رد: رومــيتي الــمكســيكي رافع ضغــطي تكفووون الحل !!
مو مكسيكي خلاص واضحه ..
سبحان الله شعب ,,,,,, ماحبيتهم ولا ارتحت لهم ابدا ..
استنتاج مني : امكن خاف على القيرل فرند تبعته منك عاد من زينه هو واياها ..
اكرررهم هالشعب اطلع من عنده وريح راسك ..
رد: رومــيتي الــمكســيكي رافع ضغــطي تكفووون الحل !!
اقتباس:
المشاركة الأصلية كتبت بواسطة Deema 2011
مو مكسيكي خلاص واضحه ..
سبحان الله شعب ,,,,,, ماحبيتهم ولا ارتحت لهم ابدا ..
استنتاج مني : امكن خاف على القيرل فرند تبعته منك عاد من زينه هو واياها ..
اكرررهم هالشعب اطلع من عنده وريح راسك ..
بغض النظر عن مجرمينهم , انا اشوفهم اطيب ناس
اطيب من الاسيويين القلق
رد: رومــيتي الــمكســيكي رافع ضغــطي تكفووون الحل !!
رد: رومــيتي الــمكســيكي رافع ضغــطي تكفووون الحل !!
ما قول غير ،
((((((((((((((( ليتهم رقدووووووووووووو)))))))))))
رد: رومــيتي الــمكســيكي رافع ضغــطي تكفووون الحل !!
السعوديين والله على نياتهم ، يحسب ان التعامل الزين مع الامريكيان وخصوصا المكسيكان هو اللي يحببهم فيك!
الوسطيه شي زين بكل شي .. لاتصير طيب بزياده ينلعب عليك ويحسبونك خبل ماتفهم ، ولا تصير شديد مره يصعب التعامل معك
عموما انت الغلطان ، صراحه اللي سويته مايسويه انسان يفكر ، واحد معطيك الخامس وساحب عليك قاعد تمشي وراه ليه ؟؟
تقول لي عشان اللغه؟ لابو لغه تبي تذلني وتهين كرامتي وتخليهم يطقطقون علي ..
اسحب عليه .. فيه الف واحد غيره وغير تعاملك ، خلك وسطي بالتعامل لاتصير طيب بزود ولاتصير اقشر ..
واذا تبي تسولف ، رح السوق ورح للناس اللي تشتغل وسولف معهم ويسولفون معك غصب عشان وظيفته
ولارحت مطعم لاتطلب بسرعه .. اجلس سولف قبل وهو مضطر يسولف معك غصب هههه يعني استغل وظيفتهم وسولف
رد: رومــيتي الــمكســيكي رافع ضغــطي تكفووون الحل !!
يا اخوي أنت عنده مجرد مستأجر لا أكثر ولا اقل
هم الشعوب الغربيه بشكل عام تعاملهم بالمسطره والقلم ماعندهم مجاملات وبصير طيب بيصير طيب معي ..هذا التعامل مع الشرق
نصيحتي لك لا تدلعه وتجي عنده وتودد له ...انت في حالك وهو في حاله ..وامشي معه على انك شركاء سكن لا اكثر ولا اقل ولا تعطيه اكثر من حجمه
رد: رومــيتي الــمكســيكي رافع ضغــطي تكفووون الحل !!
احمد ربك جات على تطنيش
انا بالبداية سكنت مع اجانب وجات من وراهم مشاكل وغيرت السكن واروح لناس اسوء واخس وغيرت مرة ثانية والحين انا ساكن لحالي ومرتاح ولله الحمد
كانت تجيني منهم سب وشتم ورجف على البيبان وخباثة ولعانة منهم ومشاكل ( الله لا يعيد ذيك الايام كانت ايام جدا صعبة وتركت بذاكرتي ذكريات سودة)
حظي كان انحس من النحس مع الروميتات ماطحت الا مع اخس والعن وانذل الناس جاني من وراهم هم وغم ومشاكل وعوار قلب وراس وواحد من العقدين باقي للحين ادفع له
مابكثر لاني مهما كتبت ماراح اوفي بالشرح عن صعوبة ذيك الايام
شوف اخوي ...دام العقد باسمه اطلع وريح راسك ,,, وترا ممارسة اللغة ماتوقف عليه ,, لاتجرح نفسك اكثر من كذا... اخذها نصيحة وابد باول خطوة من الان
كفاية هم ,,, اكد لك سكن يناسبك بدون مايعرف انك بتطلع ولاتخليه يحس ,, وشيل عفشك وفاجاءه واطلع
واذا شفته يوم وسالك قول ولد عمي جاء او اي احد وفضلت اني اسكن معه
بس بصراحة كلامك عن نفسك وحركاتك رفع ضغطي
اسمح لي من خلال استنتاجي من كلماتك اللي كتبتها حللت انت ضعيف جدا بالشخصية
رد: رومــيتي الــمكســيكي رافع ضغــطي تكفووون الحل !!
اسحب على ام امه مابقى الا الاشكال هذي
رد: رومــيتي الــمكســيكي رافع ضغــطي تكفووون الحل !!
جزاكم الله خير جميعاً بنسبه
ي عيبي الوحيد ماحب ازعل احد مني ولا احب احد يشيل بخاطره علي
واعتقد النقطه هذي هي سبب ضياعي اتمنى من الاخوان الي يعلقون يعطووني نصائح واشياء مفيده بدل الأستهتار والطنازه وشكراً
رد: رومــيتي الــمكســيكي رافع ضغــطي تكفووون الحل !!
اقتباس:
المشاركة الأصلية كتبت بواسطة غربـ9
جزاكم الله خير جميعاً بنسبه
ي عيبي الوحيد ماحب ازعل احد مني ولا احب احد يشيل بخاطره علي
واعتقد النقطه هذي هي سبب ضياعي اتمنى من الاخوان الي يعلقون يعطووني نصائح واشياء مفيده بدل الأستهتار والطنازه وشكراً
ياأخوي أنا كنت متابع من البداية لكن أبعتبرك مثل أخوي الصغير اللي أخاف عليه وبقولك نصيحة:
المشكلة من الأساس ياعزيزي تحسب أنه كل الناس تمشي بالطيب وعلوم الرجال والخوة والفزعة مثلنا لا يابعدي, في أمريكا الوضع مختلف (معك قرش تسوى مامعك ماحد يطالع فيك) يعني بالعربي الناس هناك لئام ولا يعرفون الكرم واللي يكون كريم يضحكون عليه ويقولون من ورا ظهره
Stupid Rich Man, he don't know how to spend his money, he just throw it away everywhere
والمنطق اللي تتكلم فيه خله لوالدينك الله يحفظهم لك ويطول باأعمارهم, إخوانك أو الناس اللي تعزهم ويعزونك وبـــــــــــــــــــــــس لاتعامل الناس بتعامل واحد ترى الناس يختلفون والناس مقامات على ماقالوا ففهيم الكريم واللئيم والعزيز والذليل وغيرهم وكل واحد يحتاج مايناسبه من تعامل, لا تعامل الناس كلهم بطيبة ترى ياكلونك ولا تصير أقشر يكرهونك خلك وسط اللي تشوفه وصخ ترفع وأكرم نفسك عنه أو علمه قدره مضبوط واللي تشوفه ولد حمولة وتشوفه متربي وأخلاقه أصيلة حطه تاج على راسك وعامله بما تعامل به نفسك.
أما مثل اللي تكلمت عنه هذا يمشي بالجزمه وأنت بكرامة وخذها من تجربة شخص شاف الكثير من نوعيات البشر هالنوعية من الناس خلك معاه غامض لاتخليه يعرف عن حياتك شئ (طلعاتك, روحاتك, علاقاتك إلخ) وبين له إنك ماتحتاجه باأفعالك وإنك رافع خشمك عليه عشان تكسر خشمه وتخليه يعرف قدره زين ويفهم إنك أفضل منه باأشياء كثيرة وهو مستقلك بالعربي وشايفك خفيف وذاب نفسك عليه بينما أنت تحسب اللي تسويه مرجلة وأخوة لا يا أخوي غير سلوكك وماعليك يزعل مايزعل ماهو من بقية أهلك تاليها بتتخرج إن شاء الله وترجع بالشهادة اللي ترفع الراس وأفلقني إن ذكرته ولا ذكرك وقتها.
أذكر لك قصة حصلت لي تشبه قصتك, واحد من أعز أصدقائي في السعودية بل هو أخوي اللي ماولدته أمي كنت أحبه وأعزه ومستعد أفديه بدمي لو يبي وعشرة عمر بيني وبينه وتجارب كثيرة وكل ماتتخيله وماأستغني عنه إلا وركز على إلا إذا وصلت الأمور للكرامة وعزة النفس وهذا اللي حصل فعلا هو غلط وراح وصاحب ناس ثانين وبدى يمشي معهم هنا الموضوع عادي حتى الأن لكن معاملته لي بدأت تتغير وبدأ يفضل أصحابه الجديدين علي وعادي عندي وغير كذا شانت نفسيته تجاهي وبدت تصير أخلاقه تجارية معي هذا ويقالي صديق يفترض أنه قضى معاه سنين على الحلوة والمرة وقتها بكل بساطة سحبت نفسي بهدوء وأنسحبت من حياته والمهم أنه صحى بعدين وفهم إنه كان على خطأ وإلى يومك يدور علي وندمان كبر شعر راسه أنه فرط فيني ويحاول يرجع الصداقة اللي بيني وبينه ورافضه تماما فما بالك بواحد سلتوح زي هذا مايسوى بصلة وعلاقتك به فلوس وبس والله ياشيخ أفضل موتي ولا أشوف مثل هالوصخين يطقطقون علي ويضحكون علي وأنا مني داري وش السالفة.
على العموم نصيحة من أخوك لاتصير رخيص عند الغير تراك غالي علينا وغالي وعزيز عند أهلك ومن يحبونك لاترخص نفسك للي مايراك غالي وإذا ماعزيت نفسك وصنتها مايحد راح يعزك وصدقني تنعزل وتكون عزيز النفس ومرتاح أفضل من إنك تمشي مع ناس مايقدرونك ولا يبونك وإذا شخص رفضك أتركه وخله يجي من نفسه وإذا ماجاء عادي كلنا بشر وفينا اللي نحبه وودنا نمشي معه وفينا اللي نكرهه وودنا نفارقه من أول نظرة وأنت مشيت مع الشخص الخطأ والمفروض تبحث عن الشخص الصح.
وإعذرني إذا قلت كلام ربما قاسي نوعا ما تراني ماأستخف فيك ولا أستهزئ فيك بل أتكلم من حرة ومن قهر على حالك وحبي للخير لك كما أحبه لنفسي وأعدك مثل أخوي الصغير مثل ماقلتلك, أتمنى يحصل تغيير جذري في حياتك وتتغير حياتك للأفضل وأتمنى لك التوفيق.