الأعضاء الإشتراك و التسجيل

الملتقيات
ADs

مساعدة سااااااااااااااااعدووووووووني الله يخـــليكم..ضروري!!

مساعدة سااااااااااااااااعدووووووووني الله يخـــليكم..ضروري!!


NOTICE

تنبيه: هذا الموضوع قديم. تم طرحه قبل 2169 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية SALMAN_00
    SALMAN_00

    مبتعث مستجد Freshman Member

    SALMAN_00 الولايات المتحدة الأمريكية

    SALMAN_00 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى mechanical engineering , بجامعة i do not know
    • i do not know
    • mechanical engineering
    • ذكر
    • houston, texas
    • السعودية
    • Nov 2011
    المزيدl

    February 16th, 2012, 07:02 AM

    السلام عليكم
    ياشباب والله انا تعبت من المقابلات أحس اني مقدم عشان ادفع لهم فلوس
    انا آخر مره مقدم في تاريخ-11-1-2012 في الرياض والثلاث مرات في قنصلية الظهران. وجميعها فشلت.المهم ابي اختصر الكلام واتكلم عن المقابله الأخيره لان المقابلات الثلاث سالفتها سالفه..
    المهم.. طلعت بعد العشا من ببيتنا ومعاي 3 بنروح للرياض وانا ادعي وادعي انهم يقبلوني لان الفراغ ذبحني خلاص مو قادر اتحمل قعدة البيت أكثر من كذا وربي بنجن
    المهم وصلت الرياض ابي فندق قريب من السفاره ..لقيت اقرب حي ماادري وش اسمه بس قريب من ام الحمام..و لقيت فندق اخذت فيه ليله عشان ازبط الامور قبل مااروح...لان المقابله كانت 9:30 am ..اخذت لي غفوه صغيره وانا موصي الي معاي انهم يصحوني..والحمد لله ان فيه اختراع اسمه منبه ولا راحت علي..لان الابطال كل واحد شخيره واصل للسقف ههه هذا وانا موصيهم اللي مايستحون ..
    صحيت ولبست وطلعت من الفندق وقلبي يرقع من الخوف خايف انهم يرفضوني واقعد بالبيت واصير عاطل..
    قبل مااوصل زين اعرف ناس هناك دلوني ع المكان عشان ادله لما اروح والحمد لله وصلت بعد 20 سؤال لمكان السفاره الامريكيه لان يبيلك 10 دوارات داخل حي السفارات لين توصل..وكان قدامي حوالي 9 تقريبا ولما وصلت كانت فيه لبنانيه قالت لي حط جوازك مع السامبا..هذا الي هامهم السامبا حسبي عليهم
    ودخلت وتفتيش لين خلصت ورحت للباب في الزاويه..وقالي السيكورتي اسحب رقم..سحبته وكان قدامي حوالي 30 شخص..انتظرت لين طلع رقمي ورحت للشباك..وكان سوداني وسالني ليش تبي تروح امريكا وقالي بصم وخلصت وقالي استريح لين ينادونك..وانا قلبي يلعب الله يصبره بس..
    وانتظرت وانتظرت واشوف اللبناني والهندي والمصري كلهم يطلعون من المقابله مبتسمين..قلت عقبالي..المهم ويقول رقمي وافز له وانا مااخفي عليكم درجه الخوف الي كنت اعاني منها ..وقالي روح شباك رقم9 رحت وكل خطوه ادعي وادعي لين وصلت للشباك وهذيك السمراء اللي لابسه اسود وبكله سودا يعني كل شي اسود في اسود وقلت good morning وانا من جمبها بالانقليزي...وردت علي قود مورننق وقامت تقولي هل انت متزوج؟ قلت لا..وقالت هل لديك اولاد وبعدها قامت تضحك..وانا شوي واحك راسي من غبائها بس ياهو قام تسليك تآيم لها وقمت اضحك معاها وحركات يعني اعطيها جوها بس ع الاقل تمشي اموري ههه..وسالتني بعد اي ولايه بتروح واي تخصص تبي وقلت لها التخصص وقالت اسم الجامعه..وقالت بصم وبصمت..وقامت تطقطق في الكمبيوتر وقالت لي كم صار لك متخرج قلت لها 4 سنوات حتى الترانسكريبت حق الجامعه ماشافته..يمكن لانه مسجل بالسستم ان درجاتي ضعيفه ولازم ادرس هنا؟؟!..ونسيت اقولكم اني دخلت كليه وطلعت منها.. وانا اقول في نفسي الله يخليك يكفي عذاب ورجعت تطقطق الله يسامحها الا شوي تتغير ملامحها وقالت لي....................؟؟!!!!((فيزتك مرفوضه؟؟؟ والله والله ان عورني قلبي يوم قالتها..وقمت اسالها ليش..قالت.. بسبب اللغه لديك ضعيفه ولازم تدرس هنا وترجع تقدم من جديد؟؟؟؟؟؟؟؟؟؟؟طيب انا رايح ليش مو اتعلم لغه يا.....والله قهرتني ..وبعدين قلت لها شوفي الترانسكريبت حقي..قالت حتى لو شفته مو مغيره قراري وقمت تشوفه بخياس نفس وقالت لي خلاص..حتى الاسلوب ماادري كيف ورحت وانا مقهور ..والحين الى يومكم هذا محتار وحاط في بالي وجازم اني ابي ادرس هناك...يآناس الحين انا رايح على حسابي ايش دخلهم هم والله شي مايدخل العقل؟؟

    تكفون والله ماادري ايش اسوي ماهو الحل السليم والافضل لهذي المشكله.. لااريد تغيير الدوله لاني اريد حقا الدراسه هناك ولكن الحظ عااثر...اعتذر عن الاطاله لانه كان ودي افضفض..,thanks
  2. وعليكم السلام ورحمة الله وبركاته
    سأختصر عليك الحلول التالية:
    ١- زيادة المبلغ الموجود في الشهادة البنكية.
    ٢- دراسة اللغة في السعودية والحصول على درجة عالية في التوفل.
    ٣- تغيير البلد إلى كندا مثلاً ، وعند الانتهاء من اللغة تعمل تقديم على جامعات أمريكا لأجل الحصول على قبول نهائي ثم التقديم للفيزا من جديد.

    أسأل الله لك التوفيق
    7 "
  3. تصدق والله سالفتك طوييييله كيف كذا ؟؟
    اتوقع انك وانت تروح لهم ماتغسل وجهك
    اسف اسف بس اسمعني هههههه والله سالفتك مره طووووويله ياخي تتدري كيف ؟؟
    شف الي اعرفه انهم يستقعدون كثير ع سفاارتك الاوله واكثر شي يستقعدون عليه سوريا اذا كنت مسافر لسوريا تر يمكن ما يطلعون لك الفيزا ولا يقبلونها وياخذون منك الجواز ويلطعون فيك مده طويله اخوي قبلو جواز
    سفره ولطعو فيه سته اشهر وسلامتك
    7 "
  4. ههههه والله من ناحية سالفتي طويله تراها مررره طويله لاني المفروض من 8 شهور اكون مسافر لو معطيني الفيزا
    وعلى السفر تراني مارحت غير الكويت وقطر والامارات والبحرين خلال خمس سنوات الأخيره بس قلت من قبل... المشكله من القنصل الي سويت معاه المقابله الثالثه بالظهران لانه هو الظاهر حطني بلوك بالسستم وقالي انت غير متعاون هههه..واللله شكله يبيني اخترع له صاروخ
    واللي مستغرب منه اكثر 110 مشاهدات ومافي غير 3 مشاركات..ياناس الله يخليكم..ايش تبون اكثر من كذا...بس كل واحد يدخل يفيدني ايش أقدر اسوي الله لايهينكم..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.