استفسار صديق أرغب في إهدائه هدية واحترت !! أسال الله أن يجزى كل من يساعدني خير

بصراحه انا الشي الوحيد اللي بيفرحني الحين واتحدى اذا مو اغلب المبتعثين لامريكا يتمنونه هو

صحن كبسه+جالون لبن

جتني قبل كم سنة هدية من شخص عزيز و غالي علي

مهديني ميدالية .. بس وش فكرة هالميدالية ؟

هي أصلا ميداليتين اذا لصقتهم ببعض تطلع علامة قلب .. و اذا شلتها عن بعض يصير نص القلب في ميدالية و النص الثاني في ميدالية ثانية
يعني صدقني بكرة لما يشوف الميدالية بيذكر ان النص الثاني معك ..

و فيه ميدالية بقلب و مفتاحها .. القلب في ميدالية و المفتاح في ميدالية
لما تشوف المفتاح تذكر ان القلب معه و تقابله غصب
و لما هو يشوف القلب مقفل يذكر ان المفتاح معك


يعني جبت لك هالاشياء بما انكم تحبون بعض

و الشباب المتزوجين.. نصيحة إذا تبي مرتك في هالغربة تتعلق فيك جب من هالامور و خل معك المفتاح و القلب معها .. انتبه تعطيها المفتاح

ماشاء الله ,, تفاجأت بعدد الردود صراحة ..
فعلاً تفاعل أخوي تشكرون عليه .. وهذا هو المؤمن كالبنيان والجسد الواحد اذا اشتكى منه عضو تداعى له سائر الجسد ..
عسى الله ان يديم عليكم نعمه ورحمته ..

أعتقد أن انسب الهدايا على رأيكم ( ايباد 3 ) ..
وحقيقة محتار جداً بين الساعه و الايباد !! هل الساعات في امريكا
أرخص أو أغلى من الموجوده بالرياض ؟!
علماً بأن الميزانية للي يسأل ( 2000 - 3000 ) ريال ..

وشاكر لكل من وضع رده ..

^^^^^^^


شيك على موقع سوق ،

بتلاقي ساعات ماركة بأسعار الجملة ونفس الكلام ينطبق على الآيباد أو أي جهاز آخر >>>>> من تجربة شخصية ^^

الهدية لا تقدر بثمن

هلا اخوي .، من رأي افضل هدية تهدى قزازة عطر بس الأهم من كذاانه يكون عطر يغليه .،،

الساعة اختيار حلو بس لاتنسى انها اختيار يوهق شوي لعدة اسباب
فيه ناس عندهم حساسية من المعدن وفيه ناس عندهم حساسية من الجلد فما ادري اذا خويك عنده هـ الشيء اولا
غير كذا الساعة الـ سبور تناسب الجينزات بس والساعة الكشخة يبي لها سكبة ثوب وغترة عشان تبين قيمتها واغلب الشباب يغيرون
بين الجينزات والثياب فهذا شيء مو دايم يشيله معاه
واهم شغلة انه الساعات بـ الذات ذوق شخصي بحت يعني يمقن تعجبه ويمقن لا !!!

ودام ميزانيتك تساعد انك تجيب الايباد فاحس انه اليق لانه شيء باقي ما نزل بالاسواق السعودية وشغلة خفيفة يقدر ياخذها معاه وين ما كان

بس صدقني
ايش ما تقرر انك تجيب له
تظل الهدية بـ معناها مو بـ قيمتها ,, الله يديم المحبة والتواصل بينكم ومثل ما قال احد الاخوة ربي يجعلكم من السبعة اللي يظلهم بـ ظله يوم لا ظل الا ظله

^^^
اللهم امين و المسلمين اجمعين

جزاكم الله خير جميعاً ..
والشكر موصول لمن وضع هذا الصرح الذي جمعني بأحبتي هنا ..
شكراً للجميع