عرض للطباعة
السلام عليكم ورحمه الله وبركاته
حقيقة انا احس ان الطالب الللي حاب يكمل عشان درجة الماستر قبوله المشروط ضعيف نسبيا هذا انقبل...
سؤالي هل اللي طالعين ماستر طلعو من السعوديه على قبول لغه فقط وبعد ماجابو اللغه والمعدل قدمو ماستر هناك؟؟
او طلعو من السعوديه بقبول مشروووط؟؟
امنيتي اطلع بقبول مشروط وراسلت تكثر من مكتب ومحد قدر يوفر لي قبول مشروووط؟؟
شرايكم من تجاربكم اطلع بلغه ومن هناك ابحث عن الماستر؟؟ والا تعتبر مخاطره اني اطلع بدون قبول مشروووط:
مرحبتين أختي
وعليكم السلام ورحمة الله
هو صحيح إن القبول المشروط أضمن للطالب .. لكن انتي لازم تعرفين وش معنى قبول مشروط
القبول المشروط هو:
القبول الجامعي مشروطاً بإتمام دراسة جميع مستويات اللغة في المعهد التابع للجامعة أو مستويات معينة، مع استيفاء كامل متطلبات القبول الأخرى !
يعني ما راح تستفيدين من القبول المشروط الا إنك تتخلصين من اختبار التوفل أو الايلتس فقط، لكن جيمات، توصيات .. كلها هذي مطلوبة
عشان كذا من وجهة نظري ..
الواحد يشتغل على نفسه صح، ويشد حيله في اللغة، ويكمل جميع متطلبات الماجستير، وبعدها يدرس في الجامعة اللي تناسب بيئته ورغبته وإمكانياته، أما تحدين نفسك على جامعة وحدة بس وفي مكان واحد ليش ؟
والله يوفقنا وياك ..
كلامك سليم ميتين بالميه
وهذا اللي افكرر فيه...
انا لو بغيت مشروط بس عشان ارتاح نفسيا لكن بضيق الخيارات على نفسي عرفت
لكن هل مضمون اني بعد مااتم جميع الشروط اني انقبل؟؟
لاني معيده ومضطره بمده زمنيه اني ادرس وماضيع وقت
شكرا لك
واتمني من الباقين يشاركونا بارائهم....
طيب ليه ماتجربين تختبرين توفل قبل لاتسافرين وبكذا يصير تقدمين تقدمين على الجامعه قبول عادي
انا بصراحه جالسه احاول اجيب قبوول مشروووط قبل لا اساافر ومافي جامعه ردت علي
وشكلي بروح اختبر هناك توفل وجيمات علشان اقدم على جامعه على طول من غير حوسة القبول المشروط >> هذا لاني مستعجله لازم اروح هالوقت
بس انتي اذا عندك وقت ومجال انصحك تختبرين هنا
والله كثير شفتهم ما معهم قبول مشروط وأنا من ضمنهم
لأن الملحقية شغاله تقفل وتفتح معاهد وجامعات فممكن لما تخلص اللغه تحصل جامعتك مقفله من التعليم العالي فأضمن شيء أنك تحصل على أكثر من قبول
وتقدر تسوي هذا أما في أمريكا أو أنت في بلدك لكن في أمريكا من وجهة نظري أفضل لأنك هنا ممكن تستفيد من خبرات الناس هنا بالنسبه للجامعات والولايات والمدن
وإذا حصلت قبول فأفضل وأفضل لكن لا تجلس على قبول واحد وجامعه واحد خذ لك كذا قبول والله يسهل أمرك ويوفقك
جيب قبول جامعي عشان يصير ملفك كامل
ياللا اتمنى مشااااااركة الكل ابي تجااااااااااااربكم ارجوكم...
وشكرا للي تفاعلو معاي..