معقوله هالكلام والشغل هذا !!
معقوله هالكلام !!
اسعد الله اوقاتكم بالخير والمسرات
استفسار وتساؤل يطرح نفسه خصوصا اني سمعت انه بعد تخرج الطلاب من الابتعاث وعودتهم وتقديمهم وخصوصا اتكلم للي ناوي يعمل بالقطاع الحكومي
يقدم على ديوان الخدمه المدنيه مافيه اي فرق او تفضيل بين الي درس برى والي درس داخل السعوديه يعني مثل ماتعرفون ان دراسة بعض الجامعات بالسعوديه
ودراسة بعض الكليات الاهليه بين قوسين ( مشي حالك ) ولاتقارن بدراسة الجامعات الاجنبيه من حيث الصعوبه والتشديد على النواحي التعليميه بشكل كبير
يعني للي زي حالتي زميل لي يدرس الان بكلية الغد الاهليه بالسعوديه نفس تخصصي وعند التخرج ان شاءالله ممكن انه يفضل علي لان اكيد معدله بيكون اعلى
وانا متغرب وحالتي حاله وهو عند اهله بالسعوديه وبالنهايه يفضل علي انا ياخريج جامعه امريكيه طبعا هالكلام والله ثم والله مهب حسد والارزاق بيد رب العالمين
لكن اذا كان الوضع كذا مالله حد ليش اتغرب وحالتي حاله وبالنهايه مافيه اي فرق بين خريج جامعة امريكا وكلية الغد الاهليه وانا من الان اضمن انه راح يكون معدلاته
اعلى مني لان مثلكم عارفين وضع الدراسة بالكليات الاهليه
وش ارائكم وتصوركم عن الموووضووع
رد: معقوله هالكلام والشغل هذا !!
والله يا اخوي الامور عندنا ماشية بـ البركة مو بس في كل شيء ما وقفت على التعيين
لا وابشرك
فيه ناس راجعين ومعاهم الدكتوراه وباقي الى يومك هذا يهشون ذبان في حوش بيتهم !!!!!!
رد: معقوله هالكلام والشغل هذا !!
اذكر بالملتقى الموسى مدري العيسى ناسي اسمه والله .. قال لما ترجعون لا تقدمون على الحكومي ما طلعناكم عشان تجون وظايف حكوميه! قال نبغاكم في الخاص .. هذا اللي اذكره
رد: معقوله هالكلام والشغل هذا !!
طبعا ما في فرق، بما أنها جامعات تعترف بها وزارة التعليم العالي وتحت اشرافها. ويمكن انت حتى ما يعادلون لك شهادتك لو انهم هم اللي ابتعثوك لها وصرفوا عليك فيها. وخاصة في القطاع الحكومي ما تفرق معك بكالوريس ولا ابتدائي؛ اما القطاع الخاص هو اللي يحرص على الجيد
رد: معقوله هالكلام والشغل هذا !!
السلام عليكم ورحمة الله وبركاتة ... ياشباب وكلو امركم لله سبحانه وكلن ورزقه من او ماطلعة من بطن امك ورزقك معك واهي توافيق من الله انت فكر في الشهاده واذا تخرجة ان شاء الله يحصل خير :) باآذن الله انكم من اهل الخير .. ماقول الا الله يوفق الجميع ويسر اموركم ويسهل دربكم ... تحياتي للجميع
رد: معقوله هالكلام والشغل هذا !!
ماتفرق حتى لو انت خريج من كوكب زحل
رد: معقوله هالكلام والشغل هذا !!
بالمناسبه اصبحت الدراسه بالخارج
لم يعد لها ذاك الاهتمام الاكبر لانه لايوجد
فرق سوي ان من يدرس بالخارج يكتسب
اللغه فقط
رد: معقوله هالكلام والشغل هذا !!
تعرف فيتامين واو!!!
هي وصفه يكتبها لك دكتور له اسمه ومكانه والمفعول فوووووري والي ما عنده يأخذ فيتامين حافز
وانت خل روحك رياضيه
لو كلامك صح أنا بفرح لان الوظائف راح تكون تنافسيه ولكن المسالة تتعدى مرحلة المعدلات والجهود
أنا عن نفسي لانتظر وظيفه من ابتعاثي بل أراها رحلة اكتشف فيها نفسي
رد: معقوله هالكلام والشغل هذا !!
اقتباس:
المشاركة الأصلية كتبت بواسطة خلود11
بالمناسبه اصبحت الدراسه بالخارج
لم يعد لها ذاك الاهتمام الاكبر لانه لايوجد
فرق سوي ان من يدرس بالخارج يكتسب
اللغه فقط
هالكلام ما اؤمن به انا , وش الفرق بس لغة ؟ اجل اللي يتخرج من هارفرد مثل اللي يتخرج من جامعة الدمام ؟!
انا ما فكرت ولا بفكر بالوظايف الحكومية , القطااااااع الخاص هو الافضل من ناحية الراتب او الوظايف
و طبعا القطاع الخاص يهتم لاي جامعة انت متخرج منها , مو اي شهادة قدم و صف طابور
رد: معقوله هالكلام والشغل هذا !!
يكفيك انك راح تتعلم شي جديد كل يوم.. وراح ترجع تبني بلدك بالخبره الي تكونت عندك ...
هذا لحاله مكسب سواء أشتغلت بقطاع خاص أو حكومي ...