الأعضاء الإشتراك و التسجيل

الملتقيات
ADs

مساعدة طلب الغاء البعثة

مساعدة طلب الغاء البعثة


NOTICE

تنبيه: هذا الموضوع قديم. تم طرحه قبل 2122 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MOmrM
    MOmrM

    مبتعث مستجد Freshman Member

    MOmrM الولايات المتحدة الأمريكية

    MOmrM , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى null , بجامعة Null
    • Null
    • null
    • ذكر
    • Null, Null
    • السعودية
    • Jan 2012
    المزيدl

    February 22nd, 2012, 08:54 AM

    السلام عليكم...

    انا مرافق لزوجتي في المرحلة السابعة، بعد ثلاثة ايام طلبت مني الغاء البعثة والعودة الى السعودية.
    هل من مساءلة او اي مشكلة امنية اذا قمت بالحجز والعودة مباشرة دون ابلاغ الملحقية او المعهد؟
    و من هل من اجراءات تسبق عودتنا؟

    وشكرا...
  2. اقول لك ومن تجربه :

    اول ثلاث اشهر وغالبا شهرين هي اصعب مايمر على المبتعث او المغترب بشكل عام ، لان المرحله هذي عباره عن تحول في حياتك في روتينك في امورك الاجتماعيه
    الحياة بالنسبه لك تغيرت كليا ً ، لا الاكل زي اول ولا الناس زي الناس .. واشياء كثيره غريبه تشوفها وتغيرت عليك

    في هالحاله الانسان طبيعي الحاله النفسيه للشخص تتغير ، التغيير اللي طرأ في حياتك مو بسيط انت غيرت حياتك بالكامل من ( اكل وشرب ، واسره ، ودوله ، والخ )
    وهنا تبدا المعاناة تفكير كثير؟! متى برجع متى بخلص؟ الى متى انا مثل هالحاله؟ تجلس تسولف مع اهلك تشوفهم بالسكايب على قهوه المغرب والجمعه والصغار يلعبون
    تبدا تقول انا وش جابني هنا ؟؟؟

    لكن صدقني بمجرد انك تصبر وتتحمل اول شهرين ثلاث شهور ، بتلاحظ ان نفسيتك بدت تعود دخلت بالمجتمع بديت تعرف وين تروح وين تجي ، تتصرف وكأنك في ديرتك
    وهنا ينكسر اشياء كثيره منها الخوف والارتباك والوسوسه لما تكون لحالك ..

    الشي الاخر ، الدراسه في بلد الغربه هي غالبا متعة الشخص وهي غالبا اللي يحس انه مع الناس ،، ينشغل ومايكون فاضي للهواجيس والتفكير اللي يخرب نفسيته
    عشان كذا نصيحتي لك / اقنع زوجتك انها تعتبر انكم جايين سياحه شهر شهرين اذا ماعجبنا الوضع رجعنا ومتأكد بعدها بيكون الوضع عادي عندها وتبي تتأقلم

    انت بعد من جهتك لازم انت تحاول تشوف عوائل وتتعرف عليهم بحيث ان زوجتك تتعرف على بنات زيها ويجلسون مع بعض ، حتى ما تفقد كل شي ( دفعه وحده )
    وغالبا هي لادرست بالمعهد راح تلاقي سعوديات وتتعرف عليهم ويهون عليها اشياء كثيره ..

    انتبه تستعجل صدقني راح تندم ، اقنعها انكم هنا لغرض السياحه شهر شهرين ماتأقلمت خلاص نرجع ونعتبرها سياحه ، وصدقني بعدها بتشوف زوجتك غير خصوصا لابدت الدراسه
    اما الاجراءات القانونيه ، مافي اي اجراء متى ماحبيت ترجع قص تذكره وارجع لديرتك لاتحتاج لإي شي ..

    الله يوفقكم ، وان شاء الله تزول مشكلتك في اقرب وقت
    7 "
  3. لا أعتقد - والله أعلم - أنه يوجد إجراءات يمكن عملها مع المعهد لطالما لم تسجل حضورها منذ مجيئكم. ولم تذكر لنا هل تم فتح ملف للمبتعثة. إذا تم فتح الملف للمبتعثة وتسليمها الضمان المالي لها, انصح أن يتم إيقفال الملف او يتم إيقاف بعثتها مؤقتا.

    من رأي إنك تشاور الموضوع مرة ثانية مع زوجتك وحاول إنك مع الأيام تتعرف على عوائل سعودية وتروح عندهم عشان تعرف سوالف الحريم
    الله يعينك و يصبرك
    7 "
  4. كون قوي أمامها ومايهزك شي من الظروف وخلك حليم ترا والله الي تمر فيه زوجتك ممكن اصعب احساس تملكها
    مرينا بنفس المرحلة وهناك من اعتلاها بدرجات اذكر أني اصبحت أخشى من أفكاري بس أهلي ساعدوني والاختلاط بالسعوديات والتعرف على ما يخالجني من خلال تجاربهم
    فترة وتعدي مثل الفايرس يأخذ وقته لحاله ويمشي وما تحتاج لمضاد
    لا تحس ان وجودك رسمي وجدي حاول تستمتع ولا تحسسها بالذنب انها لو نزلت انت راح تخسر كثير وتبتدي انت من الصفر وهي السبب كذا انت تخليها تحس بال استنزاف الى حدالانهيااار
    وقولها اذا مارتحتي الى قبل الدراسة بننززل بس خلينا الحين نغير جو وتشيل فكرة الدراسة صدقني لحالها بعدين تقول خلينا نكمل بس انت حلها تطلع وتشوف العالم والمجتمع السعودي هنا صدقني بتنبسطط وأحساسها بالوحدة والغربة بيختفي

    وكللللللنا مرينا بها لمرحلة بس انت ارفق فيها
    7 "
  5. اخوي لازم تراعي شعور زوجتك وأنها بعيدة عن اهلها وأمها خصوصا وتكون انت الزوج والأب والصاحب لها. ونصيحة أنك تستغل الايام قبل الدراسة وتذهب معها لمناطق حلوة وخليها شهر عسل اخر. والله يوفقكم ويسعدكم
    7 "
  6. التفاهم زين
    بين لها انك استقلت من عملك عشانها
    واعرف سبب رغبتها بالعوده ... مستحيل ان يكون الأمر استعباط منها ... وما ادري من ايش خايفه ... هل انتم في منطقه غير امنه؟؟
    صدقني بعد فترة بتطلب تمديد للبعثه للماستر وللدكتوراه واذا فيه غير الدكتوراه راح تطلب تمديد بعد
    7 "
  7. الله يعينك يااخوي

    وهالشي جميعنا يمر علينا اول شهر او شهرين

    ولاتصير زيي لاني طبقت هالشي ورجعنا للسعوديه

    بعد شي شفته من غرابيل وشقا ومسكت معي انا لو البعثه فيها كنوز الدنيا

    اني راجع راجع ورجعت للسعوديه لكن احسن شي سويته

    اننا سوينا ع البعثه هولد وتاجيل فاانت حاول مع زوجتك واذا مره

    ملزمه ع الرجوع سو تاجيل للبعثه لمدة شهرين وارجعوا
    7 "
  8. فتره وتعدي
    احلى طريقه خل الدعوه فله ووناسه وسياحه ،، وصدقني تبداً بس بالدراسه راح تنسى زوجتك او راح تتناسى الغربه وانت ادفعها لهالشي ب محاولاتك
    وعليك ان تحمسها من الان ،، والله يوفقكم ويكتب لكم كل خيررر
    وانت عائلتها ،، الاب والام والاخ والاخت!!!! ضبط الجو واصبر ي سيدد
    واذا بتنزلون اعملوا هولد للبعثه
    والله الموفق

    اما بخصوص الاخ اياد ،، لطالما يعجبني منك رد ويكرهني فيك 10 ردود
    ي ليت انك تحترم الاعضاء والعضو اللي طارح الموضوع ،، ومالها داعي مدة اللسان على غير سنع
    انتبه لكلامك مرره اخرى

    الله يهديك بس
    من لا يحترم لا يُحتَرم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.