصال الدفع وموضح فيه التاريخ من نوفمبر العام الماضي وكذلك الايميلات بيني وبين المكتب وكذلك البحث باسمي عن المواضيع التي كتبتها وكنت استفسر عن ما كان يقوله لي المكتب النصاب ..
    وفي الختام اتمنى ان لا يقع شخص آخر ضحية لهذا المكتب النصاب ..
  2. انا مقدم منه مرتين صحيح فيهم مماطل بس انا اتابعهم يعني هو يقدم لي ويرسل الاوراق وانا اكمل مع الجامعة بالايميل فيه مره أعتمدت عليه اول مررره وماطل بي مماطل الله لا يوريك لاكن ما دامي دفعت له قلت ما راح اخليه خليته يقدم لي ع جامعة ثانيه وخليته يحط ايميلي في المعلومات عشان اتواصل معاهم بالباقي وفعلا يعني كان شغله بس يرسل الاوراق وانا الي اعبي الابليكشن فقط والحمدلله تيسرت اموري
    فحاول تسوي مثلي ارجع له وقله يعطيك القبولات وخله يقدم لك ع الفيزا وخذ موعد وانت سددت من فيزتك او فيزة احد تعرفه وخذ اوراق الموعد منه بعد ما تجيك الفيزا علي خير ان شاء الله احجز ورح امريكا وادرس شهر شهرين في معهدك المقفل دور علي رواق معهد ثاني سوي النقل وثم قدم ع الالتحاق والله يوفقك ويفرجها عليك
    7 "
  3. الله يعينكم على هالنصابين وغيرهم.

    ما أدري وش دور المكتب بالضبط إذا كان الشخص هو اللي يتابع مع الجامعة وهو اللي يعبي الأبلكيشن، يعني إرسال الأوراق يحتاج له مكتب؟

    صدقني الجامعة اللي أنت تراسلها بنفسك وترسل أوراقك بنفسك وتكون على تواصل معهم بنفسك، تحترمك أكثر وتتأكد من مدى جديتك في القبول.

    تحياتي،،،
    7 "
  4. المشاركة الأصلية كتبت بواسطة علي بن عبدالله
    وحتى اليوم لم احصل على أي شيء !!!
    أنت كذاااااااااب مثل ما قال الاخ فهد بن سعد بشير اتصل علي وقالي ان قبولك موجود من شهر بس انت الله يهديك مدري وش تحس به قاعد تظلم العالم هنا
    بشير اصررر علي اني اجيه المكتب ويوريني كل اوراقك وكل شي ويفهمني السالفه من اولها لـ اخره لكن انا ما قدرت اروح له
    بشير لاهو خويي ولا اني اعرف مجرد تعاملت معه مرتين واحظر لي القبولات في نهاية المطاف
    أتق الله في نفسك يبوووي ترا الظلم شين ما له داعي تجيك اوراقك الحين وتسافر ولا عاد تشوف اهلك مره ثانيه ولا يجيك شي
    7 "
  5. بالنسبة للاخوان اللي ما شاء الله يقولون انتبه تتهم الناس وحرام عليك ..
    انتم اتهمتوني بدون ما تعرفون !!!
    والا ماشاء الله كلكم طلعت تعرفون المكتب !! و مستعدين تروحون له علشان تتأكدون !!
    والله لو اقول لواحد خذ اوراق ودها يمكن مايروح !! كيف بيروح علشان يتأكد وفي موضوع مايخصه ؟!!
    لكن الحمد لله .. اللهم يجعلنا من المتقين .. وفي يوم للحساب .. الله ينتقم لي وياخذ حقي من المكتب النصاب ..
    وللمعلومية القبول من جامعة مغلقه ومعهد مغلق !!
    وفي مواضيع باسمي في المنتدى بهذه الاستفسارات موجودة من اكثر من شهرين ..
    وحتى قبول اللغة اللي خطأ ومن معهد مغلق !!! الي اخر يوم مريت المكتب فيه ما هو عنده !!!
    ويقول لي انتظر عندهم اجازة !!! والدراسة بدأت من يناير اصلا ً
    واصلا انا مارة ومسدد الرسوم من شهر ونص للمعلومية للفيزا .. ياللي تقول فلوسه عزيزة !!
    ومعي الوصل .. ودافع قيمة الموعد للسفارة + رسوم الهجرة 200 دولار كل هذا من اكثر من شهر ونصف !!
    بس ما يحتاج ترد في المنتدى يا ... جب للناس قبولات والا رجع فلوسهم بدال النصب والاحتيال ..
    والا الشايب اللي قاعد تنصبون عليه وعلى بناته !!
    وحسبي الله ونعم الوكيل ..
    7 "
  6. انا ما رحت له بس هو قالي تعال واوريق قبوووووله بصراحة وانا اقدر اروح واشوف شي بعيني ما سمعت كلام من الهوووووووا زي ما تقول
    هو شاف الموضوع وكلمني قالي انت الي رديت قلت ايه نعم قالي هاذا نصاب انا جبت له القبول وجبت له ل شي ورايح يتشكي للعالم
    اذا انت الي مختار الجامعة والمعهد وطلعو مقفلين فهـأذا ذنبك انت مهو ذنبه واذا الجامعة والمعهد تقفلوو وهو يجيب لك القبولات فهاذا لاهو ذنبك ولا ذنبه
    ع العموم ما علي منك لاني ماخذن ذنبك ولا شي انا بسسس حبيت أبراء ذمة بسسسسسسس تصتطفيل خيووو <ـ خخخخ حلوهـ هاهـ
    اقدر اروح واشوف قبولك واصوره وارفقه هنا لكن ماني رايح لاني مخلص اوراقي م عندهـ الحمدلله
    بس اذا هو دخل الموضوع اقولك يا بشير صحيح مو شغلك بس ارفق له قبوووله هنا وخل العالم تشوفه عشان تسسسكت حلوقهم وبس
    7 "
  7. وبالنسبة للاخ برهوم .. انت تقول انه انواع المماطل وصار معك !!
    وفجأة اتصل عليك وتقول لي نصاب !!
    لأني اقول حتى اليوم لم أحصل على شيء !!
    وهذا صحيح .. هل قبول في جامعة مغلقة يعتبر قبول !!
    ماله اي قيمة ولا استطيع التقديم فيه على الملحقية ,, اللي اصلا انا كنت ابي اي قبول بس علشان اكمل اوراقي .. وبعدين اجيب قبول ثاني .. ومن جامعة هو متعاون معها مو انا اخترتها ..
    وكذلك قبول لغة ياخذ 3 شهور !!
    انا مقدم من نوفمبر .. والي نهاية يناير ما جاب لي قبول ( مع ان المعهد مغلق ) وانواع الكذب والتصريف !!
    للمعلومية في موقع المعهد مكتوب القبول من اسبوع الي 9 ايام كحد اقصى !!
    ويوم قلت لصاحب المكتب .. يتريق يقول مادامك تعرف ليش جيتنا !!
    قلتله هدفي الاساسي كان السرعة لاني كنت افكر اذهب في يناير وهو قالي خلال اسبوعين او 3 بالكثير اوراقك كلها جاهزة !!
    واما انه يقول القبول موجود من شهر .. فيعلم الله انه كذاب وحسبي الله عليه .. واخر علمي فيهم مع نهاية يناير يعني قبل اسبوعين .. ما جا القبول .. وكنت حاجز موعد للسفارة ..
    عموما الله لا يضيع مثقال ذرة .. وشخصيا كنت اتمنى ان اقرأ مثل هذا الموضوع قبل ما اتوهق ... لاني قريت عن كذا مكتب نصاب هنا قبل التقديم وتجنبتهم .. لكن قدر الله وقعت في نصاب ثاني .. فمن واجبي احذر البقية
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.