رد: لكل طالب ماجستير و ما زال في مرحلة اللغة او سوف يبدأ اللغة
الله يجزاك خيراً أخوي عبدالرحمن لكن بسألك عن أختبار التوفل والأيلتس هل ينطبق عليه نفس النظام وهل لها دورات معينه؟؟
بالنسبه لهذه الدورات هل يجب أن يكون لديك حصيله لغويه قبل الإلتحاق بها؟؟
وأخوي عبدالرحمن بما أن أحسست أن لديك خبره مواضيع القبول هي يشترط توصيات وكتابة sa للحصول على قبول مشروط
رد: لكل طالب ماجستير و ما زال في مرحلة اللغة او سوف يبدأ اللغة
ابو دحيم ....
الله يسعد قلبك وييسر امرك ...
صحيح اني على علم بكل ماذكرت ... لكن اشكرك جزيل الشكر على تنبيهك وانا ممن يجذبني اسم (عبدالرحمن دحيم) لتتبع مواضيعه وردوده ...
بالتوفيق يارب
رد: لكل طالب ماجستير و ما زال في مرحلة اللغة او سوف يبدأ اللغة
يطولي بعمرك اخوي على إفادتك لاخوانك واخواتك
يعطيك العافيه وما قصرت
رد: لكل طالب ماجستير و ما زال في مرحلة اللغة او سوف يبدأ اللغة
اقتباس:
المشاركة الأصلية كتبت بواسطة عاشق ترابها
الله يجزاك خيراً أخوي عبدالرحمن لكن بسألك عن أختبار التوفل والأيلتس هل ينطبق عليه نفس النظام وهل لها دورات معينه؟؟
بالنسبه لهذه الدورات هل يجب أن يكون لديك حصيله لغويه قبل الإلتحاق بها؟؟
وأخوي عبدالرحمن بما أن أحسست أن لديك خبره مواضيع القبول هي يشترط توصيات وكتابة sa للحصول على قبول مشروط
جربت التوفل و جربت الايلتس
التوفل يتفوق في الصعوبه عن الايلتس انك تتعامل مع جهاز ما يعرف ملامحك ولا احنا متعودين على الطباعه الصحيحه عشان نكون قد الاختبار هذا مع انه كثير جابوا درجات عاليه فيه.
اقارن التوفل بالكوره , يكون لاعب في الميدان محترف و لكن في البلايستيشن يسألك وش الي يشوت مربع والا دائره . يعرف الفريق و يعرف كيف يحط الخطه و لكن تخونه امكانياته المحدوده في التكنولوجيا .
الايلتس اعتبره بمعنى الكلمه يقيس مدى تمكنك من اللغه بكل اقسامه , وهو اختبار بسيط و بالممارسه و التدرب له كم مره ان شاء الله انك تجيب الدرجه بسهوله .
لازم يكون عندك لغه عشان تحصل الدرجه و بتجيب على قد لغتك .
القبولات اسف ما احاول اتكلم فيها لاني عجزت افهم السيستم حق الامريكان بالضبط . و تجربتي فيها محدوده في ولايه تكساس .
رد: لكل طالب ماجستير و ما زال في مرحلة اللغة او سوف يبدأ اللغة
يعلم الله اني ما اكتب حرف في هذا المنتدى او غيره الا لسببين الاول ما احد يغلط غلطاتي و الثاني تيسير امور المسلمين .
تذكر انك كنت في يوم من الايام في السعوديه و تشوف امريكا مجهول و متردد كم شهر انك تتحرك لها , و تذكر انك بتروح ل متر ونص في نص متر ومالك الا دعوات الغيب .
و يسعدني مروركم و تعلقيكم و تعديل كلامي لو كان فيه خطأ او طريقه ثانيه اسهل من طريقتي نكسب منها خبره كلنا
رد: لكل طالب ماجستير و ما زال في مرحلة اللغة او سوف يبدأ اللغة
الله يجزاك كل خير على المعلومه
رد: لكل طالب ماجستير و ما زال في مرحلة اللغة او سوف يبدأ اللغة
أخوي عبدالرحمن الله يجزاك خير و يوفقك دين ودنيا
بغيت اسألك .. اذا كنت باخذ دورة جيمات
هل هو يلزم ان اخذ الدورات فقط التابعه لكابلن عشان يعوضوني
لان انا ادرس لغه في معهد جامعه و يسوون دورة جيمات
و ودي اخذها عندهم .
رد: لكل طالب ماجستير و ما زال في مرحلة اللغة او سوف يبدأ اللغة
اقتباس:
المشاركة الأصلية كتبت بواسطة طالب العلالي
أخوي عبدالرحمن الله يجزاك خير و يوفقك دين ودنيا
بغيت اسألك .. اذا كنت باخذ دورة جيمات
هل هو يلزم ان اخذ الدورات فقط التابعه لكابلن عشان يعوضوني
لان انا ادرس لغه في معهد جامعه و يسوون دورة جيمات
و ودي اخذها عندهم .
لا مو شرط اهم شي جهه اكاديميه تقدم الدوره هذي .
و انا انصحك بكابلن لانهم هم الي يقدمون الاختبار و يصححونه و يعرفون مداخله و لفاته .
رد: لكل طالب ماجستير و ما زال في مرحلة اللغة او سوف يبدأ اللغة
ما ذا عن الدورات التى تؤهلك للتوفل والايلس ... هل الملحقية تدفع قيمتها
رد: لكل طالب ماجستير و ما زال في مرحلة اللغة او سوف يبدأ اللغة
هل من مجيب.....................