مقابلة الوزير !!!

السلام عليكم ورحمة الله وبركاته
كيف الحال يا اخوان ؟؟
موضوعي ومافيه اني قدمت على بعثه الملك عبدالله وما انقبلت بسبب انه ناقصني ثلاث درجات في اختبار القدرات !!!!

المهم الوالد طلع الرياض وراح الوزارة وقابل الوزير (خالد العنقري) وقدمله معروض كاتب فيه القصه من الى ...

وشرحله وضعي انه ناقصني ثلاث درجات بس وانقبل في البعثه ومن ذا الكلام والوزير قال لابوي ( خير ان شاء الله)
وشرح على المعروض بس ماني عارف ايش اللي كتبه بالضبط !!

وحوله لمدير مكتبه ومدير المكتب اخذ رقم الوالد وقله ان شاء اله نتواصل معكم بالرسايل

وسار عالكلام ذا اسبوعين بالضبط ولا ارسلو ولا رساله

سؤالي في امل اني انقبل ولا تصريفه من التصريفات تعتبر ؟؟!!؟؟

ارجوا من اي شخص مر بالموقف هذا او يعرف احر سارله نفس الشي انه يرد علي

ويعطيكم الف عافيه

دعوااااتكم

up up up up up

صعب نفتي لك ونجلسك على أعصابك بسبب افتراضات اسالنا عن معلومات بنفيدك بس افتراضات صدقني بتنوجع
انت توكل على الله ربي وربك وربهم بس لازم تشوف اي مجال ثاني تدرسه بالاضافة الى انتظارك رد على المعروض
هذا الشي تعلمته من الأمريكان نفسهم يحلمون بشي بس يشتغلون في غيره عشان لو متحقق حملهم يلقون ان بإمكانهم المواصلة وان القطار مافاتهم استغل وقتك ولا تسمح للدقيقة تمر بدون تستغلها
كد الدقيقة كد تراها ما ترجع
الله يوفقك اخوي

الله يكتب اللي فيه الخير

يا صديقي يعني ما تعرف الوزير حق تسليك

انا واحد من اخوياي وقع له الوزير ووكيل الابتعاث ولا صار شيء الكلام هذا من شهر .

وانا بيدخل ابوي الله يطول بعمره , على الوزير بعد يومين بأذن الله

والله يكتب اللي فيه الخير

ودنا ننضم كلنا

الله يكتب اللي فيه الخيـــــــر ياربـــ

وكلامك سليــــم : انا بادرس حاليا في جامعة الملك عبدالعزيز

مشكووور عالمروور اخوي

رد مانــ : اميـــــــــنـــ ياربـــ ليا وليك وللجميع !!!

nayfe: الله يسهل امرك وينحل موضوعك ان شاء الله

الله يكتبلنا الخير يارب

اذا حول اوراقك الى وكالة شؤون البعثات في الغدير ... فهذي تصريفه
وبرضو حتى تطمن خلي احد اقاربك يروح لفرع الوزارة اللي بالغدير ويعطيهم رقم الصادر ..


وان شاء الله تتيسر امورك