الأعضاء الإشتراك و التسجيل

الملتقيات
ADs

ياهوو لاحد يضحك عليكم وركزو في المهمممم ياليل المنجا

ياهوو لاحد يضحك عليكم وركزو في المهمممم ياليل المنجا


NOTICE

تنبيه: هذا الموضوع قديم. تم طرحه قبل 2135 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية the big dude
    the big dude

    مبتعث مستجد Freshman Member

    the big dude الولايات المتحدة الأمريكية

    the big dude , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى MLIS , بجامعة University of Pittsburgh
    • University of Pittsburgh
    • MLIS
    • ذكر
    • pittsburgh, PA
    • السعودية
    • May 2010
    المزيدl

    February 14th, 2012, 08:46 AM

    السلام عليكمممممممممممم


    كيف حالكم



    طيبين

    والله ما ادري حسيت اني ابغا اكتب على موضوع جا في بالي وباشوف اغلب الشباب والبنات معانيين منو يعني معايا في المعهد او الشباب اللي باقابلهم في مدن تانية
    فقلت اديكم هرجة عشان الجدد ياخدو فكرة

    وبرضو انا قلت اكتب الموضوع بمناسبة انو المكافاة نزلوها بدري الجمعة اللي فات خخخخخخخ فالواحد انشرح شوية وقال الحمدلله
    يعني كنا قاعدين على شوية عيش تست مفقع وشوية مربة فراولة في الثلاجة وموية والحمدلله خخخخخخخ الين ربكم سترها
    وغير كدى السبت طلعنا لمدينة ثانية في الشمال بالباص مع المعهد وجاتنا عاصفة ثلجية في الهاي واي واليل الله لا يوريكم ماتشوف السيارات اللي قدامك والاسفلت مافي كلو ابيض
    بس ربكم ستر ودرجة الحرارة كانت 19 تحت الصفر واليل ياليل
    عموما بهذه المناسبات السعيدة احب اقوووووووووووول
    نخش لصلب الموضوع على مايقولو<<<< حلوة كلمة صلب خخخخخخ
    المهم
    اغلب اللي بيجو او قبل مايجو يقلك شفلي قبووول مشروط والحقني بقبول مشروط وزبطنا ومدري كيف وانا لاحظت وصار معايا الشي دا
    ياجماعة اش اقلكم صدقوني القبول المشروط اللي فرحانين فيه دا ورقة تعلقها عندك في المطبخ الين تجيب درجة التوفل والجي ار ايه المطلوبة
    يعني بالعربي مالامو داعي <<< وجهة نظري من خلال تجاربي
    ياجماعة انا مقدم على جامعات كثير واحب اديكم اش اللي بيصير اوكي
    في جامعات<< تستقبل اوراقلك وكل شي واذا ما عندك درجة التوفل المطلوبة يجنبو اوراقك على جنب ويعتبر ملفك ناقص وما تطل فيه اللجنة الين يتكمل وهاذي الجامعات اسمها جامعات ابو قابلني لو اديناك قبول مشروط
    وانا مريت في الموضوع دا ومقدم وكل حاجة
    جامعات تانية وبرضو انا مار في الشي دا عشان لاحد يتفلسف ويقلي انت تفتي المهم الجامعات التانية تستقبل اوراقك وحلاوة وعسل وطلبو مني معادلة للشهادة من شركة WES وزبطتها وكل حاجة المهم بعد ماياخدو كل اوراقك حتى لو ما اديتهم درجة التوفل بيرسلو ملفك للجنة وبيقيموك بناءا على سجلك الاكاديمي ومعدلك وتوصياتك العلمية ومن هذا المنطلق زي ما صار معايا يقلك ابو اوكي انت اكاديميا نقبلك ولكن ننتظر منك التوفل
    يعني رجعنا لنقطة البداية ما استفدتو شي وهادا هوا اللي يسمى القبول المشروط اللي الناس طايرتلي فيه
    المهم نجي للحلول <<<< عندك حلوووووووووول خخخخخخخخخخخ
    لا ماعندي حلول بس باديكم اللي انا باسويه واللي المفروض تنتبهولو
    ياجماعة قبل ما تجو امريكا يرحم امكم اقروووو << حتقلي اش اقرا انا اقلك
    ياخي الكريم الجامعات تختلف في امريكا في اجراءات قبولها <<< كيف ياذكي انا اقلك كيف
    احنا كلنا مشكلتنا بتكون في اللغة حلو ؟؟ << طيب حلو
    اجل قبل ما تختار جامعتك لازم تحط خيارااااات
    الخيار الاول
    تقول انو انت انسان مبدع وحتروح تدرس في معهد لغة وخلال سنة بتختبر التوفل ومتاكد انك انشالله بتجيب الدرجة المطلوبة << اوكي هذا الخيار الاول ما يحتاج شي والله يوفقو
    الخيار الثاني
    انت عارف ورحم الله امرء عرف قدر نفسه << انت عارف انك ماتقدر تجيب توفل او انه حاس انه التوفل صعب في هذي الحالة ياجماعة الخير
    لازم تقرو وتصنفو وتفرزو الجامعات اللي تقبل انك تدرس الدراسة الاكاديمية عندهم بمجرد انك تخلص معهد اللغة حقهم << وهذي الجامعات ماهي كتير لكن موجودة زي جامعة اكرون
    طبعا القصد من دا انو اغلب المبتعثين يشوف انو بامكانو انو يخلص مستويات المعهد بالتدريج والشي دا اسهله من التوفل اذن يا اخواني قبل ما تجو امريكا ركزو وجيبو قبولكم على جامعة تكون ماشية بالنظام دا
    ليه ؟؟ لانك لو رحت معهد جامعة مو ماشية بدا النظام هنا تطيح الفاس بالراس حتدرس سنة وحتفحط كل اسبوع اختبار توفل وتجيب درجات من جنبها وحتمدد ستة شهور ولا سمح الله ماتجيب التوفل برضو وفي النهاية ترجع السعودية
    ودا الشي ياجماعة اقسم بالله اغلب الطلاب قدام عيني في معهدي هادا الشي اللي بيعانو منو .فالفكرة زي ماقلتلك خطط اذا انت انسان مالك في التوفل والايلتس ياخي قبل ما تجي ابحث ادخل اقرى شروط الجامعات
    اختر جامعة تقبلك بشهادة معهدها
    غير كدى الخيار الاخير والمر معهد ELS طبعا معروف انو المعهد دا سيء وهوا فروعو حول امريكا وانا اشهد انو سيء بالنسبة للفرع اللي في مدينتي ولكن؟؟؟ انت مو شغلك سيء ولا لا اذا انت عندك لغة انجليزية طيبة
    وتحس انك تقدر تطور نفسك بنفسك ولكنننننن برضو مالك في التوفل وتحس انو صعب . ميزة المعهد هادا انو المستوى الاخير فيه اذا وصلتو في جامعات كثيرررررر تقبلك لليل بدون توفل
    ارجع واقول واكرر وااكد انو الشي دا للناس اللي مابتقدر تجيب توفل وتحس انو صعب ووالله اغلب اصحابي هنا بيعانو من الشي دا فيجماعة صدقوني لما ترتب نفسك من بدري وتعرف انت اش تبغا واش قدرتك
    محا تجي الملحقية بعد سنة وستة شهور لغة تقلك فين قبولك حبيبي تقلهم اه ايه اوه ويقلك يللا على بلدك
    عموما انا كلامي مو مرتب لكن حاولت اديكم نبذة وفكرة عن النظام هنا لانو اغلب المبتعثين بيفحطو في مرحلة اللغة ومابيعرفو ا ش يسوو ويضيع الوقت وهوا ما سوو شي ويختبر مية اختبار توفل وما يجيب الدرجة المطلوبة بينما لو انو كان في جامعة تقبل المستوى الاخير في معهد اللغة التابع لها كان ارتااااااااح وخلص
    المهم زي ماقلتلكم مشو حالكم الكلام ملخبط لكن ما ادري ا ش مصحيني الساعة عندي تقريبا 12 ونص الفجر لكن برد فقلت خليني اكتب
    والحمدلله قبل شوية جانا دومينوز بيتزا واتعشينا والحمدلله الله يخلي الطلب الاونلاين وانت منسدح على السرير تطلب بيتزا واليل ياجدة
    وصلو على سيدنا محمد
  2. والله من اكثر المواضيع اللي مضمونها رااااااااااااااااااااااااااااااااااااااااااائع
    فكرته صح 100% وطرحك له كان جدا موفق
    وحلاه زيادة لهجة اهل الغربية البسيطة

    معليش لو ضايقتك بـ هالكلمتين
    بس لما تطرح موضوع حاول انك تحط شوي فواصل بين مقدمة الموضوع >>> السوالف والتمهيد والتريقة
    وبين اساس الموضوع >>> الفكرة الرئيسية
    وحاول انه تنسقه شوي من ناحية الفقرات والالوان <<<< اي بنت في الحياة عندها زحمة مع الالوان

    غير كذا الطرح كان جدا موفق
    واستخدامك لـ اللغة العامية اعتقد انه يبسط كثييييييييييير على المبتعثين في انهم يفهموا ايش انت تبغى توصل له


    دمت بكل هذا التميز
    7 "
  3. ههههه
    ما شاء الله يعطيك العافية!

    آه ليت واحد هنا في المنتدى مزعج راسي بالقبول المشروط يجي ويقرأ الموضوع، لي أربعة أشهر أقول له اطلع على قبول لغة، وريح راسك ولما تصير هناك دبر وضعك، لكن أبد مصر على قبول مشروط!!
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.