الأعضاء الإشتراك و التسجيل

الملتقيات
ADs

نصائح للراغبين في الدراسة في الولايات المتحدة الامريكية

نصائح للراغبين في الدراسة في الولايات المتحدة الامريكية


NOTICE

تنبيه: هذا الموضوع قديم. تم طرحه قبل 2123 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية قوطي فاضي
    قوطي فاضي

    مبتعث فعال Active Member

    قوطي فاضي كندا

    قوطي فاضي , ذكر. مبتعث فعال Active Member. من السعودية , مبتعث فى كندا , تخصصى طالب , بجامعة No Comment
    • No Comment
    • طالب
    • ذكر
    • الرياض, المنطقة الوسطى
    • السعودية
    • Sep 2008
    المزيدl

    February 19th, 2012, 10:54 PM

    السلام عليكم ورحمة الله وبركاته

    كيف حالكم يالاخوان ان شاء الله بخير

    طبعا البعض يسأل عن الاوراق المطلوبة للفيزا الدراسية الامريكية وخطوات التقديم وغيرها من الاسئلة والنصائح ،، لذلك أتمنى ان يكون هذا الموضوع مفيد لكم ،، ولو اني واثق ان الأغلبيه عندهم علم افضل مني ،، ولكن من باب زيادة الخير خيرين ،، فانا راح احاول اذكر كلامي على شكل نقاط مهمة ثم راح اسرد الاوراق المطلوبة للفيزا الدراسية ،، مع العلم انا طالب خاص وراح يكون كلامي موجه للطلاب الخاصيين بشكل أخص ولجميع الطلاب بشكل أعم .


    فأنا افضل ذكر موضوعي على شكل نقاط ليسهل فهمه لكم ،، أنت كطالب ترغب في الدراسة في امريكا عليك الاهتمام بالتالي :
    1- البحث عن الولاية والمدينه المناسبة لك .
    2- البحث عن السكن ,
    3- البحث عن المعهد والكليه المناسبة لك .
    4- تعبئة طلب استخراج فيزا دراسية (F) وطريقة التقديم .
    5- معلومات عامة وهامة عن أمريكا وقوانينها واسعارها وغيرها .




    1- البحث عن الولاية والمدينة المناسبة :

    طبعا اختيار الولاية يعتمد على الشخص نفسه ،، فمثلا الشخص اللي يحب الاجواء المائلة للبرودهـ عليه التوجه للولايات الشمالية ،، الشخص اللي يحب الاجواالمائلة للحرارهـ يتوجه للمناطق الجنوبية ،، شخص يهتم بالامن اكثر من الاسعار ،، وشخص يهتم بالطبيعه اكثر من الريف ،، وشخص يفضل المدن الصاخبة الكبيرة اكثر من القرى الصغيرة ،، فاختيار الولاية يختلف من شخص لأخر .

    ونصيحتي للاخوان والاخوات حاول تبحث عن الولاية المناسبة لك بنفسك ،، لا تعتمد على رأي فلان ولا على ذوق علان ،، ابحث بنفسك عن الأجوبة على استفساراتك ،، فالشخص يحكم على المدينه بمنظوره الخاص ،، اذا تعرض لعملية نهب قالك المدينة خطيرة مباشرة ،، واذا كان ضعيف بالدراسة ودخل لمعهد قوي قالك المعهد بايخ ومعقد ،، واذا كان مبذر قالك المدينة نار تغلي ،، وغير ان بعض الناس الله يهديهم يشوه منظر ولايته ومعهده عشان مايجونه طلاب سعوديين وهذي لاحظتها للاسف ،، فأبحث بنفسك عن معلومات الولاية والمدينة اللي تختارها عن طريق مواقع المدن الرسمية في قوقل او عن طريق البحث في اكثر من موضوع ولا تعتمد على موضوع واحد فقط في بحثك .

    ايضا انصح الجميع انه يختار الولاية المناسبة له ويختار ولاية احتياط ،، بحيث اذا حصل طارئ او ما أعجبته الولاية او مالقاء اللي يبيه ،، يكون مجهز الولاية الثانية ومايضيع الوقت عليه في البحث من جديد عن ولاية جديدة ،، فعلى كل شخص أحضار دفتر خارجي وتسجيل كل معلومة قراءها عن عيوب المدينة الفلانية ومميزاتها وسلبياتها وهكذا الحال مع باقي المدن وبعدها يحدد اختيارهـ .

    وتفضلوا هذه المواقع ان شاء الله تكون مفيدهـ لكم :
    Best Places to Live | City Guides, Data & Demographics - AreaVibes

    ط§ظ„ظ…ط¯ظ† ط§ظ„ط£ظ…ط±ظٹظƒظٹط©

    Best Places to Live | Compare cost of living, crime, cities, schools and more. Sperling's BestPlaces

    Morgan Quitno's 6th Annual Safest City Award in Safest Rank Order

    ------------------------------------------
    2- البحث عن السكن :

    طبعا أنا اعتبر السكن أهم قضية في السفر للخارج ،، وأهم من اختيار الولاية واختيار المعهد وغيرهـ ،، لان الانسان متى ماطلع من بلده وهو ضامن السكن راح يرتاح راحه مابعدها ،، وراح يفك نفسه من عناء البحث عن سكن وغير الخسائر المادية اللي راح يتعرض لها ،، فأنا انصح أي شخص يرغب بالسفر للخارج ان يعطي موضوع السكن اهمية كبرى لان ملاحظ فيه ناس ماتهتم لهذي القضية ،، واقل شي اقل شي اذا مالقيت سكن من السعودية حاول تحجز على فندق قريب من معهدك عن طريق الفيزا ،، احجز لمدة اسبوع أقل شي .

    فأنت بامكانك تكلم المعهد اللي اخترته بأن يبحث لك عن سكن أو يساعدك بهذا الموضوع ،، أو بامكانك تطلب منه رقم اي شاب سعودي او شابة سعودية يدرس في المعهد وتدق عليه وتستفسر منه عن السكن المناسب ،، أو بامكانك عن طريق البحث في المنتديات واقتراحات الاخوان المفيدة ،، أو افضل خيار وهو انك تكون عارف شخص بهذه الولاية ويجهز لك السكن قبل مجيأك للولايات المتحدة .

    بالنسبة للمواقع الخاصة بالبحث عن سكن والمتواجدة بكثرة على الانترنت ،، فلاحظت فيها نصب ( لا أعمم )،، يعني مثلا يكتب لك في مميزات البيت انه مؤثث وانه في منطقة راقية وسعره كيت وكيت وشامل الانترنت وغيرهـ ،، وعقب ماتروح هناك تتفاجأ انه غير مؤثث ابد ويقولك السعر المدون في الموقع لغرف محددة وانتهت وتلاقي المنطقة ملغمة مشاكل ،، واذا اخترت سكن حاول مباشرة تلجأ لقوقل ماب وتشوفه بالاقمار الصناعيه وتشوف الاشياء القريبه منه والمسافة بينه وبين المعهد او بينه وبين المسجد واقرب نقطة ستوب ستيشن وغيرهـ ،، وهذا هو رابط قوقل ماب :
    Google Maps

    أنت فقط ضع بداية العنوان وراح يطلع لك مباشرة قائمة بالمعاهد والسكن المتوفرة بهذا الاسم في الولايات المتحدة ،، عاد انت اختار الولاية تبعك .

    أما بالنسبة للشخص اللي يرغب بالبحث عن سكن عن طريق النت ويدبر عمره معاهم فالمواقع كثيرة منها :
    Apartments for Rent & Homes for Rent - Rent.com® Apartment Finder
    Apartments for Rent | An Apartment Finder & Guide for Rentals - ForRent.com

    أهم شي انتبه منهم ،، أو حتى كلم اي شخص متواجد هناك يروح يشوف السكن لك ويعطيك معلومات عنه ،، وطريقة البحث فيها بسيطة ،، فقط خذ عنوان المعهد مع الزيب كود وراح يطلع لك المجمعات او الشقق القريبة من هذا العنوان .

    ------------------------------------------------
    3- البحث عن المعهد والكليات المناسبة :

    نصيحتي يالاخوان لكل شخص يبي يبحث عن معهد أنه مباشرة يروح لموقع الملحقية السعودية في امريكا ،، ويحمل رابط المعاهد المعترف فيها ،، وراح تجده على هذا الرابط :
    Approved ESL Program List

    حملها وشوف المعاهد المعترفة في الولاية اللي اخترتها ،، وراح تلاقي بجانب كل معهد العدد التقريبي للطلاب السعوديين المتواجدين في هذا المعهد ،، لكن نصيحتي لك أول ماتختار معهد وتشوفه مناسب لك ،، مباشرة راسل الملحقية والموظفين المسؤولين عن المعاهد وأسالهم هل هذا المعهد معترف لحد الان او موقف للتكدس وغيرهـ ،، لان عندنا ملحقية الله بالخير ،، يقفلون ولاية كاملة بيوم وليلة ،، وراسلهم من خلال الايميلات الموجدة في هذا الرابط :
    Contact

    واذا تبون رأيي حاولو تراسلون الامريكان افضل من ربعنا للاسف ،، وراسلوا واحد اسمه جيمس مور ،، لاني اشوف ردوده افضل من ردود الحلوين حقينا اللي يرد عليك بحرف .

    فهذي نقطة مهمة جدا وانصح الجميع فيها انك مباشرة عقب ماتختار المعهد ،، روح راسل الموظفين ذولي وقولهم هل المعهد مازال معترف او شنو ،،، وايضا رابط المعاهد المعترفة ،، حاول تحمله اسبوعيا من موقع الملحقية ،، لان المعلومات والتعديلات على كلامهم تتطور اسبوعيا .

    أيضا نصيحتي لك عند مراسلة المعهد او الجامعه حاول تمصه مص من أول رسالة ،، لان البعض يكون عندهم زحمة والبعض الاخير يملون من كثر الرسائل ويطنشك ،، فحاول تكتب جميع الاسألة الهامة بالنسبة لك من اول رساله ،، وراح اذكر لكم كمثال ( طبعا ارسلوها بالانجليزي ):

    مرحبا ،، أنا في الحقيقة معجب في معهدكم وارغب بالالتحاق فيه ولكن عندي بعض الاستفسارات الهامة واحتاج الاجابة عليها على شكل نقاط ،، لان لغتي الانجليزية ضعيفة ولم اجدها في موقعكم :
    كم شهر لديكم في الترم للدراسة ؟
    كم سعر الكورس ؟
    كم ساعه باليوم ؟ وكم يوم بالاسبوع ؟
    هل التأمين اجباري ؟ وبكم ؟
    كم اسعار الكتب لكل مستوى ؟
    هل المواصلات متوفرة في المدينة ؟ وبكم كارد المواصلات الشهري ؟
    كم عدد الطلاب السعوديين الموجودين في المعهد ؟
    هل بامكانكم ايجاد سكن مناسب لي ؟ او مساعدتي في ذلك ؟
    اذا طلبت منكم قبول مشروط هل تعطوني اياه ؟ او لابد من توفر شروط ؟


    وغيرها من الاسئلة اللتي تهم الطالب الخاص اكثر من الطالب المبتعث لان الحكومة راح تدفع له .

    أيضا حاول تسجل معلومات كل معهد في ورقة منفصلة ،، عشان تختار المناسب لك سوا من حيث الاسعار او عدد الساعات او عدد الايام في الاسبوع او حتى عدد الطلاب السعوديين .

    فأنا انصح الاخوان بالبحث عن المعاهد والكليات من الرابط الخاص بالملحقية الثقافية في امريكا ،، عشان يكون شغله في السليم من البداية ،، ومايستعجل ويرسل رسوم التسجيل او غيره قبل مايتأكد ان اسم المعهد موجد ومتاح وقبل مايكلمهم ،، لان للاسف لاحظت مافيه مبالاة ابد ابد من موظفي هذا القسم وممكن بيوم واحد يقفلون لك ولاية كاملة فما بالك بمدينة او بمعهد ،، والمشكلة المعلومات اغلبها مغلوطة يعني يقولك عدد الطلاب في هالمعهد 10 تنصدم عقب ماتروح للمعهد وتلاقيهم 30 ،، او يقولك هذا المعهد معترف على حسب الرابط وتنصدم عقب ماتسجل فيه وتدفع الرسوم بأنهم يقولون لك انه موقف .
    وتفضل هالرابط ان شاء الله يفيدك ايضا في البحث عن معهد بالولاية اللتي تريدها :
    ظ…ط¹ط§ظ‡ط¯ ط§ظ„ظ„ط؛ط© ط§ظ„ط¥ظ†ط¬ظ„ظٹط²ظٹط©
    -------------------------------------------------------

    4- تعبئة طلب استخراج فيزا دراسية (F) وطريقة التقديم :

    طبعا تعبئة طلب فيزا دراسية أنا بصراحة كنت مستصعبه لكن تفاجأت انه بسيط وابسط مما توقعت ،، ومافيه تعقيد أبد ،، فقط يبيلك شوية تركيز وامورك بالسليم ان شاء الله ،، مع العلم انهم واضعين ترجمة لكل سؤال بالعربي .

    أولا شد الهمة وتوكل على الله واذا شفت نفسك صامل ومتحمس للسفرية مباشرة راسل المعهد اللي تختارهـ ،، واطلب منهم ورقة القبول أو المسمى ( I-20) وهذي صورتها :
    http://world.unomaha.edu/files/Image...SIONS/I-20.gif

    فأنا عارف بعض الناس ممكن يقول بامكاني اروح للسفارة بدون الـ I-20 ،، لكن نصيحتي للجميع حاول تجيب الـ I-20 قبل ماتقدم اوراقك للسفارة ،، فقط عقب ماتختار المعهد وترسل لهم رسوم التسجيل وجميع الاوراق المطلوبة وتستوفي الشروط راح يرسلون لك الـ I-20 عن طريق الـ DHL ،، وعقب مايرسلونها راح يرسلون لك ايميل يفيدك بذلك ،، وخلال اسبوع او اسبوعين راح يجيك اتصال من الـ DHL يفيدك بأن اوراقك عندهم ،، تروح تستلمها منهم .

    تروح تصور صور شمسية وتقول للمصور ابي صور للفيزا الامريكية ،، صورة بدون نظارات وبدون غطاء للراس بالنسبة للرجال ،، أما بالنسبة للنساء فتخلي شوي من خصلات شعرها ظاهره من الامام كما هو في الصورة التالية :
    http://photos.state.gov/libraries/sa...re%20Guide.gif

    وخله يسوي لك سكان لصورة ويضعها لك في قرص او سيدي على صيغة JPG لانك راح تحتاجها عند تعبئة الابلكيشن .

    بعد ذلك تعبي الابلكيشن المطلوب منك DS-160 اونلاين عن طريق الرابط التالي :
    https://ceac.state.gov/genniv/

    وتعبئة الابلكيشن مافيه صعوبة يالاخوان ،، واذا محتاجين شرح انا مستعد اسوي شرح عن طريق اليوتيوب او بالصور أن شاء الله .

    وحاول كل ماتعبي صفحة تسوي لها حفظ وثمن تنتقل للصفحة الثانية وهكذا ،، لان الابلكيشن اذا وقفت فترة طويلة ماسويت شي ينعاد عليك ،، واوقات يعلق واوقات تجيك اساله ماتعرف اجاباتها وتتوهق ،، فالافضل عقب ماتعبي اي صفحة وتتأكد من المعلومات سوي لها حفظ قبل ماتنتقل للصفحة الثانية .

    عقب ماتنتهي من تعبئته راح تطلع لك الصفحه النهائية اللي هي اهم ورقة وهي ورقة التأكيد وراح تلاقي فيها صورتك ومعلوماتك ،، اطبعها مباشرة واحتفظ فيها لانها اهم ورقة ،، وهي شكلها تقريبا مثل هذي :
    http://photos.state.gov/libraries/ca...nfirmation.jpg

    (( لاتنسى رمز الكود حق الابلكيشن راح تلاقيه على اليمين تحت الكود ويبدأ بـ AA راح تحتاجه))


    بعد ذلك جهز بطاقة الفيزا او الماستر كارد اللي معك لانك راح تحتاجها هنا في حجز الموعد ،،، تروح تفتح هذا الرابط :
    https://ksa.us-visaservices.com/Forms/DetermineTCN.aspx

    (( في خانة الرقم السري راح تتعبكم شوي ولكن طريقتها كالتالي ،، لازم تضع حرف كابيتل اقل شي وحروف سمول ورقم ورموز من الرموز اللي واضعينها لك فقط وماتقل كلمة السر عن عشرة ،، مثال Mohamad@123

    وبعد ماتعبي جميع البيانات تسدد الرسوم اللي عليك وهي ( 45 ريال ) وتطبع الورقة اللي تثبت انك سددت .

    بعد ذلك تسدد رسوم السيفس وهي ( 200 $ ) من خلال الرابط التالي :
    https://www.fmjfee.com/i901fee/index.jsp

    Proceed to I-901 Form and Payment + I-20 +OK

    بعد ذلك تعبي البيانات المطلوبة وتضع رقم السيفس الموجود في الـ I-20 تبعك ويبدأ بحرف الـ N وتطبع الورقة ايضا .

    بعد ذلك تذهب لاي فرع من فروع بنك سامبا وتدفع رسوم الفيزا الامريكية وراح ياخذ عليك ( 532 ريال ) .

    بعد ذلك تحضر الاوراق المكملة الاخرى مثل :
    جواز السفر
    كشف الحساب لأخر ثلاث اشهر
    ورقة من المتكفل بمصاريفك وفيها يتعهد بتكفله بمصاريفك (( خاص لغير المبتعثين ))
    اخر شهادة لك مترجمة مع حسن السيرة اذا امكن
    ورقة من العمل اذا كنت تعمل او اي اثبات بانك كنت تدرس ،، لانهم راح يدققون في هالجانب
    وصور من تأشيرات السفرات السابقة لك لاخر خمس سنوات
    وغيرها من الاوراق اللتي تراها مفيدة .
    ---------------------------------------------------------

    بأختصار عارف ان اكثركم انلحس مخه لاني كاتب هالموضوع بدون ترتيب لذلك راح اذكرها مره اخرى وبشكل اوضح ،، الاوراق المطلوبة للتقديم على الفيزا الدراسية الامريكية هي :
    1- جهز بطاقة الفيزا او الماستر كارد اللي معك .
    2- احضار اصل الـ I-20 .
    3- تعبئة الابلكيشن DS-160 أونلاين ،، احضار الورقة المطبوعه حقت التأكيد فقط ،، اللي فيها صورتك ورقم الكود ،، اهم ورقة .
    4- حجز موعد ودفع رسومه البالغة (45 ريال ) .
    5- دفع رسوم السيفس اونلاين وهي (200$ ) .
    6- دفع رسوم الفيزا عن طريق بنك سامبا وهو مبلغ ( 532 ريال ) مهمة جدا انتبه تضيعها .
    7- جواز السفر الاصلي .
    8- صور من تاشيرات سفراتك السابقة اذا امكنك .
    9- ورقة من العمل تثبت انك موظف او ورقة تثبت انك طالب اذا لم تكن تعمل .
    10- كشف حساب لاخر ثلاث اشهر .
    11- ورقة من المتكفل بمصاريفك ( للطلاب الدارسين على حسابهم ) .
    12- ترجمة لاخر شهادة دراسية لديك .
    13- الصور الشخصية .
    14- تروح للسفارة الامريكية بالرياض .
    15- اترك جوالك ومفاتيحك في السيارة .
    16- عند الاستقبال وقبل مايدخلونك جهز لهم ( جوازك+ رسوم سداد سامبا الصفراء+ ورقة التأكيد حقت النموذج DS-160).
    17- ادخل داخل وانتظر رقمك ،، وخلك ذهين لان ممكن رقمك يجي في الغرفة الثانية وراح ينادون علي رقمك السيكورتيه .
    18- في البداية راح تدخل عند واحد بيقلب في اوراقك بسرعه وبياخذ بصماتك وبياخذ الاوراق المهمة وبيقولك انتظر في الجهة الثانية ( لاترمي رقمك ) .
    19- انتظر في الجهة الاخرى لحد مايجي رقمك وتروح للموظف اللي راح يسوي لك المقابله .
    20- اذا خلص منك راح ياخذ جوازك ويقولك روح سدد رسوم الفيدكس وهي ( 65 ريال للشخص ) ،، بالنسبة للعوائل لا اعلم .
    21- عطه عنوانك وراح يرسلون جوازك ان شاء الله لاقرب فرع للفيديكس من بيتكم .
    22- توكل على الله وشف حياتك لحد ماتجيك رساله من الفيديكس او اتصال تخبرك بانتهاء اوراقك ،، وروح استلمها .

    ---------------------------------------------------------------------

    5- معلومات عامة وهامة عن أمريكا وقوانينها واسعارها وغيرها :

    ودي اعطيكم بعض المعلومات المتواضعه اللتي لدي وان شاء الله انها تفيدكم .
    1- قبل ماتسجل في اي معهد ،، حاول تكلم الملحقية وتتأكد منهم هل المعهد مازال معتمد ام لا ،، حتى ولو كان مسجل في رابط موقعهم .
    2- للي بيدرس على حسابه انت راح تدفع فلوس ،، فمن حقك تسال المعهد عن اي سؤال براسك وتضبط ميزانيتك وتكون عارف كم صرفيتك ،، ولا تهمل اي صغيرة عشان ماتنصدم هناك بزيادة مصاريفك ،، فأسال المعهد عن اي شي تبيه .
    3- ضروري تستخرج لنفسك بطاقة فيزا او ماستر كارد سوا الخاصة ببنك الراجحي ( تسوق مسبقة الدفع ) او الخاصة بالاهلي .
    4- اي ورقة تسويها اونلاين سوا تعبئة الابلكيشن او اثبات حجز الموعد او سداد رسوم السيفس ،، مباشرة اطبعها ،، وفوق هذا صورها .
    5- تفاجات صراحة بسهولة الاجراءات داخل السفارة ،، فقد كان تركيزهم فقط على ورقة التأكيد تبع الابلكيشن ، وعلى رسوم سامبا ، وعلى المتكفل بمصاريفك وورقة العمل وكشف الحساب فقط ،، اما باقي الاوراق كان وجودها كعدمها لانه ماطالع فيها حتى ،، حتى الصور الشخصية مايطلبونها ،، ومع ذلك انصح الجميع باخذ احتياطاتهم واحضار جميع الاوراق من باب الاحتياط .
    6- عند المقابلة خلك مبتسم وهادئ جدا لان ماله داعي ترتبك ابد ،، وخل عيونك بعيونه ،، وجاوب على استفساراته بكل ثقة ولا تتفلسف ،، فراح يسالك مثلا لماذا اخترت هذه الولاية ؟ ماذا كنت تعمل بعد تخرجك ؟ ماذا كنت تعمل في الفترة الفلانية ؟ من سيتكفل بمصاريفك ؟ واساله تافهه جدا ،، والمقابلة ماراح تاخذ منك اكثر من خمس دقايق ،، انا طحت مع واحد حبيب ودقيتها معه سواليف لان ماله داعي ارتبك اساسا ( لا تسوونها هههه ) ،، اذا وافقوا خير وبركه واذا ماوافقوا قدر الله وماطارت الدنيا .
    7- من خلال بحثي الطويل وجدت افضل ولايتين من حيث الاسعار المناسبة والامن هي ولاية تكساس و اوريغون ،، والله اعلم .


    والكلام كثير لكن ماودي اطيل اكثر من كذا ،، واتمنى ان الموضوع يفيدكم ولو بالقليل ،، وعارف ان الموضوع غير منسق هههههه لكن كاتبه لك ونا مريض .

    وكما ذكرت لكم هي معلومات قد تكون معلومة لدى الكثير لكن مخفية لدى القليل ،، واي نقص فيها يرجئ تذكيري به ،، فان اصبت فمن الله وان اخطأت فمن الشيطان .

    بالتوفيق للجميع
  2. مقارنة سريعه بين الفيزا الكندية والامريكية :

    الفيزا الكندية خذت مني اكثر من شهرين وفي الاخير رفض .

    الفيزا الامريكية ،، قدمت عليها يوم الأحد الماضي وأستلمتها اليوم ،، يعني ثلاث ايام بالضبط .

    بلا كندا بلا بطيخ

    بالتوفيق
    7 "
  3. والله مفروض اول النصايح اللي تنصحها اللي جاين امريكا

    ياخذون علاجات ومضادات ومهداءت لان بيحصلون حقاره ولعانه من الملحقيه ولازم يعرف الطالب والطالبه
    انه باليوم يداوم داومين بالمعهد ومتابعه الملحقيه

    الله يعين بس كل شي بامريكا سهالات مايحتاج خوف بس الصعوبات واللعانه تجي من الملحقيه هي اللي مصعبه كل شي علينا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.