محتار بقوة أتمنى مساعدتكم
تحدثت مع أكثر من مكتب يجيب قبولات ولكن الأغلبيه قالوا لأن معدلك 2.41 من 4 صعب جدا تحصل قبول مشروط من جامعه جيده وتدرس بمعهد الجامعه يعني قصدهم دام معدلك مخيس ادرس بجامعه مخيسه , انا الصراحه احبطت لأن طموحي كبير فـ قلبت السالفه براسي قلت ورى ما أدرس بمعهد تجاري لحد ما أخلص دراسة اللغه وبعدها اجيب قبول غير مشروط من الجامعه اللي أبيها... أتمنى منكم تفيدوني
رد: محتار بقوة أتمنى مساعدتكم
أخي الحبيب
مقاعد الدراسات العليا تنافسية ، وبعض الجامعات تستبعد ملفك من قسم القبول والتسجيل لعدم مطابقة شروط التسجيل.
أنصحك الحصول على خبرات ودورات في المجال المطلوب ، وعند دراستك للغة حاول التواصل مع دكاترة الجامعة بالايميل وإعطاء تصور شامل عن خبراتك وشهاداتك حتى تاخذ موافقتهم بالإشراف عليك ، وعندها قدم أوراقك بشكل رسمي لأن قبولك أصبح مضمون بإذن الله.
ربنا يوفقك
رد: محتار بقوة أتمنى مساعدتكم
اخوي هناك خيار جيد لك الي هو من الامكان تدرس في جامعه تقبلك ولما تخلص سمستر او مجموع ساعات يرفع معدلك تنتقل او تبحث عن جامعه قويه .
او انك تجيب درجه عاليه با لـــجي ار اي او فيه جامعات تعطيك برنامج اسمه بردج يرفع معدل بعد دراسه سمستر ثم تنتقل الى نفس الجامعه لتخصص الي تبي بس من الطبيعي يكون معدلك ارتفع تقبل تحياتي و المكاتب لا تثق فيهم واجد الله يوفقك
رد: محتار بقوة أتمنى مساعدتكم
اخي الكريم الدورات والخبرات الاخرى والشهادات تفيدك كثير .. يعني ممكن يشوفون معدلك وما يعجبهم بس يشوفون خبراتك يقولون جيد ويقبلونك .. في دورات واجدة تفيدك وخبرات وخاصة اذا جيت امريكا في مجموعة كبيرة من الاشياء تقدر تسويها وتفيدك
رد: محتار بقوة أتمنى مساعدتكم
أخوي إذا أنت بالشرقيه عطني خبر وعطيك مكتب متياز وثقيه
وياليت أقدر ساعدك ياري
واسال الله لك التوفي وتسهيل ياخوي
مابعد الضيق الا الفرج وان اخوك
رد: محتار بقوة أتمنى مساعدتكم
الله يجزاكم بالخير ويبارك فيكم ماقصرتوا ولا تقصرون حقيقه, بالنسبه للخبرات والدوارت صفر ماعندي أي منها, انا خلصت بكالوريس فقط واللغه الانجليزيه جيده الى جيد جدا بحكم ان دراسة تخصصي بالبكالوريس بالإنجليزي
ومستعجل شوي ودي أدرس لغة وأكمل ماجستير بأسرع وقت يعني أبدا الدراسة بعد شهر أو شهرين بالكثير يعني مافيه مجال احصل على خبرات ودورات
اقتباس:
اخوي هناك خيار جيد لك الي هو من الامكان تدرس في جامعه تقبلك ولما تخلص سمستر او مجموع ساعات يرفع معدلك تنتقل او تبحث عن جامعه قويه .
او انك تجيب درجه عاليه با لـــجي ار اي او فيه جامعات تعطيك برنامج اسمه بردج يرفع معدل بعد دراسه سمستر ثم تنتقل الى نفس الجامعه لتخصص الي تبي بس من الطبيعي يكون معدلك ارتفع تقبل تحياتي و المكاتب لا تثق فيهم واجد الله يوفقك
أخوي اقتراحك جيد جدا بس هل هو قابل للتطبيق وبسهوله ولا فيه تعقيدات؟
لو تقدر ترسل لي إيميلك ع الخاص أكون ممنون لك وشاكر أو سكايب أو أي وسيلة تواصل
اقتباس:
أخوي إذا أنت بالشرقيه عطني خبر وعطيك مكتب متياز وثقيه
وياليت أقدر ساعدك ياري
واسال الله لك التوفي وتسهيل ياخوي
مابعد الضيق الا الفرج وان اخوك
بارك الله فيك أخوي وعسى الله يكتب لك الأجر بس المشكله أنا بالطائف
رد: محتار بقوة أتمنى مساعدتكم
اخوي علي أضفتك ع المسنجر وان شاء الله يكون بيننا تواصل, إيميلي BA7R@h8tmail.com