كل ما يخص حملة المكافاة ما تكفي ( مقالات - كاريكاتير- تغريدات ) ...تجديد مستمر ..!

اخواني اولا نشكر كاتب الموضوع على تبني هذا الموضوع حساس ونسأل الله عز وجل ان قيادتنا الحكيمة يعيدون النظر في المكافأة وبأذن الكريم يرفعونها لأن محد يعاف الزيادة.

اللي لاحظته من خلال قراءاتي هذا الموضوع او اي مواضيع التي تتكلم عن المكافأة انه ياويل العضو اللي يقول ان المكافأة تكفي ،، احس ان الأعضاء الأخرين وخصوصا اللي يختلفون معه ودهم يفرمونه مع العلم انه قال وجهة نظره وهو حر فيها

وجهة نظري ان المكافأة تكفي الطالب الأعزب وخصوصا اللي في مرحلة اللغة الا تكفيه ونص مع الدلع والله لو انه بيستأجر في البيت الأبيض واذا كان يقول ماتكفيني فهو مايعرف يدبر الفلوس واحس له يرجع للسعودية بعد احترامي له .
لكن الضعوف هم اللي عندهم بزران وخصوصا تحت الخمس سنوات والله انه يتعبون ومانقول الا الله يعينهم

اللي اقترحه هو التالي :

1- يكون هناك تفريق بين مكافأة طالب البكالوريوس وطالب الدراسات العليا لوعلى الأقل ناحية تحفيزية .
2- مصاريف بدل كتب ومراجع للي يدرسون في الجامعات مالايقل عن 300$ كل سمستر
3- مصاريف حضانة بمتوسط 500$ على الأقل غير مصروف مكافأة الطفل 272$
4- رفع مكافأة المرافق الذي على فيزا F1 ومساوتها مع مكافأة المبتعث

اللهم انصرنا ..