حوار امريكاا ام بريطانيا

شكرا لردودكم وتفاعلكم

بالنسبه لي احب بريطانيا ولندن بالتحديد اتمنى ادرس فيها لكن للاسف قالو لنا ان حتى لو رحنا ندرس على حسابنا بيكون صعب جدا يلحقونا بالبعثه

عشان كذا رجعنا للتفكير في امريكاا ..

ارجوكم فكرو معاي .. يعني لو رحنا امريكا على حسابنا ودرسنا لغه .. فيه امل يلحقونا بالبعثه بسهوله ..؟ او بيطلعون روحنا ؟

وكم شهر ننتظر ؟ واي ولايه افضل لدراسة اللغه والامان والعوائل ؟

والسؤال الاهم .. هل سهل تحويل البعثه من امريكا لبريطانيا ؟؟؟

انتظر اجاباتكم ولكم كل الشكر

باختصار
بريطانيا الالحاق فيها مشددين
ومشددين ...يعني لازم تخلصي فيها اللغه ... واحتمال يطلبو منك تخلصي 9 ساعات للماستر بمعدل 3 من 4
وللبكالورويوس 2.5 من 4 عشان يضمونكم

بينما في امريكا فيه ناس يضمونهم وهم في فترة اللغه ... ممكن يجلسو حتى 6 او 6 او 8 شهور على حسابهم بس في الاخير يضمونهم وهم باقي ما خلصو اللغه

عموما كل الكلام يعتمد على قدرتكم الماديه

بالنسبة للتفتيش
اخر مره دخلت حسيت اني امريكي ... قلت خلاص اروح قالي وهو مستغرب ... خلاص
الحجاب .. كثير بنات محجبات ما حسيت احد اصلا يكلمهم او يضايقهم

طيب ممتاز كلامك .. لكن افهم من كذا ان فيه سهوله في تحويل البعثه من امريكا لبريطانيا ؟

التحويل من امريكا لبريطانيا موقف لتكدس

ياليت نشوف تجارب للطلبه والطالبات الي حاولو واللي تم تحويل بعثتهم من امريكا لبريطانيا

أختي التحويل أصعب من الإلحاق بل هو مستحيل وعدد الطلاب اللي يوافق لهم قليل جدا على التحويل من بلد ما إلى بريطانيا وباأسباب قد تكون في صالح الطالب وتجبر الوزارة على أخذها في الحسبان (مثل تواجد المحرم في بريطانيا والمبتعث في أمريكا) وعلى فكرة الموضوع مشدد المنع عليه من الوزارة وبالذات التحويل للمبتعث (بإعتبار عدم تواجد بريطانيا في البرنامج) فإذا كنتي تريدين بريطانيا عليك بالألحاق فهو أسهل بمليون مرة وفيه إحتمال كبير إنهم يلحقونك.

ممكن تتابعين هالرابط وفيه ردودي على نفس مشكلتك بالتوفيق: http://www.mbt3th.us/vb/forum66/thread334868.html

الله يختار لك ما فيه خير لك ,,

الاخوان ما قصروا كفو و فوا بس احب اشارك ببعض الامور !!!

بالنسبه لبريطانيا اللي اعرفه ان ما فيه الحاق ابدا لا باكلريوس و لا ماستر الا اذا تغير النظام مؤخرا .

الامر الاخر لندن بالذات جوها ماهو جو دراسي جوها سياحي و غاليه مره و ازعاج و العرب و الخليج اكثر من الكثير يعني نصيحة اخ لندن بالذات ماتصلح دراسه هذا الكلام من تجربه ..

بالنسبه لامريكا اتوقع الامر اسهل بكثير و الخيارات متاحه بكثره و بأمكانك ايجاد المناخ المناسب لك سواء الجامعه او منطقة السكن و بشكل عام امريكا اقل في التكاليف من بريطانيا بكثير .

ارجو ان اكون افدتك و الله يسهل لنا ولكم . اقتراح كندا يمكن افضل لكم و الله اعلم