مبتعث مستجد Freshman Member
غير معرف
eng_fawaz
, تخصصى مهندس
, بجامعة San Diego State University
- San Diego State University
- مهندس
- غير معرف
- San Diego, CA
- غير معرف
- Aug 2006
المزيدl December 21st, 2007, 01:20 PM
December 21st, 2007, 01:20 PM
السلام عليكم ورحمة الله وبركاته
كيفكم شباب وكل عام وانتم بخير
ابشركم سفرتي الى امريكا قربت في بداية يناير لكن عندي بعض الاستفسارات ودي الي عنده خلفية يفيدني قبل ماأسافر وأنا بأرتبها في نقاط على أساس انه ممكن ان غيري يستفيد منها:
1- ماهي الأشياء التي يجب ان يحضرها الشخص معه من السعودية لعدم توفرها في امريكا، مثل انا سمعت ان افياش الكهرباء عندهم ثلاثية يعني لابد من توصيلات وش فيه حاجات اخرى مهمة لابد احضارها من هنا .
2- انا مسافر عن طريق الخطوط السعودية من الرياض الى واشنطن ومن ثم سابقى في واشنطن لمدة يومين لانهاء اجراءات السفارة (هل تكفي يومين لانها الاجراءات) ثم ساتجه الى كالفورنيا سان دييغو ، هل من الأفضل ان احجز السكن في واشنطن من الرياض عن طريق مكتب الطيار او اذهب الى هناك مباشرةمن دون حجز.
3- طلب معهد اللغة مني في اول يوم اصل فيه ان احضر جواز السفر وكذلك ال اي 20 وطلب ايضا الكرت الابيض اي 94 الي يعطونه في الطياره السؤال هل سيعيدون الكرت الأبيض لي بعد انهاء اجراءات المطار يعني بيكون معي ال اي 94 بعد انهاء اللاجراءات وا لا .
4- طلب معهد اللغة مني حاجة غريبة مافهمت قصدهم منها وهي
proof of health insurance
اثبات ان الحالة الصحية جيدة ماأدري هل يقصدون تطعيم والا تقرير طبي الي عنده خلفية يفيدني وهل الأفضل ان اعمله هنا في الرياض والا اذا وصلت هناك واذا في الرياض وش المستشفى الي يسوية .
5- هل استخدم فيزا البنك الي معي من السعودية هناك والا اكنسلها قبل ما اسافر .
اذا فيه اي معلومات اضافية افيدونا بها وجزاكم الله كل خير
تبي نصيحتي :
خذ معك ادويه واركز على كلمة ادويه تراها هنا نااااااااار .. خذ ادويتك المعتادة .. فيكس ومضادات وكريمات وبنادول وفيفادول وكل الادوية اللي تحتاجها وتستعملها .. لان العلاج هنا بهذلة ومواعيدهم غثيثة.. مرهم كنت استخدمة بالسعودية ما اقدر اخذه هنا الا بوصفه طبيه .. قيمته هنا 177$ وبالسعودية 23 ريال ...!
خذ افياش وخذ اللاب توب حقك حتى تستقر امورك لانك بتطفش اول الايام بدون لاب توب.. .. احمد ربي اني ماسمعت كلامهم وتركت جهازي بالسعودية .
ولاتلغي جوالك العام السعودي الا بعد ماتطلع شريحة من امريكا.. لان اول فترة بتذكر كلامي تحتاج الجوال حاجة مرررعبة وانت غريب بالديرة. لا ومكالمات جوالاتهم الدولية مزعجة بعد لازم شحن وحوسة.. وعلى فكرة جوال السوا مايشتغل بامريكا.. يعني خذ حيطتك
تفتيشهم في واشنطن كان سهل مافتحوا ولا شنطة ولا حتى جهازي.. مجرد تفتيش بسيط يوم طلعت ثاني يوم من مطار واشنطن دلاس لأوهايو ..لكن الحيطة واجبة اترك جهازك نظيف
خذ معاك ملابس لان الاسعار هنا فيها حقها وراح تاخذ منك ميزانيه =متندمة ما كثرت ملابس من الرياض .
خذ دفاتر واقلام رصاص وعدة الدراسة حتى شنطة ظهر وكل شي يخص الدراسة لانك عندهم شغلات اقل من عادية.
صور جميع اوراقك صور كثيرة لانك بتتوهق من كثر ماتصور .. وترجم شهادة التطعيم لان بعض الجامعات تطلبها..
قهوة وتمر حبيبات القلب ولاتنسى الليبتون والله ياهو انا متوهقة مع الشاهي حقهم الخفيييييف هههههههه
موضوع واشنطن لازم ترسل فاكس للملحقية قبل رحلتك بأسبوع عن وقت رحلتك عشان تحصل فلبيني او مصري وانت طالع من صالة المطار بتحصل ستاربكس على يدك اليمين وعنده عربة شنط مكتوب عليها الملحقية السعودية واقف عندها فلبيني من الكرت اللي معلقة بالبدله .. بياخذكم على فندق روووعه وسعره حلو في واشنطن.. وبيجلسون معك للصبح ويودونك للملحقية.. نصيحة لاتحجز انت بروحك لان الملحقية ماراح تقصر معك وبتحجز لك فندق حلو اسمه
HAWTHORN SUITES
هــذا رقــم أحـــمـد الـبـقـمـي مندوب الملحقية اللي في العادة يستقبل الطلاب الجدد
2022988876-001
وهــذا رقــم " عــــــلاء " ســائق الملحقية
70339459086-001
بطاقة الفيزا تشتغل ومهمة هنا لان حساب البنك تأخر ماجاني الرقم السري الا امس مع اني فاتحة الحساب قبل شهر .. ولاتنسى خذ نقد معك حوالي ألفين دولار لانك بتحتاجهم
ضروري تسوي وكالة عامة لاحد من اهلك بالرياض .. ماتدري عن الظروف.. وسهل موضوعها تروح المحكمة ربع ساعه وتاخذ معك شاهدين .
والشنط عندك لاتزيد كل شنطة عن 25 كيلو مسموح لك شنطتين كبار 25 كيلو ( داخل امريكا بالرحلات الداخلية ) (ماعندك مشكلة بالخطوط السعودية لانهم يتساهلون حتى 30 كيلو) ومسموح لك شنطة 10 كيلو داخل الطيارة مع شنطة لاب توب وشنطة يد
خذ معك شرشف وغطى مخدة لانك اول فترة بتتنقل كثير بالفنادق وبتلوع كبدك من شراشفهم
خذ صور كثيرة من بطاقة الاحوال واترك الاصل بالسعودية .
خذ شهاداتك الثانوي كلها لان اشوف طلاب طلبوها منهم .. ترجمها وهاتها ...
امممم وش بعد .. تقريباً هذا كل اللي عندي
وتوصل بالسلامة يارب
برقية عزاء December 23rd, 2007, 02:55 AM
7 " اخت برقية عزاء شكراً جزيلاً على النصائح .
مبتعث الى الفقر December 23rd, 2007, 10:23 AM
7 " الأخوان THE PATRIOT , ابو الحسن ، برقية عزاء يعطيكم الف عافية
eng_fawaz December 24th, 2007, 12:33 PM
7 " يالربع انا ماعندي قبول مشروط من الجامعة لمرحلة الماستر فقط قبول معهد اللغة لان الجهة الي ابتعثتني موافقة بس المشكلة الأدفايزر الي بيكون مشرف علي في الملحقية سمعت انه بيدقق على الموضوع وبيصير فيه تعقيد في الموضوع هل هذا الكلام صحيح ام لا
eng_fawaz December 24th, 2007, 12:51 PM
7 " كذلك ما ادري انا ادخن دخان مش امريكي وسمعت من الشباب انه مو موجود بكثرة هناك هل استطيع شراء مجموعة كبيرة من هنا والدخول الى امريكا بدون مشكلة
eng_fawaz December 24th, 2007, 12:53 PM
7 " 
LinkBack URL
About LinkBacks
December 21st, 2007, 01:20 PM
كيفكم شباب وكل عام وانتم بخير
ابشركم سفرتي الى امريكا قربت في بداية يناير لكن عندي بعض الاستفسارات ودي الي عنده خلفية يفيدني قبل ماأسافر وأنا بأرتبها في نقاط على أساس انه ممكن ان غيري يستفيد منها:
1- ماهي الأشياء التي يجب ان يحضرها الشخص معه من السعودية لعدم توفرها في امريكا، مثل انا سمعت ان افياش الكهرباء عندهم ثلاثية يعني لابد من توصيلات وش فيه حاجات اخرى مهمة لابد احضارها من هنا .
2- انا مسافر عن طريق الخطوط السعودية من الرياض الى واشنطن ومن ثم سابقى في واشنطن لمدة يومين لانهاء اجراءات السفارة (هل تكفي يومين لانها الاجراءات) ثم ساتجه الى كالفورنيا سان دييغو ، هل من الأفضل ان احجز السكن في واشنطن من الرياض عن طريق مكتب الطيار او اذهب الى هناك مباشرةمن دون حجز.
3- طلب معهد اللغة مني في اول يوم اصل فيه ان احضر جواز السفر وكذلك ال اي 20 وطلب ايضا الكرت الابيض اي 94 الي يعطونه في الطياره السؤال هل سيعيدون الكرت الأبيض لي بعد انهاء اجراءات المطار يعني بيكون معي ال اي 94 بعد انهاء اللاجراءات وا لا .
4- طلب معهد اللغة مني حاجة غريبة مافهمت قصدهم منها وهي
proof of health insurance
اثبات ان الحالة الصحية جيدة ماأدري هل يقصدون تطعيم والا تقرير طبي الي عنده خلفية يفيدني وهل الأفضل ان اعمله هنا في الرياض والا اذا وصلت هناك واذا في الرياض وش المستشفى الي يسوية .
5- هل استخدم فيزا البنك الي معي من السعودية هناك والا اكنسلها قبل ما اسافر .
اذا فيه اي معلومات اضافية افيدونا بها وجزاكم الله كل خير