المؤسسة الي تجيبلي الهوست فملي طالبه شيك ولا تقبل بيبال والحل؟

سلام عليكم ،،،، بإذن واحد احد راح اسافر لامريكا بعد شهرين، لولاية اريزونا،،،،، وفيه عقار يدورلك على الهوست فملي، والمشكلة يقول سدد رسوم البحث اول عشان نبحث لك،،،،،،،الغبي ما يقبل بـ paypal ولا فيزا ، يعني واضح انه على قده(مع العلم انه موثوق من قبل معهد جامعة ولاية اريزونا)، اخينا في الانسانية يبي شيك؟؟؟؟؟ يا ترى كيف ادبر له هالشيك هذا؟ مافيه شركات او مؤسسات او تبن ان شاء الله ممكن يحل لي المشكلة؟

شوف ياعزيزي ..
تروح لأقرب فرع للراجحي حق الحوالات المصرفية <<< مو فرع عادي .. لأ ، حوالات مصرفية
وتاخد معاك المبلغ اللي طالبته الشركة حقت الهوم ستاي ، وتقلهم أبغى أحول المبلغ هدا لشيك وتعطيهم اسم وعنوان الشركة وقيمة المبلغ
بالدولار طبعاً ، ويعطوك الشيك مكتوب عليه اسمك والمبلغ واسم بنك أمريكي <<< غالباً اسم البنك يكون تشايس بانك أو شي زي كدا ..
بس يا عزيزي تاخد الشيك وترسلو عن طريق فيديكس او دي اتش ال عالعنوان اللي قالولك عليه .

يا لطيف الطف ، والله السخافة فيه بعد الظاهر انها مؤسسة الله بالخير ، امبين من موقعهم، بارك الله فيك اخي ابن طيبة الطيبة
وفقك الله

أولاً جزاك الله خير عالدعوة الحلوة ..
ثانياً ترى شي طبيعي اللي قالولك عليه ، أنا سار معايا نفس الفلم وسويت الموضوع بنفس الطريقة مرتين ،
مرة لتحويل رسوم المعهد ومرة ثانية لتحويل رسوم الهوم ستاي .
فلا تتضايق يا عزيزي هيا مجرد إجراءات عادية لازم منها .
حاول تسأل الشركة اذا ممكن ترسلهم الرسوم عن طريق حوالة ويسترن يونيون ممكن تكون أسهلك شويه .
بالتوفيق ان شاء الله ودعواتك ..

عااااادي انا سويت شيكات لليل لجامعات
اطلع لبنك سامبا وقلهم ابغا اسوي شيك امريكي تقلهم المبلغ كم بالدولار ويحسبوه وتدفع بالريال
وتديهم الاسم بالزبط اللي يكتبوه في الشيك اسم جامعة او شركة اي شي
وانت عندهم تستريح ينادو عليك تستلم الشيك بالعنجليزي
وعلى فيديكس ترسل الشيك للشركة والحمدلله