جامعات ولاية كالفورنيا

السلام عليكم ورحمة الله وبركاته

صباحكم أو مساؤكم خير بأذن الله :)

أخواني و أخواتي مبتعثين ومبتعثات أمريكا لكم مني اطيب تحية من مبتعث سابق :o

عندي كم سؤال عن ولاية كاليفورنيا و ومدنها وعن جامعاتها اللي تضم تخصصات الهندسة للباكالوريوس

حبيت أسأل عن جامعة وسيعة صدر طبعا اقصد بوسيعة صدر ان ما يصعبون الدراسة ومو شرط انها تكون ذات مستوى عالي ما بين الجامعات لان هالشي ما يهمني كثر ما يهمني اني اقدر اتخرج بشهادة الهندسة ومايكون فيها تكدس الطلاب عشان الاقي لي محل فيها. هذا بخصوص الجامعة.

بخصوص المدينة تكفوووون لاحد ينصحني بمدينة منقطعة عن الحياة :( ترا كنت في جنوب استراليا وطلع النخل في راسي من كثر الهدوء.
طبعا مو شرط تكون المدينة 24 ساعة حية بس على الاقل يكون فيها اماكن للزيارة والتمشي.

وبخصوص الميزانية المالية في هذي الولاية هل يستطيع مبتعث عايش على الله ثم المكافأة يعيش في هذي المدينة من دون تحويل مالي من الاهل ؟؟؟

طبعا انا حاط في بالي انها شوي غالية لكن كل شي يهون عند الراحة النفسية :)


رجاء منكم في انتظار ردودكم على احر من الجمر عشان اقدر اجيب منهم قبول واكمل الاجراءات الناقصة ومثل ما انتو عارفين ان الاجراءات في السعودية اذا هي تستاهل يوم تاخذ من المسؤولين شهر كامل !!

عشان كذا فضلا لا امرا جميع المعلومات التي تتوقعون انها تفيدني لا تبخلون علي فيها.

لكم مني جزيل الشكر والتقدير ..... ودمتم في رعاية الله وحفظه.......